ຂ່າວຫຼ້າສຸດ

EU ໄດ້​ຮັບ​ຄວາມ​ເສຍ​ຫາຍ​ທາງ​ດ້ານ​ເສດຖະກິດ ຍ້ອນ​ຄວາມ​ຂັດ​ແຍ່ງ ອູ​ແກຣນ-ຣັດ​ເຊຍ

92 07 ທ.ວ. 2018 ຂ່າວຕ່າງປະເທດ
EU ໄດ້​ຮັບ​ຄວາມ​ເສຍ​ຫາຍ​ທາງ​ດ້ານ​ເສດຖະກິດ ຍ້ອນ​ຄວາມ​ຂັດ​ແຍ່ງ ອູ​ແກຣນ-ຣັດ​ເຊຍ

       ຂ່າວສານ AFP ລາຍ​ງານ​ວ່າ ນາງ ເຟ​ເດຣີ​ກາ ໂມ​ເກຣີ​ນີ ຜູ້​ແທນ​ລະດັບ​ສູງ​ຂອງ ສະຫະພາບ​ເອີ​ຣົບ (EU) ກ່ຽວ​ກັບ​ນະໂຍບາຍ​ພົວພັນ​ກັບ​ຕ່າງປະເທດ ແລະ ​ຄວາມ​ໝັ້ນຄົງ ກ່າວ​ໃນ​ເວລາ​ເຂົ້າ​ຮ່ວມ​ກອງ​ປະຊຸມ ລັດຖະມົນຕີ​ການ​ຕ່າງປະເທດ ບັນດາ​ປະເທດ​ສະມາຊິກ ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (NATO) ເມື່ອ​ວັນ​ທີ 5 ທັນວາ​ນີ້ ໂດຍ​ໄດ້​ແຈ້ງ​ເຕືອນ​ອອກ​ມາ​ວ່າ ຄວາມ​ເຄັ່ງ​ຕຶງ​ລະຫວ່າງ​ອູ​ແກຣນ ກັບ​ຣັດ​ເຊຍ ຢູ່​ນອກ​ຝັ່ງ​ທະເລ​ແຫຼມ ໄຄຣ​ເມຍ ພວມ​ກໍ່ໃຫ້ເກີດ​ຜົນ​ກະທົບ ໃຫ້​ແກ່​ເສດຖະກິດ​ຂອງ EU ທ່າມກາງ​ທີ່​ການເຄື່ອນໄຫວ ຂອງ​ກຳປັ່ນ ເຮືອ​ແພ ຂອງ​ເອີ​ຣົບ ຖືກ​ກີດຂວາງ.

    ນາງ ໂມ​ເກຣີ​ນີ ເວົ້າ​ວ່າ EU ພວມ “ໄດ້​ຮັບ​ຜົນ​ກະທົບ” ແລະ ວ່າ​ນາງ​ຈະ​ຍົກ​ບັນຫາ​ນີ້ ໄປ​ຫາລື​ກັບ​ລັດຖະມົນຕີ​ການ​ຕ່າງປະເທດ​ຣັດ​ເຊຍ ແລະ ອູ​ແກຣນ ໃນ​ລະຫວ່າງ​ການ​ປະຊຸມ ຢູ່​ທີ່​ນະຄອນ ມີ​ລານ (ອີ​ຕາ​ລີ).

ຂ່າວທີ່ກ່ຽວຂ້ອງ