ຂ່າວຫຼ້າສຸດ

ອັດຕາ​ສ່ວນ​ການ​ຕາຍ​ຂອງ​ເດັກນ້ອຍ​ເກີດ​ໃໝ່​ຢູ່​ໃນ​ກູ​ບາ ຕ່ຳ​ເປັນ​ປະຫວັດ​ການ​ໃນ​ປີ 2018

363 14 ມ.ກ. 2019 ຂ່າວຕ່າງປະເທດ
ອັດຕາ​ສ່ວນ​ການ​ຕາຍ​ຂອງ​ເດັກນ້ອຍ​ເກີດ​ໃໝ່​ຢູ່​ໃນ​ກູ​ບາ ຕ່ຳ​ເປັນ​ປະຫວັດ​ການ​ໃນ​ປີ 2018

    ເມື່ອ​ບໍ່​ດົນ​ມາ​ນີ້ ກະຊວງ​ສາທາລະນະ​ສຸກ​ກູ​ບາ ໄດ້​ປະກາດ​ຕົວ​ເລກ​ສະຖິຕິ ຊີ້​ໃຫ້​ເຫັນ​ວ່າ ອັດຕາ​ສ່ວນ​ການ​ການ​ຕາຍ​ຂອງ​ເດັກນ້ອຍ​ເກີດ​ໃໝ່​ຢູ່​ໃນ​ກູ​ບາ ໃນ​ປີ 2018 ຢູ່​ທີ່ 0,3963% ເປັນ​ຕົວ​ເລກ​ທີ່​ຕ່ຳ​ສຸດ​ໃນ​ປະຫວັດສາດ ແລະ​ເປັນ​ເທື່ອ​ທຳ​ອິດ​ທີ່ຢູ່​ຕ່ຳ​ກວ່າ​ລະດັບ 0,4%.

   ນີ້​ເປັນ​ປີ​ທີ່​ສອງ​ຕິດຕໍ່​ກັນ ທີ່​ກູ​ບາ​ຫຼຸດ​ອັດຕາ​ສ່ວນ​ດັ່ງກ່າວ​ລົງ​ສູ່​ລະດັບ​ຕ່ຳ​ສຸດ ໃນ​ປະຫວັດສາດ ໂດຍ​ທີ່​ດັດ​ສະ​ນີ​ໃນ​ປີ 2017 ຢູ່​ທີ່ 0,4044% ແລະ​ກໍ​ເປັນ​ທີ 11 ຕິດຕໍ່​ກັນ ທີ່​ກູ​ບາ​ມີ​ອັດຕາ​ສ່ວນ​ນີ້​ຕ່ຳ​ກວ່າ 0,5% ຊຶ່ງ​ເປັນ​ລະດັບ​ທີ່​ອົງການ​ອະນາໄມ​ໂລກ (WHO) ຖື​ວ່າ​ເປັນ​ໜຶ່ງ​ໃນ​ບັນດາ​ມາດຖານ​ຕົ້ນຕໍ ກ່ຽວ​ກັບ​ການ​ດູ​ແລ​ສຸຂະພາບ​ຂອງ​ແມ່ ແລະ ​ເດັກ.

    ໃນ​ປີ 2018 ກູ​ບາ​ຕ້ອນຮັບ​ເດັກນ້ອຍ​ທີ່​ມືນ​ຕາ​ຂຶ້ນ​ມາ​ມອງ​ໂລກ​ຈຳນວນ 116.320 ຄົນ ເພີ່ມ​ຂຶ້ນ 1.349 ຄົນ ເມື່ອ​ທຽບໃສ່​ປີ 2017 ໃນ​ຂະນະ​ທີ່​ເດັກນ້ອຍ​ທີ່​ມີ​ອາຍຸ​ຕ່ຳ​ກວ່າ 1 ປີ ທີ່​ຕາຍ​ໄປ​ມີ​ພຽງ 461 ຄົນ ເປັນ​ຕົວ​ເລກ​ທີ່​ໜ້ອຍ​ກວ່າ 4 ກໍລະນີ ເມື່ອ​ທຽບໃສ່​ປີ 2017.

   ທ່ານໝໍ ໂຣ​ແບກ​ໂຕ ອາ​ລວາ​ເຣ​​ສ ຟູ​ເມ​ໂຣ ຫົວໜ້າ​ກົມ​ກ່ຽວ​ກັບ​ແມ່ ແລະ ​ເດັກ ຂອງ​ກະຊວງ​ສາທາລະນະ​ສຸກ​ກູ​ບາ ເວົ້າ​ວ່າ ປີ 2018 ຍັງ​ເປັນ​ປີ​ທີ 6 ຕິດຕໍ່​ກັນ ທີ່​ກູ​ບາ​ມີ​ລະດັບ​ອັດຕາ​ສ່ວນ​ການ​ຕາຍ​ຂອງ​ເດັກນ້ອຍ​ເກີດ​ໃໝ່ ຍ້ອນ​ມີ​ພະຍາດ​ມາ​ແຕ່​ກຳເນີດ ຢູ່​ທີ່ 0,08% ໃນ​ປີ 2018.

ຂ່າວທີ່ກ່ຽວຂ້ອງ