ຂ່າວຫຼ້າສຸດ

ຜົນຈັບສະຫຼາກ ບານເຕະຮອບຄັດເລືອກ ຢູໂຣ 2020

95 06 ທ.ວ. 2018 ວົງຈອນກີລາ
ຜົນຈັບສະຫຼາກ ບານເຕະຮອບຄັດເລືອກ ຢູໂຣ 2020

    ການ​ຈັບ​ສະ­ຫຼາກ​ແບ່ງ​ກຸ່ມ​ສຳ­ລັບ​ການ​ແຂ່ງ­ຂັນ​ບານ­ເຕະ​ຊີງ​ແຊັມ​ເອີ​ຣົບ ຫຼື ຢູ​ໂຣ 2020 ຮອບ​ຄັດ​ເລືອກ ຈັດ​ຂຶ້ນ​ວັນ​ທີ 2 ທັນ­ວາ 2018 ຢູ່​ນະ­ຄອນ­ຫຼວງ​ດັບ​ລິນ ສາ­ທາ­ລະ­ນະ​ລັດ​ອຽກ​ລັງ ຜົນ​ປາ­ກົດ​ວ່າ: ກຸ່ມ A ປະ­ກອບ​ມີ ອັງ­ກິດ ສາ­ທາ­ລະ­ນະ​ລັດ​ເຊັກ ເບົາ​ເກ​ເຣຍ ມອນ​ເຕ​ເນ​ໂກຣ ແລະ ໂຄ​ໂຊ​ໂວ ກຸ່ມ B ປອກ​ຕຸຍ​ການ ແຊັມ​ເກົ່າ ອູ​ເກຣນ ແຊກ​ບີ ລິດ​ທົວ​ເນຍ ແລະ ລຸກ​ຊຳ​ບວກ ກຸ່ມ C ໂຮນ​ລັງ ເຢຍ​ລະ​ມັນ ອຽກ​ລັງ​ເໝືອ ເອັສ​ໂຕ​ນີ ແລະ ເບ​ລາ​ຣຸ​ສ ກຸ່ມ D ສະ​ວິດ ດານ​ມາກ ສາ­ທາ­ລະ­ນະ​ລັດ​ອຽກ​ລັງ ຊັອກ​ຊີ ແລະ ຈີ​ເບົາ​ຕ້າ ກຸ່ມ E ໂຄຣ​ອາ­ຊີ ເວວ ສະ​ໂລ​ວັກ ຮົງ​ກາ​ຣີ ແລະ ອາ​ແຊກ​ໄບ​ຊານ ກຸ່ມ F ແອັສ​ປາຍ ຊູ​ແອັດ ນອກ​ແວ ຣູ​ມາ​ນີ ເກາະ​ເຟ​ໂຣ ແລະ ມາວ​ຕ້າ ກຸ່ມ G ໂປ​ໂລຍ ໂອ​ຕຣິດ ອິດ​ສະ​ຣາ​ແອນ ສະ​ໂລ​ເວ​ນີ ມາ​ເຊ​ໂດ​ນີ ແລະ ລັດ​ວີ ກຸ່ມ H ຝຣັ່ງ ຮອງ​ແຊັມ 2016 ອິດ​ສະ​ລັງ ຕວກ​ກີ ອານ​ບາ​ນີ ມອນ​ໂດ​ວາ ແລະ ອັນ​ດຣໍ​ຣາ ກຸ່ມ I ແບນ​ຊິກ ຣັດ​ເຊຍ ສະ​ກັອດ​ແລນ ໄຊ​ປຣັສ ຄາ​ຊັກ​ສະ­ຖານ ແລະ ຊານ​ມາ​ຣີ​ໂນ ແລະ ກຸ່ມ J ອີ​ຕາ​ລີ ບົດ​ສະ​ນີ-ແຮກ​ເຊີ​ໂກ​ວີ­ນາ ແຟັງ​ລັງ ເກຣັກ ອາກ​ເມ​ນີ ແລະ ເລັກ​ແຕນ​ສະ​ແຕນ.

    ສຳ­ລັບ​ການ​ແຂ່ງ­ຂັນ​ຮອບ​ແບ່ງ​ກຸ່ມ​ຈັດ​ຂຶ້ນ​ວັນ​ທີ 21 ມີ­ນາ ຫາ 19 ພະ­ຈິກ 2019 ແຂ່ງ­ຂັນ​ແບບ​ພົບ​ກັນ​ໝົດ​ໃນ​ກຸ່ມ ແບບ​ໄປ-ກັບ ຄັດ​ເອົາ​ທີ 1-2 ຂອງ​ແຕ່​ລະ​ກຸ່ມ​ເຂົ້າ​ຮອບ​ສຸດ​ທ້າຍ​ບວກ​ກັບ 4 ທີມ​ຜ່ານ​ການ​ເພລ​ອັອຟ ລວມ​ເປັນ 24 ທີມ ໃນ​ຮອບ​ສຸດ​ທ້າຍ ປີ 2020 ທີມ​ທີ່​ສາ­ມາດ​ເພລ​ອັອຟ​ເປັນ​ທີມ​ແຊັມ​ກຸ່ມ​ຈາກ 4 ລີກ​ຂອງ​ຢູ​ຟາ​ເນ​ຊັນ​ລີກ​ທີ່​ເຊື່ອມ​ໂຍງ​ກັບ​ການ​ແຂ່ງ­ຂັນ​ຢູ​ໂຣ ເປັນ​ຮູບ​ແບບ​ໃໝ່​ໃນ​ການ​ຄັດ​ເລືອກ​ຄັ້ງ​ນີ້.

    ສ່ວນ​ການ​ແຂ່ງ­ຂັນ​ຮອບ​ສຸດ​ທ້າຍ​ປີ 2020 ມີ​ເຈົ້າ­ພາບ 12 ທີມ​ຄື: ອັງ­ກິດ ເຢຍ​ລະ​ມັນ ອີ​ຕາ​ລີ ເນ​ເທີ​ແລນ ແອັດ​ປາຍ ຣັດ​ເຊຍ ສະ​ກັອດ​ແລນ ອາ​ເຊີ​ໄບ​ຈັນ ດານ​ມາກ ຣູ​ມາ​ນີ ຮົງ​ກາ​ຣີ ແລະ ອຽກ​ລັງ.

ຂ່າວທີ່ກ່ຽວຂ້ອງ