ສ ເກົາຫຼີ ເຫັນ​ດີ​ຕໍ່​ແຜນການ​ສະໜອງ​ອຸປະກອນ​ການ​ແພດ​ໃຫ້​ແກ່ ​ສປປ ເກົາຫຼີ

448 18 ມ.ກ. 2019 ຂ່າວຕ່າງປະເທດ
ສ ເກົາຫຼີ ເຫັນ​ດີ​ຕໍ່​ແຜນການ​ສະໜອງ​ອຸປະກອນ​ການ​ແພດ​ໃຫ້​ແກ່ ​ສປປ ເກົາຫຼີ

     ຂ່າວສານ ຢອນ​ຮັບ ອ້າງ​ຕາມ​ຂໍ້​ມູນ​ຈາກ​ກະຊວງ​ລວມ​ຊາດ ຂອງ ສ ເກົາຫຼີ ໃຫ້​ຮູ້​ວ່າ ກະຊວງ​ນີ້​ໄດ້​ຮັບຮອງ​ແຜນການ​ສະບັບ​ໜຶ່ງ ຂອງ​ກຸ່ມ​ເພື່ອ​ມະນຸດສະທຳ ເພື່ອ​ສະໜອງ​ອຸປະກອນ ການ​ແພດ​ໃຫ້​ແກ່ ​ສປປ ເກົາຫຼີ ຫຼັງ​ຈາກ​ທີ່​ສະຫະ​ປະຊາ​ຊາດ (​ສປຊ) ເຫັນ​ດີ​ຍົກເວັ້ນ​ການ​ປິດ​ລ້ອມ ຕໍ່​ບັນດາ​ບັນດາ​ກຳປັ່ນ​ທີ່​ຂົນສົ່ງ​ສິນຄ້າ​ຂ້າມ​ຊາຍ​ແດນ.

    ຂ່າວ​ແຈ້ງວ່າ ກະຊວງ​ດັ່ງກ່າວ ທີ່​ຮັບຜິດຊອບ ໃນ​ການ​ແກ້​ໄຂ​ບັນດາ​ບັນຫາ ລະຫວ່າງ​ສອງ​ພາກ​ເກົາຫຼີ ໄດ້​ອະນຸຍາດ​ໃຫ້​ມູນ​ນິທິ Eugene Bell ຈັດ​ສົ່ງ​ອຸປະກອນ​ການ​ແພດ ຈຳນວນ 227 ຜະລິດ​ຕະ​ພັນ ເພື່ອ​ຮັບ​ໃຊ້​ໃຫ້​ແກ່​ການ​ປິ່ນປົວ​ຄົນ​ເຈັບ ແລະ ​ໃຫ້​ແກ່​ຮາກ​ຖານ ສາທາລະນະ​ສຸກ​ແຫ່ງ​ຕ່າງໆ​ໃນ ​ສປປ ເກົາຫຼີ.

    ກ່ອນ​ໜ້າ​ນັ້ນ ມູນ​ນິທິ​ດັ່ງກ່າວ ໄດ້​ຮັບ​ຄຳ​ສັ່ງ​ຍົກເວັ້ນ​ການ​ປິດ​ລ້ອມ​ຂອງ ​ສປຊ ສຳລັບ​ບັນດາ​ຜະລິດ​ຕະ​ພັນ​ດັ່ງກ່າວ ດັ່ງນັ້ນ ສ ເກົາຫຼີ​ຈຶ່ງ​ໄດ້​ຮັບຮອງ​ແຜນການ​ທີ່​ກ່າວ​ມາ​ນັ້ນ. ສຳລັບ​ມູນ​ນິທິ Eugene Bell ເປັນ​ທີ່​ຮູ້​ກັນ​ວ່າ​ເປັນ​ອົງການ​ໜຶ່ງ ທີ່​ໃຫ້​ສັນຍາ​ສະໜອງ​ຄວາມ​ຊ່ວຍ ເຫຼືອ​ມະນຸດສະທຳ​ໃນ​ໄລຍະ​ຍາວ​ໃຫ້​ແກ່ ​ສປປ ເກົາຫຼີ ໂດຍ​ສະເພາະ​ກໍ​ແມ່ນ​ຢາ​ປິ່ນປົວ​ວັນນະ​ໂຣກ.

ຂ່າວທີ່ກ່ຽວຂ້ອງ