ມູນ​ຄ່າ​ການ​ຄ້າ​ຂາ​ເຂົ້າ-ຂາ​ອອກ​ຂອງ​ຈີນ ສ້າງ​ສະຖິຕິ​ໃໝ່

464 16 ມ.ກ. 2019 ຂ່າວຕ່າງປະເທດ
ມູນ​ຄ່າ​ການ​ຄ້າ​ຂາ​ເຂົ້າ-ຂາ​ອອກ​ຂອງ​ຈີນ ສ້າງ​ສະຖິຕິ​ໃໝ່

      ອົງການ​ພາສີ​ແຫ່ງ​ຊາດ​ຈີນ ເປີດເຜີຍ​ໃນ​ວັນ​ທີ 14 ມັງກອນ​ນີ້​ວ່າ ມູນ​ຄ່າ​ການ​ຄ້າ​ຂາ​ເຂົ້າ-ຂາ​ອອກ​ຂອງ​ຈີນ ໃນ​ປີ 2018 ໄດ້​ສ້າງ​ສະຖິຕິ​ໃໝ່​ເປັນ​ປະຫວັດ​ການ ໂດຍ​ບັນລຸ 30.510 ຕື້​ຢວນ (ເງິນ​ຈີນ) ເພີ່ມ​ຂຶ້ນ 9,7% ເມື່ອ​ທຽບໃສ່​ປີ 2017. ໃນ​ນີ້ ມູນ​ຄ່າ​ສົ່ງ​ອອກ​ສິນຄ້າ ບັນລຸ 16.420 ຕື້​ຢວນ ເພີ່ມ​ຂຶ້ນ 7,1% ແລະ​ມູນ​ຄ່າ​ນຳ​ເຂົ້າ​ສິນຄ້າ ບັນລຸ 14.090 ຕື້​ຢວນ ເພີ່ມ​ຂຶ້ນ 12,9% ໃນ​ຂະນະ​ທີ່​ການ​ໄດ້​ປຽບ​ດຸນ​ການ​ຄ້າ​ຫຼຸດ​ລົງ 18,3%.

   ຕົວ​ເລກ​ສະຖິຕິ ຍັງ​ສະແດງ​ໃຫ້​ເຫັນ​ວ່າ ປີ 2018 ການ​ຮ່ວມ​ມື​ດ້ານ​ການ​ຄ້າ ລະຫວ່າງ​ຈີນ​ກັບ​ບັນດາ​ປະເທດ​ຢູ່​ລຽບ​ຕາມ “ໜຶ່ງ​ແລວ ໜຶ່ງ​ເສັ້ນທາງ” ໄດ້​ຂະຫຍາຍຕົວ​ຢ່າງ​ຕໍ່​ເນື່ອງ ໂດຍ​ມູນ​ຄ່າ​ການ​ຄ້າ​ຂາ​ເຂົ້າ-ຂາ​ອອກ ໄດ້​ເພີ່ມ​ຂຶ້ນ 13,3% ຊຶ່ງ​ສູງ​ກວ່າ​ລະດັບ​ເຕີບ​ໂຕ​ລວມ. ໃນ​ນີ້ ການ​ການ​ຄ້າ​ຂາ​ເຂົ້າ-ຂາ​ອອກ​ລະຫວ່າງ​ຈີນ-ຣັດ​ເຊຍ ຈີນ-ອາ​ຣັບ​ບີ ຊາ​ອູ​ດິດ ແລະ ຈີນ-ເກ​​ັຣກ ລ້ວນ​ແຕ່​ເພີ່ມ​ຂຶ້ນ​ຫຼາຍ​ກວ່າ 20%.

ຂ່າວທີ່ກ່ຽວຂ້ອງ