ຂ່າວຫຼ້າສຸດ

ຫວຽດນາມ ຊະນະຈຸດໂທດ ແລະ ຜ່ານເຂົ້າຮອບ 8 ທີມ ເອຊຽນຄັບ 2019

266 22 ມ.ກ. 2019 ວົງຈອນກີລາ
ຫວຽດນາມ ຊະນະຈຸດໂທດ ແລະ ຜ່ານເຂົ້າຮອບ 8 ທີມ ເອຊຽນຄັບ 2019

    ການ​ແຂ່ງ­ຂັນ​ບານ­ເຕະ​ຊາຍ​ຊີງ​ຂັນ​ອາ­ຊີ ຫຼື ເອ​ຊຽນ​ຄັບ 2019 ຢູ່​ສະ­ຫະ­ລັດ​ອາ​ຣັບ​ເອ​ມີ​ເຣ​ສ ວັນ​ທີ 20 ມັງ­ກອນ 2019 ຮອບ 16 ທີມ ຫວຽດ­ນາມ ແຊັມ​ອາ​ຊຽນ 2018 ເອົາ​ຊະ­ນະ​ຈຸດ​ໂທດ ຈໍ​ແດນ 4-2 ປະ­ຕູ ໂດຍ​ເວ­ລາ 90 ນາ­ທີ ແມ່ນ​ສະ­ເໝີ​ກັນ 1-1 ໂດຍ​ຈໍ​ແດນ ຖືກ​ຂຶ້ນ​ນຳ​ກ່ອນ​ຈາກ​ການ​ຍິງ​ລູກ​ໂທດ 2 ຈັງ­ຫວະ​ໃນ​ເຂດ​ໂທດ​ຂອງ ບາ​ຮາ ອາບ​ບາ​ດູ​ຣາ​ມານ ນາ­ທີ 39 ແຕ່​ຫວຽດ­ນາມ ຍິງ​ປະ­ຕູ​ຕີ​ສະ­ເໝີ​ຈາກ ຫງວຽນ​ກົງ​ເຟືອງ ນາ­ທີ 51 ສ່ວນ​ເວ­ລາ​ທີ່​ເຫຼືອ​ບໍ່​ມີ​ປະ­ຕູ​ເພີ່ມ​ຈົບ 90 ນາ­ທີ ຕ້ອງ​ຫຼິ້ນ​ໃນ​ໄລ­ຍະ​ຕໍ່​ເວ­ລາ​ພິ­ເສດ 30 ນາ­ທີ ແຕ່​ກໍ່​ບໍ່​ສາ­ມາດ​ຍິງ​ປະ­ຕູ​ກັນ​ໄດ້ ຕ້ອງ​ດວນ​ຈຸດ​ໂທດ ແລະ ເປັນ​ຫວຽດ­ນາມ ທີ່​ຍິງ​ຄົມ​ກວ່າ ເອົາ​ຊະ­ນະ 4-2 ປະ­ຕູ ຜ່ານ​ເຂົ້າ​ຮອບ 8 ທີມ.

    ຂະ­ນະ​ທີ່ ໄທ ອີກ 1 ທີມ​ຈາກ​ອາ​ຊຽນ ຕ້ານ ສປ ຈີນ ບໍ່​ໄຫວ​ເສຍ 1-2 ໂດຍ​ໄທ ໄດ້​ປະ­ຕູ​ຈາກ ສຸ­ພະ​ໄຊ ໃຈ​ເດັດ ນາ­ທີ 31 ແຕ່ ສປ ຈີນ ມາ​ຍິງ​ແຊງ 2 ປະ­ຕູ​ຈາກ ຊຽວ​ຊີ ນາ­ທີ 67 ແລະ ກ້າວ ລິນ ຍິງ​ຈຸດ​ໂທດ​ນາ­ທີ 71 ສປ ຈີນ ເຂົ້າ​ຮອບ 8 ທີມ​ໄປ​ພົບ ອີ​ຣານ ອະ­ດີດ​ແຊັມ 3 ສະ­ໄໝ ທີ່​ເອົາ​ຊະ­ນະ ໂອ​ມານ 2-0 ຮອບ 8 ທິມ ເຊິ່ງ​ຈະ​ແຂ່ງ­ຂັນ​ວັນ​ທີ 24 ມັງ­ກອນ 2019 ເວ­ລາ 23:00 ໂມງ.

ຂ່າວທີ່ກ່ຽວຂ້ອງ