ອາ​ຣາ​ບີ ຊາ​ອຸ​ດິດ ຊຸກຍູ້​ໂຄງການ​ພັດທະນາ ຕົວ​ເມືອງ ມູນ​ຄ່າ 500 ຕື້​ໂດ​ລາ

273 21 ມ.ກ. 2019 ຂ່າວຕ່າງປະເທດ
ອາ​ຣາ​ບີ ຊາ​ອຸ​ດິດ ຊຸກຍູ້​ໂຄງການ​ພັດທະນາ ຕົວ​ເມືອງ ມູນ​ຄ່າ 500 ຕື້​ໂດ​ລາ

    ສື່ສານ​ໃນ​ຕາເວັນ​ອອກ​ກາງ ລາຍ​ງານ​ເມື່ອ​ວັນ​ທີ 17 ມັງກອນ​ນີ້​ວ່າ ອາ​ຣາ​ບີ ຊາ​ອຸ​ດິດ ຈະ​ເລີ່ມ​ການ​ກໍ່ສ້າງ​ບັນດາ​ເຂດ​ຕົວ​ເມືອງ​ທຳ​ອິດ ຢູ່​ໃນ​ໂຄງການ​ພັດທະນາ​ນະຄອນ​ທີ່ “ສູງ​ສົ່ງ” NEOM ມີ​ມູນ​ຄ່າ​ປະມານ 500 ຕື້​ໂດ​ລາ​ສະຫະລັດ.

    ຄະນະ​ກຳມະການ​ພັດທະນາ​ນະຄອນ​ດັ່ງກ່າວ ພາຍ​ໃຕ້​ການ​ນຳພາ​ຂອງ ມຸງກຸດ​ລາດ​ຊະ​ກຸມ ມານ ມໍ​ຮາມ​ເມັດ ບິນ ຊາ​​ລ​ມານ ໄດ້​ຮັບຮອງ​ແຜນການ​ສັງ​ລວມ ຂອງ​ເຂດ​ຕົວ​ເມືອງ NEOM Bay ເປັນ​ແຫ່ງ​ທຳ​ອິດ ທີ່​ນອນ​ຢຸ່​ໃນ​ໂຄງການ​ນັ້ນ ອັນ​ປະກອບ​ດ້ວຍ ລະບົບ​ເຮືອນ​ຢູ່ ບັນດາ​ຮາກ​ຖານ ການທ່ອງທ່ຽວ ແລະ​ສູນ​ພັດທະນາ​ຫົວຄິດ​ປະດິດ​ສ້າງ.

   ແຜນການ​ພັດທະນາ​ເຂດ​ຕົວ​ເມືອງ​ດັ່ງກ່າວ ຈະ​ສຸມ​ໃສ່​ວິຖີ​ຊີວິດ​ທີ່​ຫຼູ​ຫຼາ ແລະ ​ປະກອບ​ມີ ບັນດາ​ໂຮງແຮມ ແລະ ​ເຂດ​ເຮືອນ​ວິນ​ລາ​ລະດັບ​ສູງ ເພື່ອ​ມຸ່ງ​ໄປ​ສູ່​ບັນດາ​ເປົ້າ​ຫຼາຍ​ລູກ​ຄ້າ​ໃນ​ພາກ​ພື້ນ ແລະ ​ສາກົນ. ຄຽງ​ຄູ່​ກັນ​ນັ້ນ NEOM Bay ຈະ​ໄດ້​ຮັບ​ການ​ປະກອບ​ບັນດາ​ເຕັກ​ໂນ​ໂລ​ຊີ​ໃໝ່ ເຮັດ​ໃຫ້​ເກີດ​ມີ​ລະບົບ​ນິເວດ​ຕົວ​ເມືອງ​ສະມາດ (ສະຫຼາດ) ດ້ວຍ​ພື້ນຖານ​ໂຄງ​ລ່າງ​ທີ່​ກ້າວໜ້າ.

ຂະ​ບວນ​ການ​ກະກຽມ ແລະ ​ລົງມື​ກໍ່ສ້າງ​ຕົວ​ເມືອງ​ດັ່ງກ່າວ ຈະ​ມີ​ຂຶ້ນ​ໃນ​ໄຕ​ມາດ​ທີ I ຂອງ​ປີ​ນີ້. ພື້ນຖານ​ວັດຖຸ​ທີ່​ສຳຄັນ​ຫຼາຍ​ລາຍການ ຄາດ​ວ່າ​ຈະ​ສຳເລັດ​ໃນ​ທ້າຍ​ປີ 2019 ແລະ ​ໄລຍະ​ທີ​ໜຶ່ງ​ຂອງ NEOM Bay ຈະ​ໄດ້​ສຳເລັດ​ພາຍ​ໃນ​ປີ 2020.

ຂ່າວທີ່ກ່ຽວຂ້ອງ