ຂ່າວຫຼ້າສຸດ

ນີ​ກາ​ຣາ​ກົວ ປິດ​ຫ້ອງການ​ຂອງ NGO ທີ່​ຖືກ​ກ່າວ​ຫາ​ຊ່ວຍເຫຼືອ​ກໍ່​ລັດຖະປະຫານ

507 18 ທ.ວ. 2018 ຂ່າວຕ່າງປະເທດ
ນີ​ກາ​ຣາ​ກົວ ປິດ​ຫ້ອງການ​ຂອງ NGO ທີ່​ຖືກ​ກ່າວ​ຫາ​ຊ່ວຍເຫຼືອ​ກໍ່​ລັດຖະປະຫານ

    ຕາມ​ຂ່າວ​ຕ່າງປະເທດ ຕຳຫຼວດ​ນີ​ກາ​ຣາ​ກົວ ໄດ້​ປິດ ແລະ​ຢຶດ​ຊັບ​ສິນ​ຂອງ​ຫ້ອງການ ຂອງ​ບັນດາ​ອົງການ​ທີ່​ບໍ່​ຂຶ້ນ​ກັບ​ລັດຖະບານ (NGO) ຫຼາຍ​ແຫ່ງ​ຢູ່​ໃນ​ປະເທດ​ນີ້ ຊຶ່ງ​ຖືກ​ສົງ​ໃສ​ວ່າ ເຂົ້າ​ຮ່ວມ​ກົນອຸບາຍ​ໂຄ່ນ​ລົ້ມ​ອຳນາດ​ການ​ປົກຄອງ ທີ່​ຖືກຕ້ອງ​ຕາມ​ລັດ​ຖະ​ທຳ​ມະນູນ  ຢູ່​ໃນ​ນີ​ກາ​ຣາ​ກົວ.

    ໃນ​ຈຳນວນ​ຫ້ອງການ​ຂອງ NGO ທີ່​ຖືກ​ປິດ​ໄປ​ນັ້ນ ມີ “ສູນ​ສິດທິ​ມະນຸດ​ນີ​ກາ​ຣາ​ກົວ” ແລະ​ອົງການ​ທີ່​ບໍ່​ຂຶ້ນ​ກັບ​ລັດຖະບານ​ອີກ 4 ແຫ່ງ ຊຶ່ງ​ສະພາ​ແຫ່ງ​ຊາດ​ນີ​ກາ​ຣາ​ກົວ ໄດ້​ຢຶດ​ເອົາ​ໃບ​ອະນຸຍາດ​ການເຄື່ອນໄຫວ ດ້ວຍ​ຂໍ້​ກ່າວ​ຫາ​ວ່າ​ຮັບ​ເງິນ​ຊ່ວຍເຫຼືອ ເພື່ອ​ນຳໄປ​ຊ່ວຍເຫຼືອ ໃຫ້​ແກ່​ກົນອຸບາຍ​ກໍ່​ລັດຖະປະຫານ ໂຄ່ນ​ລົ້ມ​ປະທານາທິບໍດີ ດາ​ນຽນ ອອກ​ເຕ​ກາ.

    ລັດຖະບານ​ນີ​ກາ​ຣາ​ກົວ ຖະແຫຼງ​ວ່າ ຊັບ​ສິນ​ທັງ​ໝົດ​ທີ່​ຢຶດ​ມາ​ໄດ້​ນັ້ນ ຈະ​ໄດ້​ໂອນ​ຜ່ານ “ກອງ​ທຶນ​ເພື່ອ​ບັນດາ​ຜູ້​ໄດ້​ຮັບ​ເຄາະ​ຮ້າຍ​ຈາກ​ການ​ກໍ່​ການ​ຮ້າຍ”. 

ຂ່າວທີ່ກ່ຽວຂ້ອງ