ຂ່າວຫຼ້າສຸດ

ອີ​ຣານ - ອີ​ຣັກ ປຶກສາ​ຫາລື​ກ່ຽວ​ກັບ​ຫຼາຍ​ບັນຫາ

198 15 ມ.ກ. 2019 ຂ່າວຕ່າງປະເທດ

   ທ່ານ ມໍ​ຮາມ​ມັດ ຈາ​ວັດ ຊາ​ຣີ​​ຟ ລັດຖະມົນຕີ​ການ​ຕ່າງປະເທດ​ອີ​ຣານ ໄດ້​ພົບ​ປະ​ເຈລະຈາ ກັບ​ທ່ານ ມໍ​ຮາມ​ເມັດ ອາລີ ອາ​​ລ-ຮາ​ກິມ ລັດຖະມົນຕີ​ການ​ຕ່າງປະເທດ​ອີ​ຣັກ ຊຶ່ງ​ມີ​ຂຶ້ນ​ທີ່​ນະຄອນຫຼວງ ແບກ​ແດດ ຂອງ​ອີ​ຣັກ ເມື່ອ​ວັນ​ທີ 13 ມັງກອນ​ນີ້ ໂດຍ​ສອງ​ຝ່າຍ​ໄດ້​ປຶກສາ​ຫາລື​ກ່ຽວ​ກັບ​ຫຼາຍ​ບັນຫາ ອັນ​ລວມ​ເຖິງ​ມາດ​ຕະການ​ປິດ​ລ້ອມ​ຂອງ ສ ອາ​ເມ​ຣິ​ກາ ທີ່​ມີ​ຕໍ່​ອີ​ຣານ.

   ທ່ານ ມໍ​ຮາມ​ເມັດ ອາລີ ອາ​​ລ-ຮາ​ກິມ ແຈ້ງ​ໃຫ້​ຮູ້​ວ່າ ສອງ​ຝ່າຍ​ໄດ້​ປຶກສາ​ຫາລື ກ່ຽວ​ກັບ​ມາດ​ຕະການ​ປິດ​ລ້ອມ​ທາງ​ດ້ານ​ເສດຖະກິດ ຕາມ​ລຳພັງ​ພຽງ​ຝ່າຍ​ດຽວ​ຂອງ ສ ອາ​ເມ​ຣິ​ກາ ແລະ​ ວ່າ​ອີ​ຣັກ ພວມ​ສົມທົບ​ກັບ​ອີ​ຣານ ກ່ຽວ​ກັບ​ເລື່ອງ​ນີ້. ຄຽງ​ຄູ່​ກັນ​ນັ້ນ ສອງ​ຝ່າຍ​ກໍ​ໄດ້​ປຶກສາ​ຫາລື ກ່ຽວ​ກັບ​ບັນຫາ​ອື່ນໆ​ທາງ​ດ້ານ​ການເມືອງ ແລະ​ເສດຖະກິດ ລວມ​ເຖິງ​ສະພາບ​ການ​ຢູ່​ໃນ​ຊີ​ຣີ ແລະ ​ເຢ​ແມນ.

ຂ່າວທີ່ກ່ຽວຂ້ອງ