ສ ອາ​ເມ​ຣິ​ກາ ລົງ​ນາມ​ຂໍ້​ຕົກລົງ​ຈຳນວນ​ໜຶ່ງ​ກັບ​ກາ​ຕາ

339 15 ມ.ກ. 2019 ຂ່າວຕ່າງປະເທດ
ສ ອາ​ເມ​ຣິ​ກາ ລົງ​ນາມ​ຂໍ້​ຕົກລົງ​ຈຳນວນ​ໜຶ່ງ​ກັບ​ກາ​ຕາ

   ຂ່າວສານ AP ລາຍ​ງານ​ວ່າ ໃນ​ຂອບ​ຂອງ​ການ​ຢ້ຽມຢາມ​ຫຼາຍ​ປະເທດ ໃນ​ເຂດ​ຕາເວັນ​ອອກ ກາງ​ນັ້ນ ທ່ານ ໄມ ພອມ​ເປ​ໂອ ລັດຖະມົນຕີ​ການ​ຕ່າງປະເທດ ສ ອາ​ເມ​ຣິ​ກາ ໄດ້​ເດີນທາງ​ໄປ ຍັງ​ປະເທດ​ກາ​ຕາ ເມື່ອ​ວັນ​ທີ 13 ມັງກອນ​ນີ້ ແລະ​ໄດ້​ລົງ​ນາມ​ຂໍ້​ຕົກລົງ​ຈຳນວນ​ໜຶ່ງ ກັບ​ເຈົ້າ​ໜ້າທີ່​ກາ​ຕາ.

    ໃນ​ການ​ພົບ​ປະ​ກັບ​ບັນດາ​ເຈົ້າ​ໜ້າທີ່​ກາ​ຕາ​ນັ້ນ ທ່ານ ພອມ​ເປ​ໂອ ໄດ້​ສະແດງ​ຄວາມ ຂອບໃຈ ຕໍ່​ກາ​ຕາ ທີ່​ໄດ້​ສ້າງ​ເງື່ອນໄຂ​ສະດວກ ໃຫ້​ແກ່​ກອງ​ກຳລັງ​ຂອງ ສ ອາ​ເມ​ຣິ​ກາ ໃນ​ການ​ໄດ້​ອາໄສ​ຢູ່​ໃນ ຖານ​ທັບ​ອາກາດ ອາ​​ລ-ຢູ​ເດ​ອິດ (Al-Udeid) ຊຶ່ງ​ເປັນ​ຖານ​ທັບ​ແຫ່ງ​ໃຫຍ່​ສຸດ​ຢູ່​ໃນ​ເຂດ​ອ່າວ ທີ່  ສ ອາ​ເມ​ຣິ​ກາ ນຳ​ໃຊ້​ໃນ​ບັ້ນ​ຕໍ່ຕ້ານ​ກັບ​ພວກ​ນັກຮົບ​ສັກສິດ​ຫົວ​ຮຸນ​ແຮງ.

    ທາງ​ດ້ານ​ທ່ານ ເຊັກ ມໍ​ຮາມ​ເມັດ ບິນ ອັບ​ດູນ​ຣາ​ມານ ອາ​​ລ ທານີ ລັດຖະມົນຕີ​ການ​ຕ່າງປະເທດ​ກາ​ຕາ ຢືນຢັນ​ວ່າ ການ​ພົວພັນ​ລະຫວ່າງ​ກາ​ຕາ ກັບ ສ ອາ​ເມ​ຣິ​ກາ ເປັນ​ການ “ຊ່ວຍ​ພວກ​ເຮົາ​ຮັບ​ມື​ກັບ​ສິ່ງ​ທ້າ​ທາຍ​ຫຼາຍ​ປະການ ຢູ່​ໃນ​ພາກ​ພື້ນ ແລະ ​ສາກົນ”.

ຂ່າວທີ່ກ່ຽວຂ້ອງ