ຣັດ​ເຊຍ ສຳເລັດ​ການ​ທົດ​ລອງ​ລະບົບ​ເຊື່ອມ​ຈອດ​ອັດຕະໂນມັດ​ກັບ​ສະຖານີ ISS

205 11 ມ.ກ. 2019 ຂ່າວຕ່າງປະເທດ
ຣັດ​ເຊຍ ສຳເລັດ​ການ​ທົດ​ລອງ​ລະບົບ​ເຊື່ອມ​ຈອດ​ອັດຕະໂນມັດ​ກັບ​ສະຖານີ ISS

     ບໍລິສັດ​ການບິນ​ອາ​ວະ​ກາດ Space Systems ຂອງ​ຣັດ​ເຊຍ ແຈ້ງ​ໃຫ້​ຮູ້ເມື່ອ​ວັນ​ທີ 8 ມັງກອນ​ນີ້​ວ່າ ໄດ້​ສຳເລັດ​ການ​ທົດ​ລອງ​ຢູ່​ເທິງ​ໜ້າດິນ ແລະ​ ນຳ​ເຂົ້າ​ສູ່​ການ​ຜະລິດ ສຳລັບ​ລະບົບ​ໃໝ່ Kurs-MKP ໃນ​ການ​ເຊື່ອມ​ຈອດ​ຢ່າງ​ອັດຕະໂນມັດ​ກັບ​ສະຖານີ​ອາ​ວະ​ກາດ​ສາກົນ (ISS).

    ບໍລິສັດ​ດັ່ງກ່າວ​ໃຫ້​ຮູ້​ວ່າ ລະບົບ  Kurs-MKP ໄດ້​ສະແດງ​ອອກ​ເຖິງ​ຄວາມ​ພົ້ນ​ເດັ່ນ ໃນ​ດ້ານ​ຄວາມ​ຊັດ​ເຈນ ແລະ ​ປະສິດທິພາບ​ໃນ​ການເຄື່ອນໄຫວ ເມື່ອ​ທຽບໃສ່​ລະບົບ Kurs-NA ທີ່​ປະຈຸ​ບັນ​ພວມ​ໃຊ້​ໃຫ້​ແກ່​ບັນດາ​ຍານ​ອາ​ວະ​ກາດ​ຂອງ​ຣັດ​ເຊຍ.

    Space Systems ຍັງ​ໃຫ້​ຮູ້​ວ່າ ລະບົບ Kurs-MKP ໄດ້​ຮັບ​ການ​ຜະລິດ ເພື່ອ​ແທນ​ທີ່​ໃຫ້​ແກ່​ລະບົບ Kurs-NA ທີ່​ມີ​ຂະໜາດ​ໃຫຍ່​ເກີນ​ໄປ ແລະ​ສິ້ນ​ເປືອງ​ເຊື້ອ​ໄຟ​ຂອງ ISS ຫຼາຍ​ໃນ​ລະຫວ່າງ​ການເຄື່ອນໄຫວ.

ຂ່າວທີ່ກ່ຽວຂ້ອງ