ຂ່າວຫຼ້າສຸດ

ຈີນ - ອາ​ຟະ​ກາ​ນິດ​ສະຖານ-ປາ​ກິດ​ສະຖານ ເຫັນ​ດີ​ເພີ່ມ​ທະວີ​ການ​ຮ່ວມ​ມື​ສາມ​ຝ່າຍ

325 18 ທ.ວ. 2018 ຂ່າວຕ່າງປະເທດ
ຈີນ - ອາ​ຟະ​ກາ​ນິດ​ສະຖານ-ປາ​ກິດ​ສະຖານ ເຫັນ​ດີ​ເພີ່ມ​ທະວີ​ການ​ຮ່ວມ​ມື​ສາມ​ຝ່າຍ

   ໃນ​ກອງ​ປະຊຸມ​ສົນທະນາ ລະດັບ​ລັດຖະມົນຕີ​ການ​ຕ່າງປະເທດ ຄັ້ງ​ທີ 2 ຊຶ່ງ​ຈັດ​ຂຶ້ນ​ທີ່​ນະຄອນຫຼວງ ກາ​ບູນ ຂອງ​ອາ​ຟະ​ກາ​ນິດ​ສະຖານ ເມື່ອ​ວັນ​ທີ 15 ທັນວາ​ນັ້ນ ອາ​ຟະ​ກາ​ນິດ​ສະຖານ ປາ​ກິດ​​ສ​ຖານ ແລະ​ຈີນ ໄດ້​ເຫັນ​ດີ​ເປັນ​ເອກະສັນ​ກັນ ຊຸກຍູ້​ການ​ຮ່ວມ​ມື​ແບບ 3 ຝ່າຍ.

   ທ່ານ ຫວາງ​ຢີ້ ລັດຖະມົນຕີ​ການ​ຕ່າງປະເທດ​ຈີນ ກ່າວ​ຕໍ່​ຜູ້​ສື່​ຂ່າວ ຫຼັງ​ຈາກ​ເຂົ້າ​ຮ່ວມ​ການ​ປະຊຸມ​ດັ່ງກ່າວ​ວ່າ ສາມ​ປະເທດ​ໄດ້​ເຫັນ​ດີ​ເປັນ​ເອກະສັນ​ກັນ ເຖິງ​ການ​ນຳ​ໃຊ້​ການ​ປະຊຸມ​ສົນທະນາ​ລະດັບ​ລັດຖະມົນຕີ​ການ​ຕ່າງປະເທດ ກໍ​ຄື​ກົນ​ໄກ​ຕ່າງໆ​ທີ່​ກ່ຽວຂ້ອງ ເພື່ອ​ເພີ່ມ​ທະວີ​ການ​ປະສານ​ງານ ແລະ​ການ​ຕິດຕໍ່  ໃນ​ການ​ຂຶ້ນ​ແຜນ ແລະ​ຊຸກຍູ້​ການ​ຮ່ວມ​ມື 3 ຝ່າຍ ໃນ​ຫຼາຍ​ຂົງເຂດ.

   ສັບ​ລັບ​ຂະ​ບວນ​ການ​ສ້າງ​ຄວາມ​ປອງ​ດອງ ຢູ່​ໃນ​ອາ​ຟະ​ກາ​ນິດ​ສະຖານ ສາມ​ຝ່າຍ​ໄດ້​ສະແດງ​ຄວາມ​ພ້ອມ ໃນ​ການ​ເພີ່ມ​ທະວີ​ການ​ປະສານ​ສົມທົບ ແລະ ​ຊຸກຍູ້​ເພື່ອ​ໃຫ້​ຕາ​ລີ​ບັນ ກັບເຂົ້າ​ສູ່​ໂຕະ​ເຈລະຈາ​ໂດຍ​ໄວ. ຄຽງ​ຄູ່​ກັນ​ນັ້ນ ອາ​ຟະ​ກາ​ນິດ​ສະຖານ ປາ​ກິດ​ສະຖານ ແລະ​ ຈີນ ຍັງ​ໄດ້​ໃຫ້​ສັນຍາ​ເຖິງ​ການ​ປະຕິບັດ​ບົດ​ບັນທຶກ​ຊ່ວຍ​ຈຳ (MoU) ທີ່​ຫາ​ກໍ​ໄດ້​ຮັບ​ການ​ລົງ​ນາມ ກ່ຽວ​ກັບ​ການ​ຕ້ານ​ການ​ກໍ່​ການ​ຮ້າຍ ເພີ່ມ​ທະວີ​ການ​ສົນທະນາ​ກ່ຽວ​ກັບ​ນະໂຍບາຍ ກໍ​ຄື​ຊຸກຍູ້​ການ​ຮ່ວມ​ມື​ຕ້ານ​ການ​ກໍ່​ການ​ຮ້າຍ.

    ການ​ສົນທະນາ​ລະຫວ່າງ​ລັດຖະມົນຕີ​ການ​ຕ່າງປະເທດ ອາ​ຟະ​ກາ​ນິດ​ສະຖານ-ປາ​ກິດ​ສະຖານ-ຈີນ ເປັນ​ກົນ​ໄກ​ທີ່ 3 ປະເທດ ນຳ​ອອກ​ມາ​ເມື່ອ​ປີ 2017. 

ຂ່າວທີ່ກ່ຽວຂ້ອງ