ຂ່າວຫຼ້າສຸດ

ເມັສຊີ ໄດ້ລາງວັນເກີບຄຳສະໄໝທີ 5

301 24 ທ.ວ. 2018 ວົງຈອນກີລາ
ເມັສຊີ ໄດ້ລາງວັນເກີບຄຳສະໄໝທີ 5

    ລີ​ໂອ​ເນວ ເມັສ​ຊີ ກອງ​ໜ້າ​ທີມ​ຊາດ​ອາກ​ຊັງ​ຕິນ​ຂອງ​ສະ­ໂມ­ສອນ​ບາ​ຣ​ເຊ​ໂລ​ນາ ໄວ 31 ປີ ໄດ້​ຮັບ​ລາ­ງວັນ​ເກີບ​ຄຳ ຫຼື ດາວ​ຍິງ​ສູງ​ສຸດ​ຂອງ 5 ລີກ​ຊັ້ນ​ນຳ​ຂອງ​ເອີ​ຣົບ (ອັງ­ກິດ ແອັສ​ປາຍ ອີ​ຕາ​ລີ ເຢຍ​ລະ​ມັນ ຝຣັ່ງ) ສະ­ໄໝ​ທີ 5 ໃນ​ລະ­ດູ​ການ​ຜ່ານ​ມາ ເປັນ​ຄົນ​ທຳ​ອິດ​ໃນ​ໂລກ​ທີ່​ເຮັດ​ໄດ້.

    ລະ­ດູ​ການ​ຜ່ານ​ມາ 2017-2018 ເມັສ​ຊີ ຍິງ​ໃນ​ລີກ​ສູງ​ສຸດ​ຂອງ​ແອັສ​ປາຍ 34 ປະ­ຕູ ຈາກ 36 ນັດ ເອົາ​ຊະ­ນະ​ໂມ​ຮາ​ເໝັດ​ຊາ​ລາ ກອງ​ໜ້າ​ທີມ​ຊາດ​ເອ​ຢິບ​ຂອງ​ລີ​ເວີ​ພູ​ລ​ທີ່​ຍິງ​ໄດ້ 32 ປະ­ຕູ ທີ 3 ແຮ​ຣີ ເຄນ ກອງ​ໜ້າ​ທີມ​ຊາດ​ອັງ­ກິດ​ຂອງ​ສະ​ເປີ ຍິງ​ໄດ້ 30 ປະ­ຕູ.

    ເມັສ​ຊີ​ໄດ້​ລາ­ງວັນ​ນີ້​ເປັນ​ຄັ້ງ​ທີ 5 ຕໍ່​ຈາກ​ລະ­ດູ​ການ 2009-2010 ຍິງ​ໄດ້ 34 ປະ­ຕູ ລະ­ດູ​ການ 2011-2012 ຍິງ​ໄດ້ 50 ປະ­ຕູ ລະ­ດູ​ການ 2012-2013 ຍິງ​ໄດ້ 46 ປະ­ຕູ ແລະ ລະ­ດູ​ການ 2017-2018 ຍິງ​ໄດ້ 34 ປະ­ຕູ ແຊງ ຄຣິ​ສ​ເຕຍ​ໂນ ໂຣ​ນາວ​ໂດ ໄດ້​ລາ­ງວັນ​ນີ້ 4 ສະ­ໄໝ ລະ­ດູ​ການ​ນີ້ ເມັສ​ຊີ ຍິງ​ໄປ​ແລ້ວ 14 ປະ­ຕູ ຈາກ 14 ນັດ​ໃນ​ລາ​ລີ​ກາ.

ຂ່າວທີ່ກ່ຽວຂ້ອງ