ຂ່າວຫຼ້າສຸດ

ເຮືອບິນ​ແບບ​ບໍ່​ມີ​ຄົນ​ຂັບ ຕົກ​ໄປ​ຢູ່​ໃນ​ກຳມື​ຂອງ​ພວກ​ກໍ່​ການ​ຮ້າຍ​ໃນ​ຊີ​ຣີ

77 06 ທ.ວ. 2018 ຂ່າວຕ່າງປະເທດ
ເຮືອບິນ​ແບບ​ບໍ່​ມີ​ຄົນ​ຂັບ ຕົກ​ໄປ​ຢູ່​ໃນ​ກຳມື​ຂອງ​ພວກ​ກໍ່​ການ​ຮ້າຍ​ໃນ​ຊີ​ຣີ

      ສື່ສານ​ໃນ​ເຂດ​ຕາເວັນ​ອອກ​ກາງ ລາຍ​ງານ​ເມື່ອ​ວັນ​ທີ 3 ທັນວາ​ນີ້​ວ່າ ບັນດາ​ສະມາຊິກ​ຂອງ​ກຸ່ມ​ກໍ່​ການ​ຮ້າຍ ຈາ​ບັດ ຟາ​ເຕ ອາ​​ລ-ຊາມ (Jabhat Fateh al-Sham) ຊຶ່ງ​ມີ​ອີກ​ຊື່​ໜຶ່ງ​ມາ​ກ່ອນ​ກໍ​ຄື​ກຸ່ມ​ແນວ​ໂຮມ ອາ​​ລ-ນູ​ສຣາ (al-Nusra) ຖື​ວ່າ​ມີ​ພາຫະນະ​ການບິນ​ແບບ​ບໍ່​ມີ​ຄົນ​ຂັບ​ຢູ່​ໃນ​ກຳມື ຈຳນວນ 100 ລຳ ໂດຍ​ໄດ້​ມາ​ຜ່ານ​ພໍ່ຄ້າ​ໃນ​ຕວກ​ກີ.

   ກຸ່ມ​ດັ່ງກ່າວ​ນຳ​ໃຊ້​ພາຫະນະ​ເຫຼົ່ານັ້ນ ເພື່ອ​ດຳເນີນ​ການ​ໂຈມ​ຕີ​ດ້ວຍ​ອາວຸດ​ເຄ​ມີ ໂດຍ​ແນໃສ່​ກອງ​ກຳລັງ​ຂອງ​ຝ່າຍ​ລັດຖະບານ​ຊີ​ຣີ ຢູ່​ໃນ​ແຂວງ ອິດ​ລິບ (ພາກ​ຕາເວັນຕົກ​ສ່ຽງ​ເໜືອ​ຊີ​ຣີ).

   ບາງ​ແຫຼ່ງ​ຂ່າວ​ທີ່​ບໍ່​ປະສົງ​ອອກ​ນາມ ໃຫ້​ຮູ້​ວ່າ ເຮືອບິນ​ແບບ​ບໍ່​ມີ​ຄົນ​ຂັບ​ດັ່ງກ່າວ ໄດ້​ຮັບ​ການ​ຂົນສົ່ງ​ມາ​ຈາກ​ນະຄອນ ຮາ​ເຣມ ທີ່ຢູ່​ຕິ​ກັບ​ຊາຍ​ແດນ​ຕວກ​ກີ ໄປ​ຍັງ​ພື້ນຖານ​ຂອງ​ກຸ່ມ​ມື​ປືນ​ແຫ່ງ​ໜຶ່ງ​ຢູ່​ໃນ​ເມືອງ ມາ​ອາ​ຣາດ ມີ​ສຣິນ. ເຮືອບິນ​ແບບ​ບໍ່​ມີ​ຄົນ​ຂັບ​ເຫຼົ່ານັ້ນ ໄດ້​ຖືກ​ສົ່ງ​ມອບ​ໃຫ້​ແກ່​ພວກ​ກໍ່​ການ​ຮ້າຍ​ຊາວ ມາ​ຣົກ ແລະ ຊາວ​ລີ​ບີ.

 

ຂ່າວທີ່ກ່ຽວຂ້ອງ