ມີ​ຜູ້​ເສຍ​ຊີວິດ 15 ຄົນ ຈາກ​ເຫດການ​ໂຈມ​ຕີ​ໂຮງແຮມ​ຢູ່​ໃນ​ເຄນ​ຢາ

409 17 ມ.ກ. 2019 ຂ່າວຕ່າງປະເທດ
ມີ​ຜູ້​ເສຍ​ຊີວິດ 15 ຄົນ ຈາກ​ເຫດການ​ໂຈມ​ຕີ​ໂຮງແຮມ​ຢູ່​ໃນ​ເຄນ​ຢາ

    ການ​ລາຍ​ງານ​ຂ່າວ​ເບື້ອງ​ຕົ້ນ ໃຫ້​ຮູ້​ວ່າ ມີ​ຜູ້​ເສຍ​ຊີວິດ​ຢ່າງ​ໜ້ອຍ 15 ຄົນ  ເມື່ອ​ມື​ປືນ​ກຸ່ມ​ໜຶ່ງ ໂຈມ​ຕີ​ເຂດ​ປະສົມ​ຫ້ອງການ-ໂຮງແຮມ DusitD2 ຢູ່​ໃນ​ພື້ນ​ທີ່​ເມືອງ ເວ​​ສ​ແລນ ໃນ​ນະຄອນຫຼວງ ໄນ​ໂຣ​ບີ ຂອງ​ປະເທດ​ເຄນ​ຢາ ຊຶ່ງ​ເກີດ​ຂຶ້ນ​ໃນ​ວັນ​ທີ 15 ມັງກອນ​ນີ້.

   ຂ່າວ​ແຈ້ງວ່າ ໃນ​ຈຳນວນ​ຜູ້​ເສຍ​ຊີວິດ​ນັ້ນ ມີ​ຊາວ​ເຄນ​ຢາ 11 ຄົນ ຊາວ​ອາ​ເມ​ຣິ​ກັນ 1 ຄົນ ແລະ ​ຊາວ​ອັງກິດ 1 ຄົນ ໃນ​ຂະນະ​ທີ່​ອີກ 2 ຄົນ ຍັງ​ບໍ່​ຮູ້​ສັນຊາດ. ກຸ່ມ​ມື​ປືນ ອາ​​ລ-ຊາ​ບັບ ທີ່​ເຄື່ອນ​ໄຫວ​ຢູ່​ໃນ​ໂຊ​ມາລີ ໄດ້​ອອກ​ມາ​ອ້າງ​ຄວາມ​ຮັບຜິດຊອບ ຕໍ່​ເຫດການ​ຮຸນ​ແຮງ​ດັ່ງກ່າວ.

ຂ່າວທີ່ກ່ຽວຂ້ອງ