ຂ່າວຫຼ້າສຸດ

ເກີດ​ອຸບັດເຫດ​ເຮືອບິນ​ຕົກ​ຢູ່​ໃນ​ແອັດ​ສະ​ປາຍ ແລະ​ ຝຣັ່ງ

442 11 ມ.ກ. 2019 ຂ່າວຕ່າງປະເທດ
ເກີດ​ອຸບັດເຫດ​ເຮືອບິນ​ຕົກ​ຢູ່​ໃນ​ແອັດ​ສະ​ປາຍ ແລະ​ ຝຣັ່ງ

   ຕາມ​ຂ່າວ​ຕ່າງປະເທດ ມີ​ຜູ້​ເສຍ​ຊີວິດ 1 ຄົນ ແລະ ​ຫາຍ​ສາບ​ສູນ 1 ຄົນ ຫຼັງ​ຈາກ​ທີ່​ເຮືອບິນ ຂະໜາດ​ເບົາ​ລຳ​ໜຶ່ງ ເກີດ​ອຸບັດເຫດ​ຕົກ​ຢູ່​ໃນ​ເຂດ ບາ​​ສ (ພາກ​ເໜືອ​ປະເທດ​ແອັດ​ສະ​ປາຍ) ຊຶ່ງ​ເກີດ​ຂຶ້ນ​ໃນ​ວັນ​ທີ 9 ມັງກອນ​ນີ້.

    ເຮືອບິນ​ທີ່​ປະສົບ​ອຸບັດເຫດ​ຕົກ​ນັ້ນ ເປັນ​ປະເພດ Piper ຊຶ່ງ​ຈົດ​ທະບຽນ​ຢູ່​ໃນ​ປະເທດ​ອັງກິດ ໄດ້​ບິນ​ຂຶ້ນ​ຈາກ​ເມືອງ ກາ​​ສ​ກາຍ ໃນ​ປະເທດ​ປອກ​ຕຸຍ​ການ ໃນ​ວັນ​ດຽວ​ກັນ ໂດຍ​ບິນ​ມຸ່ງ​ໜ້າ​ໄປ​ຍັງ ສະໜາມ​ບິນ​ແຫ່ງ​ໜຶ່ງ ໃກ້​ກັບ​ຊາຍ​ແດນ​ລະຫວ່າງ​ແອັດ​ສະ​ປາຍ ກັບ​ຝຣັ່ງ

    ໃນ​ຂະນະ​ດຽວ​ກັນ ແຫຼ່ງ​ຂ່າວ​ຂອງ​ຝຣັ່ງ ໃຫ້​ຮູ້​ວ່າ ເຮືອບິນ Mirage 2000 ລຳ​ໜຶ່ງ ຂອງ​ຝຣັ່ງ ໄດ້​ປະສົບ​ເຫດ​ຕົກ​ໃນ​ວັນ​ທີ 9 ມັງກອນ​ນີ້ ຊຶ່ງ​ເກີດ​ຂຶ້ນ​ຢູ່​ໃນ​ເຂດ​ສາຍພູ​ໃນ​ພື້ນ​ທີ່​ລະຫວ່າງ​ແຂວງ ດຸບ ແລະ​ແຂວງ​ຈູ​ຣາ ທີ່ຢູ່​ໃກ້​ກັບ​ຊາຍ​ແດນ​ປະເທດ​ສະ​ວິດ. ອຸບັດເຫດ​ນີ້​ເກີດ​ຂຶ້ນ ໃນ​ຂະນະ​ທີ່ ເຮືອບິນ​ດັ່ງກ່າວ ພວມ​ປະຕິບັດ​ໜ້າທີ່​ການ​ຝຶກ​ຫັດ ທີ່​ບິນ​ຢູ່​ໃນ​ລະດັບ​ຕ່ຳ. ຂ່າວ​ແຈ້ງວ່າ​ການ​ຄົ້ນ​ຫາ​ຈຸ​ບິນ ຂອງ​ເຮືອບິນ​ດັ່ງກ່າວ ເປັນ​ໄປ​ຢ່າງ​ຍາກ​ລຳບາກ ໃນ​ເມື່ອ​ວ່າ​ບໍ່​ມີ​ສັນຍານ​ໃດໆອອກ​ມາ ໃນ​ເວລາ​ທີ່​ເກີດ ອຸບັດເຫດ ກໍ​ຄື​ໃນ​ເວລາ​ຕໍ່​ມາ.

ຂ່າວທີ່ກ່ຽວຂ້ອງ