ຄອນເກດ ມອບທຶນການສຶກສາໃຫ້ນັກຮຽນລາວ

186 14 ມ.ກ. 2019 ຂ່າວໜ້າ​ໜຶ່ງ
ຄອນເກດ ມອບທຶນການສຶກສາໃຫ້ນັກຮຽນລາວ

    ບໍ­ລິ­ສັດ ຄອນ​ເກດ-ປາມ​ໂອ​ລິບ ປະ­ຈຳ​ລາວ ຈັດ​ກິດ­ຈະ­ກຳ​ສົ່ງ­ເສີມ​ການ​ສຶກ​ສາ​ໃນ​ກຸ່ມ​ນັກ­ຮຽນ​ຢູ່​ຊັ້ນ​ປະ­ຖົມ-ມັດ­ທະ­ຍົມ​ທົ່ວ​ປະ­ເທດ ປີ​ທີ 3 ໂດຍ​ຜູ້​ເຂົ້າ​ຮ່ວມ​ແມ່ນ​ບັນ­ດາ​ນັກ­ຮຽນ​ທີ່​ໃຊ້​ຜະ­ລິດ​ຕະ​ພັນ​ນ້ຳ​ຢາ­ຖູ­ແຂ້ວ​ຄອນ​ເກດ ເຊິ່ງ​ໄດ້​ຂຽນ​ຊື່​ທີ່­ຢູ່​ໂຮງ­ຮຽນ ແລະ ເບີ​ໂທ​ໃສ່​ກັບ​ເຈ້ຍ​ນ້ຳ​ຢາ­ຖູ­ແຂ້ວ​ຄອນ​ເກດ ແລ້ວ​ນຳ­ໄປ​ປ່ອນ​ທີ່​ຕູ້​ຮັບ​ຊິ້ນ​ສ່ວນ ເຊິ່ງ​ກິດ­ຈະ­ກຳ​ປີ 2018 ໄດ້​ເລີ່ມ​ແຕ່​ວັນ​ທີ 1 ສິງ­ຫາ-31 ຕຸ­ລາ 2018 ແຕ່​ເນື່ອງ​ຈາກ​ມີ​ບາງ​ໂຮງ­ຮຽນ​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ ຈິ່ງ​ໄດ້​ຂະ­ຫຍາຍ​ເວ­ລາ​ເຖິງ​ວັນ​ທີ 31 ພະ­ຈິກ 2018 ໂດຍ​ມີ​ກ່ອງ​ຮັບ​ຊິ້ນ​ສ່ວນ​ຕາມ​ໂຮງ­ຮຽນ​ທົ່ວ​ປະ­ເທດ 2.000 ແຫ່ງ.

    ພິ­ທີ​ຈັບ​ລາ­ງວັນ ແລະ ປະ­ກາດ​ຜົນ​ນັກ­ຮຽນ​ຜູ້​ໂຊກ​ດີ​ທຶນ​ການ​ສຶກ​ສາ​ກັບ​ຄອນ​ເກດ ປະ­ຈຳ​ປີ 2018 ຈັດ​ຂຶ້ນ​ວັນ​ທີ 8 ມັງ­ກອນ 2019 ຢູ່​ບໍ­ລິ­ສັດ​ອິນ​ຟີ​ນິ​ຕີ້ ໂດຍ​ມີ​ທ່ານ​ນາງ ສີ​ສຸກ ວົງ​ວິ­ຈິດ ຫົວ­ໜ້າ​ກົມ​ສາ­ມັນ​ສຶກ​ສາ ກະ­ຊວງ​ສຶກ​ສາ​ທິ​ການ ແລະ ກີ­ລາ ທ່ານ ບຸນ​ຍົງ ສີ­ດາ​ພອນ ຄະ­ນະ­ບໍ­ດີ ຄະ­ນະ​ທັນ​ຕະ​ແພດ­ສາດ ທ່ານ ພະ­ນົມ​ກອນ ລີ​ສຸດ­ທິ​ນັນ ຜູ້​ຈັດ­ການ​ຝ່າຍ​ທຸ­ລະ​ກິດ​ບໍ­ລິ­ສັດ ຄອນ​ເກດ-ປາມ​ໂອ​ລິບ ປະ­ຈຳ​ລາວ ພ້ອມ​ດ້ວຍ​ບັນ­ດາ​ຜູ້­ຕາງ­ໜ້າ​ຈາກ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ສຳ­ລັບ​ທຶນ​ການ​ສຶກ​ສາ­ມີ​ລາ­ງວັນ​ທີ 1 ເປັນ​ທຶນ​ການ​ສຶກ​ສາ 23 ລ້ານ​ກີບ 3 ລາ­ງວັນ ລາ­ງວັນ​ທີ 2 ທຶນ​ການ​ສຶກ​ສາ 2,3 ລ້ານ​ກີບ 30 ລາ­ງວັນ ລວມ​ມູນ​ຄ່າ 138 ລ້ານ​ກີບ ໂດຍ​ຜູ້​ໂຊກ​ດີ​ລາ­ງວັນ​ທີ 1 ມີ: ທ້າວ ບຸນ​ຍຽນ ສີ​ວົງ­ສາ ໂຮງ­ຮຽນ​ປະ­ຖົມ​ບ້ານ​ສອກ ແຂວງ​ອັດ​ຕະ​ປື ເບີ​ໂທ 020 96853988 ທ້າວ ສະ­ຖາ­ພອນ ຫຼວງ​ໄຊ​ສອນ ໂຮງ­ຮຽນ​ຊົນ­ເຜົ່າ ບ້ານ​ຫົວ​ປ່າ​ຊໍ້ ເມືອງ​ຈຳ­ປາ​ສັກ ແຂວງ​ຈຳ­ປາ​ສັກ ເບີ​ໂທ 020 99952265 ແລະ ນາງ ເລ​ໄລ ຄອນ​ສີ​ສົມ­ບັດ ໂຮງ­ຮຽນ​ປະ­ຖົມ​ບ້ານ​ທ່າ​ນາກ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ເບີ​ໂທ 020 55271660.

ຂ່າວທີ່ກ່ຽວຂ້ອງ