ຂ່າວຫຼ້າສຸດ

ຕ້ານ​ການ​ປ່ຽນແປງ​ສະພາບ​ອາກາດ​ຢ່າງ​ຂ້ຽວຂາດ ອາດ​ຊ່ວຍ​ຊີວິດ​ໄດ້​ຫຼາຍ​ລ້ານ​ຄົນ

103 07 ທ.ວ. 2018 ຂ່າວຕ່າງປະເທດ
ຕ້ານ​ການ​ປ່ຽນແປງ​ສະພາບ​ອາກາດ​ຢ່າງ​ຂ້ຽວຂາດ ອາດ​ຊ່ວຍ​ຊີວິດ​ໄດ້​ຫຼາຍ​ລ້ານ​ຄົນ

    ວັນ​ທີ 5 ທັນວາ​ນີ້ ອົງການ​ອະນາໄມ​ໂລກ (WHO) ໄດ້​ປະກາດ​ບົດ​ລາຍ​ງານ ພິເສດ​ສະບັບ​ໜຶ່ງ ກ່ຽວ​ກັບ​ການ​ພົວພັນ​ລະຫວ່າງ​ການ​ປ່ຽນແປງ​ສະພາບ​ອາກາດ ກັບ​ສຸຂະພາບ ຂອງ​ຜູ້​ຄົນ. ບົດ​ລາຍ​ງານ​ນີ້​ເປັນ​ເນື້ອ​ໃນ​ສ່ວນ​ໜຶ່ງ ທີ່​ນຳ​ສະເໜີ​ຕໍ່​ກອງ​ປະຊຸມ​ຄັ້ງ​ທີ 24  ກ່ຽວ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ ຂອງ​ສະຫະ​ປະຊາ​ຊາດ  (COP 24) ຊຶ່ງ​ພວມ ດຳເນີນ​ງານ​ຢູ່​ທີ່​ປະເທດ​ໂປ​ໂລຍ.

    ບົດ​ລາຍ​ງານ​ດັ່ງກ່າວ​ລະບຸ​ວ່າ ການ​ດຳເນີນ​ການ​ຢ່າງ​ຂ້ຽວຂາດ ເພື່ອ​ຕ້ານ​ກັບ​ການ​ປ່ຽນແປງ ສະພາບ​ດິນ​ຟ້າ​ອາກາດ​ໃນ​ວັນ​ນີ້ ອາດ​ຈະ​ເປັນ​ຊ່ວຍເຫຼືອ​ຊີວິດ​ຂອງ​ຫຼາຍໆ​ຄົນ ແລະ ​ປະຢັດ​ຊັບ​ສິນ ເງິນ​ຄຳ​ໄດ້​ເປັນ​ຈຳນວນ​ຫຼາຍ ເມື່ອ​ຮອດ​ກາງ​ສະຕະວັດ​ທີ 21. ຂໍ້​ຕົກລົງ​ປາ​ຣີ ປີ 2015 ບໍ່​ສະເພາະ​ແຕ່​ນຳ​ມາ​ຊຶ່ງ​ຜົນ​ປະໂຫຍດ​ໃຫ້​ແກ່​ໜ່ວຍ​ໂລກ​ເທົ່າ​ນັ້ນ ຫາກ​ຍັງ​ນຳ​ມາ​ຊຶ່ງ​ຜົນ​ປະໂຫຍດ ໃຫ້​ແກ່​ການ​ດຳລົງ​ຊີວິດ​ຂອງ​ຜູ້​ຄົນ​ນຳ​ອີກ. ຄາດ​ວ່າ ສະເພາະ​ແຕ່​ການ​ຫຼຸດຜ່ອນ​ມົນ​ລະ​ພິດ​ໃນ​ອາກາດ ກໍ​ສາມາດ​ຊ່ວຍເຫຼືອ​ຊີວິດ​ໄດ້​ປະມານ 1 ລ້ານ​ຄົນ.

    ບົດ​ລາຍ​ງານ​ດັ່ງກ່າວ​ກໍ​ຢັ້ງຢືນ​ວ່າ ຜົນ​ປະໂຫຍດ​ທາງ​ດ້ານ​ເສດຖະກິດ ທີ່​ບັນລຸ​ໄດ້ ຈາກ​ການ​ແກ້​ໄຂ​ສຸຂະພາບ​ຂອງ​ຜູ້​ຄົນ ຈະ​ໃຫຍ່​ທົບ​ສອງ​ເທົ່າ​ຕົວ ຂອງ​ລະດັບ​ຄ່າ​ໃຊ້​ຈ່າຍ ໃຫ້​ແກ່​ການ​ແກ້​ໄຂ​ສະພາບ​ໜ່ວຍ​ໂລກ​ຮ້ອນ​ຂຶ້ນ ແລະ​ຕ້ານ​ມົນ​ລະ​ພິດ​ໃນ​ອາກາດ. ຄາດ​ວ່າ ການ​ສຳ​ພັດ​ກັບ​ອາກາດ​ເປັນ​ພິດ ເຮັດ​ໃຫ້​ມີ​ຜູ້​ເສຍ​ຊີວິດ 7 ລ້ານ​ຄົນ/ປີ ເຮັດ​ໃຫ້​ເກີດ​ຄວາມ​ເສຍ​ຫາຍ​ດ້ານ​ສະ​ຫວ​ຍັດ​ດີ​ການ ໃນ​ທົ່ວ​ໂລກ​ເຖິງ 5.110 ຕື້​ໂດ​ລາ​ສະຫະລັດ.

 

ຂ່າວທີ່ກ່ຽວຂ້ອງ