ມຊ ກຽມຈັດແຂ່ງຂັນກີລາ ປະຈຳປີ 2019 ທ້າຍເດືອນນີ້

161 21 ມ.ກ. 2019 ວົງຈອນກີລາ
ມຊ ກຽມຈັດແຂ່ງຂັນກີລາ ປະຈຳປີ 2019 ທ້າຍເດືອນນີ້

    ຕາມ​ການ​ລາຍ​ງານ​ຂອງ​ທ່ານ ບຸນ​ເສີນ ມອນ​ອາ­ລັກ ວິ­ຊາ​ການ​ພະ​ແນກ​ກີ­ລາ-ກາຍ­ຍະ­ກຳ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ (ມຊ) ແຈ້ງ​ໃຫ້​ຊາບ​ວ່າ: ໃນ​ວັນ​ທີ 30 ມັງ­ກອນ 2019 ມຊ ຈະ​ໄດ້​ເປີດ​ການ​ແຂ່ງ­ຂັນ​ກີ­ລາ​ປະ­ຈຳ​ປີ 2019 ເພື່ອ​ເປັນ​ການ​ສົ່ງ­ເສີມ​ໃຫ້​ນັກ​ສຶກ​ສາ​ທົ່ວ ມຊ ໄດ້​ມີ​ເວ­ທີ​ແຂ່ງ­ຂັນ​ກີ­ລາ​ກັນ​ສ້າງ​ປະ­ສົບ​ການ ແລະ ບົດ­ຮຽນ​ທີ່​ດີ​ໃຫ້​ເຂົາ­ເຈົ້າ​ມີ​ການ​ພັດ­ທະ­ນາ​ທີ່​ດີ​ຂຶ້ນ ແລະ ເປັນ​ການ​ຄັດ​ເລືອກ​ນັກ­ກີ­ລາ​ທີ່​ມີ​ພອນ​ສະ­ຫວັນ​ດີ­ເດັ່ນ​ກຽມ​ຕາງ­ໜ້າ​ໃຫ້ ມຊ ເຂົ້າ​ຮ່ວມ​ແຂ່ງ­ຂັນ​ງານ​ຕ່າງໆ ໂດຍ​ສະ­ເພາະ ງານ​ມະ​ຫະ​ກຳ​ກີ­ລາ​ມະ­ຫາ­ວິ­ທະ­ຍາ­ໄລ​ອາ​ຊຽນ ຫຼື ມ ອາ​ຊຽນ ຈະ​ຈັດ​ຂຶ້ນ​ປີ 2020 ເຊິ່ງ​ປີ 2018 ນັກ­ກີ­ລາ​ນັກ​ສຶກ​ສາ​ລາວ​ສາ­ມາດ​ຍາດ​ໄດ້ 7 ຫຼຽນ​ຄຳ 9 ຫຼຽນ​ເງິນ ແລະ 11 ຫຼຽນ​ທອງ ລວມ​ທັງ​ໝົດ 27 ຫຼຽນ ຖືກ​ຈັດ​ຢູ່​ທີ 6 ຈາກ 11 ປະ­ເທດ​ເຂົ້າ​ຮ່ວມ.

    ສຳ­ລັບ​ການ​ແຂ່ງ­ຂັນ​ລາຍ­ການ​ນີ້ ມີ​ທັງ​ໝົດ 6 ປະ­ເພດ​ກີ­ລາ​ປະ­ກອບ​ມີ: ບານ­ເຕະ​ຍິງ-ຊາຍ ບານ­ສົ່ງ​ຍິງ-ຊາຍ ກະ­ຕໍ້​ຍິງ-ຊາຍ ຟຸດ​ຊໍ​ຊາຍ ເປ​ຕັງ​ທີມ​ຄູ່​ປະ­ສົມ ແລະ ທີມ​ຄູ່​ຍິງ-ຊາຍ ແລະ ແລ່ນ-ລານ​ຍິງ-ຊາຍ ມີ 6 ລາຍ­ການ ມີ​ແລ່ນ 100 ແມັດ​ຍິງ-ຊາຍ ແລ່ນ 200 ແມັດ​ຍິງ-ຊາຍ ແລ່ນ 400 ແມັດ ຍິງ-ຊາຍ ແລ່ນ 1.500 ແມັດ ຍິງ-ຊາຍ ແລ່ນ 4x100 ແມັດ ຍິງ-ຊາຍ ແລະ ເຕັ້ນ​ຍາວ​ຍິງ-ຊາຍ ການ​ແຂ່ງ­ຂັນ​ຈະ​ດຳ­ເນີນ​ໄປ​ຈົນ​ຮອດ​ວັນ​ທີ 25 ມີ­ນາ 2019 ຈຶ່ງ​ສຳ­ເລັດ.

    ການ​ແຂ່ງ­ຂັນ​ກີ­ລາ​ປະ­ຈຳ​ປີ 2019 ຈະ​ມີ​ນັກ​ສຶກ​ສາ​ຈາກ 13 ຄະ­ນະ​ເຂົ້າ​ຮ່ວມ ປະ­ກອບ​ມີ ຄະ­ນະ​ວິ­ທະ­ຍາ­ສາດ​ການ​ກີ­ລາ-ກາ​ຍະ​ກຳ ຄະ­ນະ​ສະ­ຖາ­ປັດ­ຕະ­ຍະ­ກຳ​ສາດ ຄະ­ນະ​ວິ­ທະ­ຍາ­ສາດ​ສັງ­ຄົມ ຄະ­ນະ​ວິ­ທະ­ຍາ­ສາດ​ທຳ​ມະ​ຊາດ ຄະ­ນະ​ວິ­ທະ­ຍາ­ສາດ​ສິ່ງ­ແວ­ດລ້ອມ ຄະ­ນະ​ວິ­ທະ­ຍາ­ສາດ​ປ່າ­ໄມ້ ຄະ­ນະ​ເສດ­ຖະ­ສາດ ແລະ ບໍ­ລິ­ຫານ​ທຸ­ລະ​ກິດ ຄະ­ນະ​ສຶກ​ສາ​ສາດ ຄະ­ນະ​ວິ­ສະ­ວະ­ກຳ​ສາດ ຄະ­ນະ​ຊັບ­ພະ­ຍາ­ກອນ​ນ້ຳ ຄະ­ນະ​ນິ­ຕິ­ສາດ-ລັດ­ຖະ­ສາດ ຄະ­ນະ​ກະ­ເສດ­ສາດ ແລະ ຄະ­ນະ​ອັກ­ສອນ­ສາດ ທຸກ​ຄະ­ນະ​ຈະ​ໄດ້​ເຂົ້າ​ຮ່ວມ​ແຂ່ງ­ຂັນ​ທີ່​ສະ­ໜາມ​ກີ­ລາ​ກາງ ມຊ ເປັນ­ຕົ້ນ​ຕໍ ສະ­ເພາະ​ບານ­ເຕະ​ທີມ​ຊາຍ ມີ​ທັງ​ໝົດ 8 ຄະ­ນະ ແລະ ຍິງ 6 ຄະ­ນະ ແຕ່​ລະ​ຄະ­ນະ​ແຂ່ງ­ຂັນ​ພົບ​ກັນ​ໝົດ​ຄັດ​ເອົາ​ທີ 1-2 ຜ່ານ​ເຂົ້າ​ໄປ​ຫຼິ້ນ​ໃນ​ຮອບ​ຕໍ່​ໄປ.

ຂ່າວທີ່ກ່ຽວຂ້ອງ