ຂ່າວຫຼ້າສຸດ

ປາ​ແລັດ​ສະ​ຕິນ ຮັບ​ໜ້າທີ່​ເປັນ​ປະທານ​ກຸ່ມ G77 ແລະ​ ຈີນ

394 18 ມ.ກ. 2019 ຂ່າວຕ່າງປະເທດ
 ປາ​ແລັດ​ສະ​ຕິນ ຮັບ​ໜ້າທີ່​ເປັນ​ປະທານ​ກຸ່ມ G77 ແລະ​ ຈີນ

     ວັນ​ທີ 15 ມັງກອນ​ນີ້ ປາ​ແລັດ​ສະ​ຕິນ ໄດ້​ຮັບ​ໜ້າທີ່​ການ​ເປັນ​ປະທານ​ຂອງ​ກຸ່ມ 77 ແລະ ​ຈີນ (G77 ແລະ​ ຈີນ) ຈາກ​ປະເທດ​ເອ​ຢິບ ຊຶ່ງ​ຕາມ​ນັ້ນແລ້ວ​ກໍ​ຄາດ​ວ່າ ປາ​ແລັດ​ສະ​ຕິນ ຈະ​ເປັນ​ປະທານ ຂອງ​ກຸ່ມ​ດັ່ງກ່າວ ພາຍ​ໃນ​ປີ 2019.

    ປະທານາທິບໍດີ ປາ​ແລັດ​ສະ​ຕິນ ມາ​ມຸດ ອັບ​ບາ​​ສ ກ່າວ​ຢູ່​ໃນ​ພິທີ​ຮັບ​ໜ້າທີ່​ດັ່ງກ່າວ ຢູ່​ທີ​ສຳນັກງານ​ຂອງ​ສະມັດຊາ​ໃຫຍ່​ສະຫະ​ປະ​ຊາດ ໃນ​ນະຄອນ​ນີວ​ຢອກ (ສ ອາ​ເມ​ຣິ​ກາ)  ໂດຍ​ທ່ານ​ໄດ້​ສະແດງ​ຄວາມ​ພາກພູມ​ໃຈ ໃນ​ການ​ຮັບ​ເອົາ​ຕຳແໜ່ງ​ດັ່ງກ່າວ ຕາງໜ້າ​ໃຫ້​ແກ່​ປະຊາຊົນ ແລະ​ ລັດ​ປາ​ແລັດ​ສະ​ຕິນ.

   G77 ໄດ້​ຮັບ​ການ​ຕັ້ງ​ຊື່​ຈາກ 77 ປະເທດ​ສະມາຊິກ​ຜູ້​ກໍ່​ຕັ້ງ ໂດຍ​ກາຍເປັນ​ກຸ່ມ​ທີ່​ປະກອບ​ມີ 133 ປະເທດ ທີ່​ພວມ​ພັດທະນາ ຢູ່​ໃນ​ສະຫະ​ປະຊາ​ຊາດ. ຈີນ ເປັນ​ປະເທດ​ຮ່ວມ​ກຸ່ມ​ກັບ​ກຸ່ມ​ດັ່ງກ່າວ ດ້ວຍ​ເປົ້າ​ໝາຍ​ກໍ​ເພື່ອ​ຊຸກຍູ້​ຜົນ​ປະໂຫຍດ​ທາງ​ດ້ານ​ເສດຖະກິດ​ລວມ​ໝູ່ ຂອງ​ບັນດາ​ປະເທດ​ສະມາຊິກ ແລະ ​ພະຍາຍາມ​ໃຫ້​ມີ​ສຽງ​ເວົ້າ​ທີ່​ມີ​ນ້ຳໜັກ​ຫຼາຍ​ຂຶ້ນ ຢູ່​ໃນ​ສະຫະ​ປະຊາ​ຊາດ.

ຂ່າວທີ່ກ່ຽວຂ້ອງ