ຂ່າວຫຼ້າສຸດ

ກຸ່ມນັກກ໊ອຟຜູ້ອາຍຸສູງ ຈັດແຂ່ງຂັນຕ້ອນຮັບວັນກອງທັບ

291 09 ມ.ກ. 2019 ວົງຈອນກີລາ
ກຸ່ມນັກກ໊ອຟຜູ້ອາຍຸສູງ ຈັດແຂ່ງຂັນຕ້ອນຮັບວັນກອງທັບ

    ກຸ່ມ​ນັກ​ກ໊ອຟ​ຜູ້​ອາ­ຍຸ​ສູງ ສຳ­ເລັດ​ການ​ຈັດ​ແຂ່ງ­ຂັນ​ກີ​ລາກ໊ອຟ ຄັ້ງ​ປະ­ຖົມ​ມະ­ລຶກ ເພື່ອ​ເປັນ​ການ​ເຕົ້າ­ໂຮມ​ຄວາມ​ສາ­ມັກ­ຄີ ລະ­ຫວ່າງ​ຜູ້​ອາ­ຍຸ​ສູງ​ທີ່​ມີ​ຄວາມ​ຮັກ​ມັກ​ໃນ​ກີ​ລາກ໊ອຟ ພ້ອມ​ທັງ​ເປັນ​ການ​ສ້າງ​ຂະ​ບວນ​ການ​ຕ້ອນ­ຮັບ ວັນ​ກອງ­ທັບ​ປະ­ຊາ­ຊົນ​ລາວ ຄົບ­ຮອບ 70 ປີ ຂຶ້ນ​ໃນ​ວັນ​ທີ 5 ມັງ­ກອນ 2019 ຜ່ານ​ມາ ທີ່​ສະ​ໜາມ​ກ໊ອຟ ລາວ​ຄັນ​ທຣີ​ຄລັບ (ຫຼັກ 14) ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ໄຊ​ສົມ​ພອນ ພົມ­ວິ­ຫານ ປະ­ທານ​ສູນ​ກາງ​ແນວ​ລາວ​ສ້າງ​ຊາດ ທ່ານ ສົມ​ສະ­ຫວາດ ເລັ່ງ​ສະ​ຫວັດ ອະ​ດິດ​ຮອງ​ນາ­ຍົກ­ລັດ­ຖະ­ມົນ­ຕີ ທ່ານ ຄຳ​ຂັນ ນະ­ພາ​ວົງ ຮອງ​ປະ­ທານ​ໃຫຍ່​ກຸ່ມ​ບໍ­ລິ­ສັດ​ໂຄ​ລາວ ພ້ອມ​ດ້ວຍ​ຜູ້​ອາ­ຍຸ​ສູງ​ຈາກ​ບໍ­ລິ­ສັດ ຫ້າງ​ຮ້ານ​ຕ່າງໆ​ເຂົ້າ​ຮ່ວມ​ຢ່າງ​ພ້ອມ­ພຽງ.

    ການ​ແຂ່ງ­ຂັນ​ຄັ້ງ​ນີ້ ມີ​ທັງ​ປະ­ເພດ​ມີ​ແຕ້ມ​ຕໍ່ ແລະ ບໍ່​ມີ​ແຕ້ມ​ຕໍ່​ອາ­ຍຸ​ລະ­ຫວ່າງ 60-64 ປີ 65-69 ປີ ແລະ ອາ­ຍຸ 70 ປີ​ຂຶ້ນ​ໄປ ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ສາຍ​ມີ​ແຕ້ມ​ຕໍ່ ກຸ່ມ A (60-64 ປີ ) ທີ 1 ທ່ານ ຈະ­ເລີນ ອິນ​ທະ​ລີ ກຸ່ມ B (65-69 ປີ) ທີ 1 ທ່ານ​ນາງ ໄກ­ສອນ ຈຸນ​ລະ​ມະ­ນີ ກຸ່ມ C (70 ປີ​ຂຶ້ນ​ໄປ) ທີ 1 ທ່ານ ຄຳ​ສອນ ພົງ​ສະ­ຫວັນ ສາຍ​ບໍ່​ມີ​ແຕ້ມ​ຕໍ່ ກຸ່ມ A (60-64 ປີ) ທີ 1 ທ່ານ ດຣ ສົມ​ພອນ ດວງ​ດາ­ລາ ກຸ່ມ B (65-69 ປີ) ທີ 1 ທ່ານ ຄອນ​ເພັດ ກຸ່ມ C (70 ປີ​ຂຶ້ນ​ໄປ) ທີ 1 ທ່ານ ບຸນ​ທົງ ສາຍ​ສີ­ດາ ແລະ ບໍ່​ມີ​ແຕ້ມ​ຕໍ່ (ອາ­ຍຸ​ບໍ່​ຮອດ 60 ປີ) ທີ 1 ທ່ານ ບຸນ​ທະ­ວີ ວົງ­ສາ.

    ສຳ­ລັບ​ອັນ​ດັບ 1-3 ໄດ້​ຮັບ​ຂັນ​ລາ­ງວັນ 1 ໜ່ວຍ​ຕາມ​ລຳ­ດັບ ຂະ­ນະ​ທີ່​ກ່ອນ​ພິ­ທີ​ມອບ​ຮັບ​ຂັນ​ລາ­ງວັນ ໄດ້​ມີ​ການ​ຮັບ­ຮອງ​ໂດຍ​ປະ­ຊາ​ມະ­ຕິ​ເປັນ​ເອ­ກະ­ສັນ ມອບ​ໃຫ້​ທ່ານ ສົມ​ສະ­ຫວາດ ເລັ່ງ​ສະ​ຫວັດ ເປັນ​ທີ່​ປືກ​ສາ​ກິດ​ຕິ​ມະ​ສັກ​ຂອງ​ກຸ່ມ​ນັກ​ກ໊ອຟ​ຜູ້​ອາ­ຍຸ​ສູງ ຄັດ​ເລືອກ​ເອົາ​ທ່ານ ຄຳ​ຂັນ ນະ­ພາ​ວົງ ແລະ ທ່ານ ມັດ ສູນ​ມາ­ລາ ເປັນ​ປະ­ທານ ແລະ ຮອງ​ປະ­ທານ ຕາມ​ລຳ­ດັບ ນອກ​ນັ້ນ ຍັງ​ມອບ​ໃຫ້​ທ່ານ ສະ­ເຫຼີມ​ໄຊ ທ່ຽງ​ທຳ ເປັນ​ເລ­ຂາ­ນຸ­ການ​ຂອງ​ກຸ່ມ​ອີກ​ດ້ວຍ.

ຂ່າວທີ່ກ່ຽວຂ້ອງ