ຂ່າວຫຼ້າສຸດ

ເກີດ​ອຸບັດເຫດ​ເຮືອບິນ​ຕົກ​ຢູ່​ໃນ​ປອກ​ຕຸຍ​ການ ແລະ ອູ​ແກຣນ

334 18 ທ.ວ. 2018 ຂ່າວຕ່າງປະເທດ
ເກີດ​ອຸບັດເຫດ​ເຮືອບິນ​ຕົກ​ຢູ່​ໃນ​ປອກ​ຕຸຍ​ການ ແລະ ອູ​ແກຣນ

   ອົງການ​ກູ້​ໄພ INEM ຂອງ​ປອກ​ຕຸຍ​ການ ແຈ້ງ​ໃຫ້​ຮູ້ເມື່ອ​ວັນ​ທີ 15 ທັນວາ​ນີ້ ວ່າ​ເຮືອບິນ​ເອ​ລີ​ກອບ​ແຕ​ກູ້​ໄພລຳ​ໜຶ່ງ ໄດ້​ປະສົບ​ເຫດ​ຕົກ ຢູ່​ໃນ​ເຂດ​ພູ​ໃຫ້​ກັບ​ນະຄອນ ປອກ​ໂຕ ຊຶ່ງ​ເປັນ​ເມືອງ​ໃຫຍ່​ອັນ​ດັບ​ສອງ​ຂອງ​ປະເທດ​ນີ້ ເປັນ​ເຫດ​ໃຫ້​ມີ​ຜູ້​ທີ່ຢູ່​ໃນ​ເຮືອບິນ​ນັ້ນ 4 ຄົນ ເສຍ​ຊີວິດ​ທັງ​ໝົດ.

    ໂທລະພາບ​ແຫ່ງ​ລັດ​ຊ່ອງ RTP ແລະ ​ໜັງສືພິມ Correio de Manha ລາຍ​ວັນ ຕ່າງ​ກໍ​ລາຍ​ງານ​ວ່າ ນັກ​ບິນ 2 ຄົນ ແພດ​ຄົນ​ໜຶ່ງ ແລະ​ ທ່ານໝໍ​ອີກ​ຄົນ​ໜຶ່ງ ທີ່ຢູ່​ໃນ​ເຮືອນ​ບິນ​ປະສົບ​ເຫດ​ດັ່ງກ່າວ ໄດ້​ເສຍ​ຊີວິດ.

    ໃນ​ຂະນະ​ດຽວ​ກັນ ຂ່າວສານ ຣອຍ​ເຕີ ລາຍ​ງານ​ອ້າງ​ຕາມ​ຂໍ້​ມູນ​ຈາກ​ກອງທັບ​ອູ​ແກຣນ ໃຫ້​ຮູ້​ວ່າ ເຮືອບິນ​ສູ້​ຮົບ Su-27 ລຳ​ໜຶ່ງ​ໄດ້​ປະສົບ​ເຫດ​ໃນ​ວັນ​ທີ 15 ທັນວາ​ນີ້ ຊຶ່ງ​ເກີດ​ຂຶ້ນ​ໃນ​ຂະນະ​ທີ່​ພວມ​ກຽມ​ບິນ​ລົງ​ຈອດ ເປັນ​ເຫດ​ໃຫ້​ນັກ​ບິນ​ທີ່​ບັງຄັບ​ເຮືອບິນ​ນັ້ນ​ເສຍ​ຊີວິດ.

ຂ່າວທີ່ກ່ຽວຂ້ອງ