ຂ່າວຫຼ້າສຸດ

ທ່ານ ຣາ​ນິນ ວິກ​ເກຣ​ເມ​ຊິງ​ເກ ກັບ​ຄືນ​ສູ່​ຕຳແໜ່ງ​ນາຍົກ​ລັດ​ຖະ​ມົນ​​​ຕີ​ສີ​ລັງກາ

358 18 ທ.ວ. 2018 ຂ່າວຕ່າງປະເທດ
ທ່ານ ຣາ​ນິນ ວິກ​ເກຣ​ເມ​ຊິງ​ເກ ກັບ​ຄືນ​ສູ່​ຕຳແໜ່ງ​ນາຍົກ​ລັດ​ຖະ​ມົນ​​​ຕີ​ສີ​ລັງກາ

     ຫຼາຍ​ແຫຼ່ງ​ຂ່າວ​ຢູ່​ໃນ​ສີ​ລັງກາ ແຈ້ງ​ໃຫ້​ຮູ້​ວ່າ ທ່ານ ຣາ​ນິນ ວິກ​ເກຣ​ເມ​ຊິງ​ເກ ໄດ້​ກັບ​ຄືນ​ສູ່​ການ​ດຳລົງ​ຕຳແໜ່ງ​ນາຍົກລັດຖະມົນຕີ​ຂອງ​ປະເທດ​ນີ້​ແລ້ວ ນັບ​ແຕ່​ວັນ​ທີ 15 ທັນວາ ເປັນ​ການ​ຢຸດຕິ​ວິ​ກິດ​ການ​ການເມືອງ ທີ່​ເກີດ​ຂຶ້ນ​ຢູ່​ໃນ​ສີ​ລັງກາ ນັບ​ແຕ່​ທ້າຍ​ເດືອນ​ຕຸລາ​ທີ່​ຜ່ານ​ມາ ຫຼັງ​ຈາກ​ທີ່​ທ່ານ ຣາ​ນິນ ວິກ​ເກຣ​ເມ​ຊິງ​ເກ  ຖືກ​ປົດ​ອອກ​ຈາກ​ຕຳແໜ່ງ​ຢ່າງ​ບໍ່​ຄາດ​ຝັນ.

  ໂຄສົກ​ຂອງ​ລັດຖະບານ ພາຍ​ໃຕ້​ການ​ນຳພາ​ຂອງ​ທ່ານ ວິກ​ເກຣ​ເມ​ຊິງ​ເກ ໃຫ້​ຮູ້​ວ່າ ທ່ານ ວິກ​ເກຣ​ເມ​ຊິງ​ເກ ໄດ້​ສາບານ​ຕົນ​ຮັບ​ຕຳແໜ່ງ​ນາຍົກລັດຖະມົນຕີ​ສີ​ລັງກາ ໃນ​ວັນ​ທີ 16 ທັນວາ​ນີ້. ໃນ​ຂະນະ​ດຽວ​ກັນ ເຈົ້າ​ໜ້າທີ່​ທ່ານ​ໜຶ່ງ ຈາກ​ຫ້ອງ​ວ່າການ​ປະທານາທິບໍດີ​ສີ​ລັງກາ ມາຍ​ທຣີ​ປາ​ລາ ຊີ​ຣີ​ເຊ​ນາ ກໍ​ໄດ້​ຢັ້ງຢືນ​ຂໍ້​ມູນ​ດັ່ງກ່າວ​ເຊັ່ນ​ກັນ.

   ກ່ອນ​ໜ້າ​ນັ້ນ​ໜຶ່ງ​ວັນ ນາຍົກລັດຖະມົນຕີ ມາ​ຮິນ​ດາ ຣາ​ຊາ​ປັກ​ເຊ ຜູ້​ຊຶ່ງ ໄດ້​ຮັບ​ການ​ແຕ່ງຕັ້ງ​ກ່ອນ​ໜ້າ​ນັ້ນ ກໍ​ໄດ້​ປະກາດ​ລາ​ອອກ​ຈາກ​ຕຳແໜ່ງ​ຢ່າງ​ເປັນ​ທາງ​ການ. 

ຂ່າວທີ່ກ່ຽວຂ້ອງ