ຊາລ້າ ມາເນ່ ໂອບາເມຢ໊ອງ ເຂົ້າຊີງລາງວັນນັກເຕະດີເດັ່ນອາຟຣິກາ

127 08 ມ.ກ. 2019 ວົງຈອນກີລາ

    ໂມ​ຮາ​ເໝັດ​ຊາ​ລ້າ​ຊາ​ດີ​ໂອ​ມາ​ເນ່ ແລະ ປີ​ແອ​ເອ​ເມ​ຣິກ​ໂອ​ບາ​ເມ​ຢ໊ອງ 3 ຕົວ​ບຸກ​ໃນ​ເວ­ທີ​ພຣີ​ເມຍ​ລີກ​ອັງ­ກິດ​ເປັນ 3 ຄົນ​ສຸດ​ທ້າຍ​ທີ່​ມີ​ລາຍ​ຊື່​ເຂົ້າ​ຊີງ​ລາ­ງວັນ​ນັກ​ເຕະ​ຊາຍ​ດີ­ເດັ່ນ​ຂອງ​ທະ­ວີບ​ອາ​ຟຣິ​ກາ ປະ­ຈຳ​ປີ 2018 ເປັນ 3 ນັກ​ເຕະ​ໜ້າ​ເກົ່າ​ທີ່​ເຂົ້າ​ຊີງ​ໃນ​ປີ 2017.

    ຊາ​ລ້າ​ຕົວ​ເກັງ ກອງ​ໜ້າ​ທີມ​ຊາດ​ເອ​ຢິບ ໄວ 26 ປີ ຂອງ​ສະ­ໂມ­ສອນ​ລີ​ເວີ​ພູ​ລ​ເຈົ້າ​ຂອງ​ລາ­ງວັນ​ນີ້ ປີ 2017 ຜົນ­ງານ​ປີ 2018 ນຳ​ຕົ້ນ​ສັງ­ກັດ​ໄດ້​ຮອງ​ແຊັມ​ຢູ​ຟ້າ​ແຊັມ​ປ້ຽນ​ລີກ ຍິງ 46 ປະ­ຕູ ໃນ​ປະ­ຕິ­ທິນ​ປີ 2018 ນຳ​ທີມ​ຊາດ​ເອ​ຢິບ​ໄປ​ບານ​ໂລກ 2018 ຄັ້ງ​ທຳ​ອິດ​ໃນ​ຮອບ 28 ປີ ພ້ອມ​ກັບ​ນຳ​ຕົ້ນ​ສັງ­ກັດ​ລີ​ເວີ​ພູ​ລ​ຂຶ້ນ​ນຳ​ໃນ​ພຣີ​ເມຍ​ລີກ​ລະ­ດູ​ການ​ນີ້.

    ຂະ­ນະ​ທີ່​ມາ​ເນ່​ອີກ​ໜຶ່ງ​ຕົວ​ບຸກ​ຈາກ​ລີ​ເວີ​ພູ​ລ​ທີມ​ຊາດ​ເກ​ເນ​ການ​ໄວ 26 ປີ ໄດ້​ອັນ​ດັບ 2 ລາ­ງວັນ​ນີ້ ປີ 2017 ຖື​ວ່າ​ມີ​ອິດ​ທິ​ພົນ​ຕໍ່​ເກມ​ບຸກ​ຂອງ​ລິ​ເວີ​ພູ​ລ ໃນ​ທຸກ​ນັດ​ທີ່​ລົງ​ສະ­ໜາມ​ຍິງ 25 ປະ­ຕູ​ໃນ​ປະ­ຕິ­ທິນ​ປີ 2018 ນຳ​ຕົ້ນ​ສັງ­ກັດ​ໄດ້​ຮອງ​ແຊັມ​ຢູ​ຟ້າ​ແຊ້ມ​ປ້ຽນ​ລີກ ນຳ​ທີມ​ຊາດ​ເຊ​ເນ​ການ​ໄປ​ບານ​ໂລກ 2018 ຄັ້ງ​ທຳ​ອິດ​ໃນ​ຮອບ 16 ປີ ແລະ ນຳ​ຕົ້ນ​ສັງ­ກັດ​ລີ​ເວີ​ພູ​ລ ຂຶ້ນ​ນຳ​ໃນ​ພຣີ​ເມຍ​ລີກ​ລະ­ດູ​ການ​ນີ້.

    ສ່ວນ​ໂອ​ບາ​ເມ​ຢ໊ອງ​ກອງ​ໜ້າ​ທີມ​ຊາດ​ກາ​ບ໋ອງ​ໄວ 29 ປີ ໄດ້​ອັນ​ດັບ 3 ລາ­ງວັນ​ນີ້​ປີ 2017 ເຂົ້າ​ຊີງ​ເປັນ​ປີ​ທີ 4 ຕິດ­ຕໍ່​ກັນ ເຄີຍ​ໄດ້​ລາ­ງວັນ​ນີ້​ປີ 2015 ສະ­ໄໝ​ຢູ່​ກັບ​ໂບ​ຣຸ​ສ​ເຊຍ​ດ໋ອດ​ມຸນ ໃນ​ປະ­ຕິ­ທິນ​ປີ 2018 ໂອ​ບາ​ເມ​ຢ໊ອງ​ຍິງ​ໄດ້ 32 ປະ­ຕູ.

    ໂດຍ​ການ​ປະ­ກາດ​ຈະ​ມີ​ຂຶ້ນ​ວັນ​ທີ 8 ມັງ­ກອນ 2019 ທີ່​ນະ­ຄອນ­ຫຼວງ​ດາ​ກ້າ ປະ­ເທດ​ເຊ​ເນ​ການ ຊາ​ລ້າ ຫາ­ກໍ່​ໄດ້​ຮັບ​ລາ­ງວັນ​ນັກ​ເຕະ​ດີ­ເດັ່ນ​ອາ​ຟຣິ​ກາ​ປະ­ຈຳ​ປີ 2018 ຈາກ​ການ​ຈັດ​ຂອງ​ສຳ­ນັກ​ຂ່າວ BBC ຂອງ​ອັງ­ກິດ ໃນ​ເດືອນ​ທັນ­ວາ 2018 ເອົາ​ຊະ­ນະ​ເມ​ດີ້​ເບ​ນາ​ເຕຍ​ຄາ​ລີ​ດູ​ຄູ​ລີ​ບາ​ລີ້​ຊາ​ດີ​ໂອ​ມາ​ເນ່ ແລະ ໂທ​ມາ​ສ​ປາ​ຕີ້ ດ້ວຍ​ຄະ­ແນນ​ໂຫວດ​ຈາກ​ແຟນ​ບານ​ເໜືອ​ຄູ່​ແຂ່ງ 650.000 ຄະ­ແນນ.

ຂ່າວທີ່ກ່ຽວຂ້ອງ