ຂ່າວຫຼ້າສຸດ

ຜູ້ນຳ​ຝຣັ່ງ ເລີ່ມ​ການ​ເຈລະຈາ​ແຫ່ງ​ຊາດ

315 17 ມ.ກ. 2019 ຂ່າວຕ່າງປະເທດ
ຜູ້ນຳ​ຝຣັ່ງ ເລີ່ມ​ການ​ເຈລະຈາ​ແຫ່ງ​ຊາດ

     ປະທານາທິບໍດີ ເອມ​ມາ​ນູ​ແອ​​ລ ມາກ​ຣົງ ຜູ້ນຳ​ຝຣັ່ງ ກ່າວ​ຕໍ່​ເຈົ້າເມືອງ 600 ກວ່າ​ຄົນ ຢູ່​ໃນ​ເຂດ ນໍ​ມັນ​ດີ ຊຶ່ງ​ຈັດ​ຂຶ້ນ​ທີ່​ນະຄອນ ກຣັນ ບຸກ​ເດີ​ຣູນ (ພາກ​ເໜືອ​ຝຣັ່ງ) ເມື່ອ​ວັນ​ທີ 15 ມັງກອນ​ນີ້ ໂດຍ​ໄດ້​ເນັ້ນ​ໜັກ​ວ່າ ທ່ານ​ຢາກ​ຢຸດຕິ​ວິ​ກິດ​ການ ຍ້ອນ​ຄວາມ​ແຕກ​ແຫງ ພວມ​ເຮັດ​ໃຫ້​ປະເທດ​ຊາດ​ເກີດ​ການ​ແຕກ​ແຍກ ຊຶ່ງ​ພົວພັນ​ເຖິງ​ບັນຫາ​ສັງຄົມ ດິນແດນ ເສດຖະກິດ ແລະ​ ປະຊາທິປະໄຕ.

    ການເຄື່ອນໄຫວ​ດັ່ງກ່າວ ນັບ​ວ່າ​ເປັນ​ການ​ເລີ່ມ​ຕົ້ນ​ການ​ເຈລະຈາ​ທົ່ວ​ປະເທດ ຊຶ່ງ​ນີ້​ເປັນ​ແນວ​ຄວາມ​ຄິດ​ລິ​ເລີ່ມ​ຂອງ​ປະທານາທິບໍດີ ມາກ​ຣົງ ທ່າມກາງ​ທີ່​ປະເທດ​ຝຣັ່ງ ຕົກ​ຢູ່​ໃນ​ວິ​ກິດ​ການ ໂດຍ​ເກີດ​ມີ​ການ​ປະ​ທ້ວງ​ຄັ້ງ​ໃຫຍ່ ໄປ​ພ້ອມໆ​ກັບ​ຄວາມ​ຮຸນ​ແຮງ ໂດຍ​ແມ່ນ​ຂະ​ບວນ​ການ “ເສື້ອ​ເຫຼືອງ” ຈັດ​ຂຶ້ນ​ໃນ​ແຕ່​ລະ​ທ້າຍ​ສັບປະດາ ມາ​ໄດ້ 2 ເດືອນ​ແລ້ວ.

    ກ່ອນ​ໜ້າ​ນີ້ ເມື່ອ​ວັນ​ທີ 14 ມັງກອນ ທ່ານ ເອດ​ວາດ ຟີ​ລິບ ນາຍົກລັດຖະມົນຕີ​ຝຣັ່ງ  ໄດ້​ປະກາດ​ຮູບ​ແບບ​ຕ່າງໆ ໃນ​ການ​ປະຕິບັດ​ການ​ເຈລະຈາ​ແຫ່ງ​ຊາດ ຊຶ່ງ​ກຳນົດ​ຈັດ​ຂຶ້ນ​ຢູ່​ໃນ​ທ້ອງຖິ່ນ​ຕ່າງໆ.

ຂ່າວທີ່ກ່ຽວຂ້ອງ