ມົງ​ໂກນ​ກວດ​ພົບ​ຜູ້​ຕິດ​ໄຂ້​ຫວັດ H1N1

293 21 ມ.ກ. 2019 ຂ່າວຕ່າງປະເທດ
ມົງ​ໂກນ​ກວດ​ພົບ​ຜູ້​ຕິດ​ໄຂ້​ຫວັດ H1N1

    ໂທລະພາບ​ຊ່ອງ NTV ຂອງ​ມົງ​ໂກນ ລາຍ​ງານ​ຂ່າວ​ອອກ​ມາ​ເມື່ອ​ວັນ​ທີ 17 ມັງກອນ​ນີ້ ໃຫ້​ຮູ້​ວ່າ ໂຮງໝໍ​ສູນ​ກາງ​ເລກ 1 ຂອງ​ມົງ​ໂກນ ໄດ້​ແຈ້ງ​ໃຫ້​ຮູ້​ເຖິງ​ການ​ຢັ້ງຢືນ​ຜູ້​ຕິດ​ໄວ​​ຣັສ​ໄຂ້​ຫວັດ H1N1 ຢູ່​ໃນ​ມົງ​ໂກນ ຈຳນວນ 6 ລາຍ ໃນ​ນັ້ນ​ມີ 1 ລາຍ​ໄດ້​ເສຍ​ຊີວິດ​ແລ້ວ

    ຫຼັງ​ຈາກ​ທີ່​ໄດ້​ກວດ​ຕົວຢ່າງ​ພະຍາດ ຈາກ​ຜູ້​ຕິດ  H1N1 ຈຳນວນ 25 ລາຍ ນັບ​ແຕ່​ຕົ້ນ​ປີ​ນີ້ ເປັນຕົ້ນ​ມາ ໂຮງໝໍ​ດັ່ງກ່າວ ຊຶ່ງ​ຕັ້ງ​ຢູ່​ໃນ​ນະຄອນຫຼວງ ອູ​ລານ ບາ​ຕໍ ໄດ້​ກວດ​ພົບ​ຜູ້​ຕິດ​ໄຂ້​ຫວັດ​ໝູ ຈຳນວນ 6 ຄົນ ແລະ ​ໃນ​ຈຳນວນ​ນີ້ ໄດ້​ເສຍ​ຊີວິດ​ໄປ​ແລ້ວ 1 ຄົນ.

    ໄຂ້​ຫວັດ​ໝູ ຫຼື​ທີ່​ຮູ້​ກັນ​ວ່າ​ເປັນໄຂ້​ຫວັດ​ສາຍ​ພັນ A/H1N1-2009 ນັ້ນ​ເປັນ​ພະຍາດ ທາງ​ລະບົບ​ຫາຍໃຈ​ໃນ​ຄົນ. ພະຍາດ​ນີ້​ສາມາດ​ຕິດຕໍ່​ຈາກ​ຄົນ​ສູ່​ຄົນ ແລະ ​ມີ​ເວລາ​ບົ່ມ​ພະຍາດ​ແຕ່ 1 ຫາ 4 ມື້.

ຂ່າວທີ່ກ່ຽວຂ້ອງ