ຂ່າວຫຼ້າສຸດ

ເປີດ​ບັ້ນ “ໜຶ່ງ​ຕື້​ໄມ​ແຫ່ງ​ຄວາມ​ປອດ​ໄພ” ເພື່ອ​ຊ່ວຍເຫຼືອ​ຜູ້​ລີ້​ໄພ

430 11 ມ.ກ. 2019 ຂ່າວຕ່າງປະເທດ
ເປີດ​ບັ້ນ “ໜຶ່ງ​ຕື້​ໄມ​ແຫ່ງ​ຄວາມ​ປອດ​ໄພ” ເພື່ອ​ຊ່ວຍເຫຼືອ​ຜູ້​ລີ້​ໄພ

    ເມື່ອ​ວັນ​ທີ 8 ມັງກອນ​ນີ້ ອົງການ​ຂ້າ​ຫຼວງ​ໃຫຍ່​ກ່ຽວ​ກັບ​ຜູ້​ລີ້​ໄພ​ຂອງ​ສະຫະ​ປະຊາ​ຊາດ (UNHCR) ໄດ້​ເປີດ​ຂະ​ບວນ​ການ​ທີ່​ເອີ້ນ​ວ່າ “ໜຶ່ງ​ຕື້​ໄມ​ແຫ່ງ​ຄວາມ​ປອດ​ໄພ” ໂດຍ​ຮຽກຮ້ອງ​ໄປ​ຍັງ​ປະຊາ​ຄົມ​ສາກົນ ໃຫ້​ຮ່ວມ​ໄມ້​ຮ່ວມ​ມື​ກັນ ໃນ​ການ​ຊ່ວຍເຫຼືອ​ຜູ້​ລີ້​ໄພ ໂດຍ​ຜ່ານ​ເວບ​ໄຊ​ຂອງ​ຂະ​ບວນ​ການ​ນີ້​ຄື www.stepwithrefugees.org ຫຼື​ນຳ​ໃຊ້​ການ​ອອກກຳລັງ​ກາຍ.

    ບັ້ນ​ດຳເນີນ​ການ​ດັ່ງກ່າວ ແມ່ນ​ເພື່ອ​ເປັນ​ການ​ຍົກ​ສູງ​ຄວາມ​ຮັບ​ຮູ້​ຂອງ​ປະຊາ​ຄົມ​ສາກົນ ກ່ຽວ​ກັບ​ໄລຍະ​ທາງ​ຍາວ​ໄກ ທີ່​ຜູ້​ລີ້​ໄພ​ຕ້ອງ​ໄດ້​ຜ່ານ​ຜ່າ ເພື່ອ​ໃຫ້​ພົ້ນ​ໄປ​ຈາກ​ຄວາມ​ຮຸນ​ແຮງ​ຢູ່​ພາຍ​ໃນ​ປະເທດ ແລະ ​ເພື່ອ​ໃຫ້​ມີ​ຊີວິດ​ທີ່​ດີ​ກວ່າ.

    UNHCR ໃຫ້ການ​ຄາດ​ຄະເນ​ວ່າ ໃນ​ປີ 2016 ບັນດາ​ຜູ້​ລີ້​ໄພ​ຊາວ​ຊີ​ຣີ ຕ້ອງ​ໄດ້​ຜ່ານ​ຜ່າ​ໄລຍະ​ທາງ​ທີ່​ຍາວ​ໄກ​ກວ່າ 240 ກີ​ໂລ​ແມັດ ເພື່ອ​ເດີນທາງ​ໄປ​ຍັງ​ປະເທດ​ຕວກ​ກີ ໃນ​ຂະນະ​ທີ່​ບັນດາ​ຜູ້​ລີ້​ໄພ​ຊາວ​ຊູ​ດານ​ໃຕ້ ຕ້ອງ​ໄດ້​ເຄື່ອນ​ຍ້າຍ​ໃນ​ໄລຍະ​ທາງໄກ​ປະມານ​ກວ່າ  640 ກີ​ໂລ​ແມັດ ເພື່ອ​ໄປ​ເຖິງ​ປະເທດ​ເຄນ​ຢາ ແລະ ​ບັນດາ​ຜູ້​ລີ້​ໄພ ໂຣ​ຮິງ​ຢາ ໃນ​ມຽນ​ມາ ເດີນທາງ​ໄກ​ປະມານ 80 ກີ​ໂລ​ແມັດ ເພື່ອ​ໄປ​ເຖິງ​ປະເທດ ບັງ​ກລາ​ເດ​​ສ.

ຂ່າວທີ່ກ່ຽວຂ້ອງ