ຂ່າວຫຼ້າສຸດ

ທີມຊາດຫວຽດນາມຮັບເງິນ 50 ຕື້ກວ່າດົງ ຫຼັງໄດ້ແຊັມອາຊຽນ 2018

369 24 ທ.ວ. 2018 ວົງຈອນກີລາ
ທີມຊາດຫວຽດນາມຮັບເງິນ 50 ຕື້ກວ່າດົງ ຫຼັງໄດ້ແຊັມອາຊຽນ 2018

    ທີມ​ຊາດ​ຫວຽດ­ນາມ ແຊັມ AFF Suzuki Cup 2018 ຫຼັງ​ຈາກ​ສາ­ມາດ​ຄວ້າ​ແຊັມ​ອາ​ຊຽນ​ເປັນ​ສະ­ໄໝ​ທີ 2 ໃນ​ຮອບ 10 ປີ ຕໍ່​ຈາກ ປີ 2008 ນັດ​ທີ 2 ຮອບ​ຊີງ​ຊະ­ນະ​ເລີດ ປີ 2018 ສາ­ມາດ​ໄລ່​ເອົາ​ຊະ­ນະ ມາ​ເລ​ເຊຍ 1-0 ຈາກ​ຫງຽນ​ແອັງ​ດຶກ ນາ­ທີ 6 ລວມ​ຜົນ 2 ນັດ ຫວຽດ­ນາມ ຊະ­ນະ ມາ​ເລ​ເຊຍ 3-2 ຮັບ​ຂັນ​ແຊັມ​ພ້ອມ​ເງິນ​ລາ­ງວັນ​ຈາກ​ຝ່າຍ​ຈັດ­ການ​ແຂ່ງ­ຂັນ 3 ແສນ​ໂດ​ລາ​ສະ­ຫະ­ລັດ ຫຼື ປະ­ມານ 2,5 ຕື້​ກີບ ແລະ ເງິນ​ໂບ​ນັດ ອີກ 1 ແສນ​ໂດ​ລາ ຫຼື ປະ­ມານ 856 ລ້ານ​ກີບ.

    ນອກ­ຈາກ​ນີ້ ລັດ­ຖະ­ບານ​ຫວຽດ­ນາມ ໄດ້​ມອບ​ເງິນ​ລາ­ງວັນ​ໃຫ້​ທີມ​ຊຸດ​ນີ້​ຄົນ​ລະ 45 ລ້ານ​ດົງ ຫຼື ປະ­ມານ 16,58 ລ້ານ​ກີບ ໂດຍ​ບໍ່​ຕ້ອງ​ເສຍ​ພາ­ສີ ແລະ ຍັງ​ມີ​ບໍ­ລິ­ສັດ​ທີ່​ມອບ​ເງິນ​ສະ­ໜັບ­ສະ­ໜູນ​ເປັນ​ທາງ​ການ​ເຊັ່ນ: ສະ­ຫະ­ພັນ​ບານ­ເຕະ​ຫວຽດ­ນາມ​ມອບ​ໃຫ້​ຄູ​ຝຶກ ປ໊າກ​ຮັງ​ໂຊ ສ ເກົາ­ຫຼີ 1 ຕື້​ດົງ ບໍ­ລິ­ສັດ Vinaphone 2 ຕື້​ດົງ ມອບ​ໃຫ້​ທີມ​ທະ­ນາ­ຄານ TPBank 2 ຕື້​ດົງ ທະ­ນາ­ຄານ Vietcombank 1 ຕື້​ດົງ ບໍ­ລິ­ສັດ Thaco 1 ຕື້​ດົງ ແລະ ມອບ​ໃຫ້​ຄູ​ເຝິກ 50.000 ໂດ​ລາ ບໍ­ລິ­ສັດ Asanzo 1 ຕື້​ດົງ.

    ໂດຍ​ເງິນ​ລາ­ງວັນ​ສະ­ໜັບ­ສະ­ໜູນ​ຈຳ­ນວນ​ນີ້ ໄດ້​ແບ່ງ­ປັນ​ອອກ​ເປັນ 4 ສ່ວນ: ສ່ວນ​ທີ 1 ໃຫ້​ບຸກ­ຄົນ​ທີ​ມີ​ຜົນ­ງານ​ເດັ່ນ​ໃນ​ທີມ ຄົນ​ລະ1,8 ຕື້​ດົງ ສ່ວນ​ທີ 2 ມອບ​ໃຫ້​ຄົນ​ລະ 1,5 ຕື້​ດົງ ສ່ວນ​ທີ 3 ຄົນ​ລະ 1,2 ຕື້​ດົງ ແລະ ສ່ວນ​ທີ 4 ແພດ​ປະ­ຈຳ​ທີມ 2 ທ່ານ ແລະ ພະ­ນັກ­ງານ​ເບິ່ງ​ເຄື່ອງ 1 ຄົນ ຮັບ​ເງິນ​ຄົນ​ລະ 850 ລ້ານ​ດົງ.

ຂ່າວທີ່ກ່ຽວຂ້ອງ