ທຳ​ນຽບ​ຫ້າ​ແຈ​ປະກາດ​ບົດ​ລາຍ​ງານ​ກ່ຽວ​ກັບ​ການ​ປ້ອງ​ກັນ​ລູກ​ສອນ​ໄຟ ປີ 2019

340 21 ມ.ກ. 2019 ຂ່າວຕ່າງປະເທດ
ທຳ​ນຽບ​ຫ້າ​ແຈ​ປະກາດ​ບົດ​ລາຍ​ງານ​ກ່ຽວ​ກັບ​ການ​ປ້ອງ​ກັນ​ລູກ​ສອນ​ໄຟ ປີ 2019

    ທຳ​ນຽບ​ຫ້າ​ແຈ (ກະຊວງ​ປ້ອງ​ກັນ​ປະເທດ ສ ອາ​ເມ​ຣິ​ກາ) ໄດ້​ປະກາດ​ບົດ​ລາຍ​ງານ ກ່ຽວ​ກັບ ການ​ປ້ອງ​ກັນ​ລູກ​ສອນ​ໄຟ ປີ 2019 ອອກ​ມາ​ເມື່ອ​ວັນ​ທີ 17 ມັງກອນ​ນີ້ ຊຶ່ງ​ໃນ​ນັ້ນ​ໄດ້​ສຸມ ຍຸດ​ທະ​ສາດ​ໃສ່ ອີ​ຣານ ແລະ ​ສປປ ເກົາຫຼີ.

    ທ່ານ ພາ​ຕຣິກ ຊາ​ນາ​ຮັນ ຜູ້​ຮັກສາ​ການ​ລັດຖະມົນຕີ​ປ້ອງ​ກັນ​ປະເທດ ສ ອາ​ເມ​ຣິ​ກາ ກ່າວ​ຢູ່​ໃນ​ພິທີ​ປະກາດ​ບົດ​ລາຍ​ງານ​ດັ່ງກ່າວ ຢູ່​ທີ່​ທຳ​ນຽບ​ຫ້າ​ແຈ ວ່າ​ກຳລັງ​ຄວາມ​ສາມາດ ຂອງ​ລູກ​ສອນ​ໄຟ ຂອງ​ບັນດາ​ປະເທດ ເຊັ່ນ​ອີ​ຣານ ແລະ ​ສປປ ເກົາຫຼີ ສືບຕໍ່​ມີ​ບົດບາດ​ສຳຄັນ ຢູ່​ໃນ​ຍຸດ​ທະ​ສາດ​ປ້ອງ​ກັນ​ລູກ​ສອນ​ໄຟ​ຂອງ ສ ອາ​ເມ​ຣິ​ກາ.

    ໃນ​ບົດ​ລາຍ​ງານ​ການ​ປ້ອງ​ກັນ​ລູກ​ສອນ​ໄຟ ປີ 2019 ນັ້ນ ກໍ​ໃຫ້​ທັດສະນະ​ວ່າ ສ ອາ​ເມ​ຣິ​ກາ ຕ້ອງ​ໄດ້​ປະ​ເຊີນ​ໜ້າ​ກັບ​ບັນດາ​ລູກ​ສອນ​ໄຟ​ນຳ​ວິຖີ ແລະ ​ລູກ​ສອນ​ໄຟ​ທີ່​ໄປ​ໄດ້​ໄວ​ກວ່າ​ສຽງ​ໃໝ່​ຫຼ້າ​ສຸດ ຊຶ່ງ​ຈີນ ແລະ​ ຣັດ​ເຊຍ​ພວມ​ພັດທະນາ.

ຂ່າວທີ່ກ່ຽວຂ້ອງ