ສຳເລັດແຂ່ງຂັນກີລາທົ່ວກອງທັບ ສະຫຼອງຄົບຮອບ 70 ປີ

250 15 ມ.ກ. 2019 ວົງຈອນກີລາ
ສຳເລັດແຂ່ງຂັນກີລາທົ່ວກອງທັບ ສະຫຼອງຄົບຮອບ 70 ປີ

    ການ​ແຂ່ງ­ຂັນ​ກີ­ລາ-ກາຍ­ຍະ­ກຳ​ທົ່ວ​ກອງ­ທັບ ຄັ້ງ​ທີ II ເພື່ອ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ລາວ ຄົບ­ຮອບ 70 ປີ (20 ມັງ­ກອນ 1949-20 ມັງ­ກອນ 2019) ໄດ້​ສຳ­ເລັດ​ລົງ​ເມື່ອ​ວັນ​ທີ 13 ມັງ­ກອນ 2019 ຜ່ານ​ມາ ທີ່​ສະ­ໜາມ​ກີ­ລາ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ໂດຍ​ມີ​ທ່ານ ພົນ​ໂທ ສຸ​ວອນ ເລືອງ​ບຸນ​ມີ ຮອງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ ຫົວ­ໜ້າ​ກົມ​ໃຫຍ່​ເສ­ນາ​ທິ​ການ​ກອງ­ທັບ ປະ­ທານ​ຈັດ­ການ​ແຂ່ງ­ຂັນ ມີ​ຄະ­ນະ​ລັດ­ຖະ­ມົນ­ຕີ ຄະ­ນະ​ນຳ​ກະ­ຊວງ​ປ້ອງ​ກັນ​ປະ­ເທດ ບັນ­ດາ​ກົມ​ໃຫຍ່ ແລະ ອົງ​ການ­ຈັດ­ຕັ້ງ​ສະ­ຫະ­ພັນ​ກີ­ລາ ຄະ­ນະ​ນຳ-ຄະ­ນະ​ບັນ­ຊາ ຄູ​ເຝິກ ນັກ­ກີ­ລາ ເຈົ້າ​ໜ້າ­ທີ່​ກ່ຽວ­ຂ້ອງ​ທຸກ​ພາກ­ສ່ວນ ຕະ­ຫຼອດ​ຮອດ​ນາຍ ແລະ ພົນ­ທະ­ຫານ​ຈາກ​ກຳ­ລັງ​ຫຼວງ ແລະ ກຳ­ລັງ​ທ້ອງ­ຖິ່ນ​ເຂົ້າ​ຮ່ວມ​ຢ່າງ​ພ້ອມ­ພຽງ.

    ສຳ­ລັບ​ການ​ແຂ່ງ­ຂັນ​ໃນ​ຄັ້ງ​ນີ້ ແບ່ງ​ອອກ​ເປັນ​ການ​ແຂ່ງ­ຂັນ​ປະ­ເພດ​ກີ­ລາ ການ​ທະ­ຫານ ແລະ ກີ­ລາ​ມວນ​ຊົນ 13 ລາຍ­ການ (10 ລາຍ­ການ​ລວມ​ໝູ່ ແລະ 3 ລາຍ­ການ​ບຸກ­ຄົນ) ຜ່ານ​ການ​ແຂ່ງ­ຂັນ​ລະ­ຫວ່າງ​ວັນ​ທີ 8-13 ມັງ­ກອນ 2019 ຜົນ​ປາ­ກົດ​ວ່າ: ກີ­ລາ​ການ​ທະ­ຫານ​ປະ­ກອບ​ມີ​ກີ­ລາ​ນັກ­ຮົບ​ແຂງ­ແຮງ ຊະ­ນະ​ເລີດ ປະ­ເພດ​ບຸກ­ຄົນ​ທ່ານ ຄຳ​ປິງ ມິດ​ວັນ​ທອງ ຈາກ​ກອງ​ພົນ­ທະ­ຫານ​ລາບ​ທີ 1 ສ່ວນ​ປະ­ເພດ​ລວມ​ໝູ່​ຊະ­ນະ​ເລີດ ກອງ​ພົນ­ທະ­ຫານ​ລາບ​ທີ 4 ກີ­ລາ​ແລ່ນ​ມ້າງ​ປະ­ກອບ​ອາ­ວຸດ ຊະ­ນະ​ເລີດ ປະ­ເພດ​ບຸກ­ຄົນ ສິບ​ຕີ ດວງ​ຕາ ດວງ​ມາ­ລາ ຈາກ​ກອງ​ພົນ­ທະ­ຫານ​ລາບ​ທີ 1 ສ່ວນ​ປະ­ເພດ​ລວມ​ໝູ່​ຊະ­ນະ​ເລີດ ກອງ​ພົນ­ທະ­ຫານ​ລາບ​ທີ 1 ກີ­ລາ​ຍິງ​ປືນ ປະ­ກອບ​ມີ​ປືນ​ສັ້ນ K-59 ຊະ­ນະ​ເລີດ ຮ້ອຍ​ເອກ ສົມ​ຈິດ ສຸ​ລິ​ວົງ​ສັກ ຈາກ​ກົມ​ໃຫຍ່​ເສ­ນາ​ທີ​ການ ສ່ວນ​ກີ­ລາ​ຍິງ​ປືນ AK ບົດ 1 ແລະ ບົດ 2 ລວມ​ໝູ່​ແບ່ງ​ອອກ​ເປັນ​ປືນ AK ບົດ 1 ປະ­ເພດ​ທີມ (ຍິງ­ເປົ້າ​ເປີດ-ປິດ) ຊະ­ນະ​ເລີດ ກົມ​ໃຫຍ່​ເສ­ນາ​ທິ​ການ ປືນ AK ບົດ 2 ປະ­ເພດ​ທີມ (ຍິງ­ເປົ້າ​ຈານ​ເຫຼັກ) ຊະ­ນະ​ເລີດ ກົມ​ໃຫຍ່​ເສ­ນາ​ທິ​ການ ກີ­ລາ​ຍິງ​ປືນ RPK ປະ­ເພດ​ທີມ​ຊະ­ນະ​ເລີດ ກອງ​ບັນ­ຊາ​ການ​ທະ­ຫານ​ແຂວງ​ບໍ່​ແກ້ວ ກີ­ລາ​ມວນ​ຊົນ ປະ­ເພດ​ກີ­ລາ​ບານ­ສົ່ງ​ຊາຍ​ໃນ​ຮົ່ມ ຊະ­ນະ​ເລີດ ກົມ​ໃຫຍ່​ເສ­ນາ​ທິ​ການ ບານ­ສົ່ງ​ຍິງ​ໃນ​ຮົ່ມ ຊະ­ນະ​ເລີດ ກອງ­ພັນ​ໃຫຍ່ 11 ກີ­ລາ​ກະ­ຕໍ້​ດ່ຽວ​ຊາຍ ຊະ­ນະ​ເລີດ ກົມ​ໃຫຍ່​ເຕັກ­ນິກ ກີ­ລາ​ເປ​ຕັງ​ທີມ​ປະ­ສົມ (2 ຊາຍ-1 ຍິງ) ຊະ­ນະ​ເລີດ ວິ­ທະ­ຍາ­ຄານ​ການ​ແພດ​ກອງ­ທັບ​ກີ­ລາ​ບານ­ເຕະ​ຊີງ​ກັນ​ໃນ​ມື້​ປິດ ວັນ​ທີ 13 ມັງ­ກອນ 2019 ປາ­ກົດ​ວ່າ: ກອງ​ບັນ­ຊາ​ການ​ທະ­ຫານ​ແຂວງ​ຈຳ­ປາ​ສັກ ບຽດ​ເອົາ​ຊະ­ນະ ກອງ­ພັນ 279 ໄປ​ຫວຸດ​ຫວິດ 1-0 ໄດ້​ຂັນ​ແຊັມ​ໄປ​ຄອງ.

ຂ່າວທີ່ກ່ຽວຂ້ອງ