ຂ່າວຫຼ້າສຸດ

ລາວເປັນເຈົ້າພາບຈັດແຂ່ງຂັນເບສບອນນາໆຊາດ

214 22 ມ.ກ. 2019 ວົງຈອນກີລາ
ລາວເປັນເຈົ້າພາບຈັດແຂ່ງຂັນເບສບອນນາໆຊາດ

    ການ​ແຂ່ງ­ຂັນ​ກີ­ລາ​ເບ​ສ​ບອນ​ນາໆຊາດ ຄັ້ງ​ທີ 5 ຊີງ​ຂັນ​ທ່ານ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ໄດ້​ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 18-20 ມັງ­ກອນ 2019 ທີ່​ສະ­ໜາມ​ກີ­ລາ​ເຈົ້າ​ອະ­ນຸ­ວົງ ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ຄຳ​ຜາຍ ສີ​ສະ­ຫວັນ ຮອງ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ ທັງ​ເປັນ​ປະ­ທານ​ສະ­ຫະ­ພັນ​ກີ­ລາ​ເບ​ສ​ບອນ​ແຫ່ງ​ຊາດ​ລາວ ທ່ານ ຊີນ ຊອງ ຊຸນ ເອກ​ອັກ​ຄະ​ລັດ​ຖະ​ທູດ ສ ເກົາ­ຫຼີ ປະ­ຈຳ​ລາວ ພ້ອມ​ດ້ວຍ​ຄະ­ນະ​ນຳ ຄູ​ເຝິກ ແລະ ນັກ­ກີ­ລາ​ເບ​ສ​ບອນ​ຈາກ 5 ຊາດ.

    ໂອ­ກາດ​ນີ້ ທ່ານ ບຸນ​ເຮັງ ສຸດ­ທິ​ຈັກ ຮອງ​ປະ­ທານ​ສະ­ຫະ­ພັນ​ກີ­ລາ​ເບ​ສ​ບອນ​ແຫ່ງ​ຊາດ​ລາວ ໄດ້​ລາຍ​ງານ​ໃຫ້​ຊາບ​ວ່າ: ການ​ແຂ່ງ­ຂັນ​ກີ­ລາ​ເບ​ສ​ບອນ​ຄັ້ງ​ນີ້ ມີ 10 ທີມ ຈາກ 5 ປະ­ເທດ​ເຂົ້າ​ຮ່ວມ​ຄື: ສະ­ມາ­ຄົມ​ກີ­ລາ​ເບ​ສ​ບອນ​ແຫ່ງ​ຊາດ​ຫວຽດ­ນາມ 2 ທີມ ສະ­ມາ­ຄົມ​ກີ­ລາ​ເບ​ສ​ບອນ​ແຫ່ງ​ຊາດ​ໄທ 1 ທີມ ສະ­ມາ­ຄົມ​ກີ­ລາ​ເບ​ສ​ບອນ​ແຫ່ງ​ຊາດ ສ ເກົາ­ຫຼີ 5 ທີມ ສະ­ມາ­ຄົມ​ກີ­ລາ​ເບ​ສ​ບອນ​ແຫ່ງ​ຊາດ​ຍີ່­ປຸ່ນ 1 ທີມ ແລະ ຈາກ​ສະ­ຫະ­ພັນ​ເບ​ສ​ບອນ​ແຫ່ງ​ຊາດ​ລາວ ເຈົ້າ­ພາບ 1 ທີມ ນອກ­ຈາກ​ນີ້ ກໍ​ຍັງ​ມີ​ກຳ­ມະ­ການ​ຕັດ­ສິນ​ລະ­ດັບ​ສາ­ກົນ ທີ່​ມາ​ຈາກ​ສະ­ມາ­ຄົມ​ເບ​ສ​ບອນ ສ ເກົາ­ຫຼີ 11 ທ່ານ ແລະ ແພດ 1 ທ່ານ.

    ການ​ແຂ່ງ­ຂັນ​ຄັ້ງ​ນີ້ ແມ່ນ​ເພື່ອ​ສ້າງ​ໂອ­ກາດ​ໃຫ້​ນັກ​ກິ­ລາ​ເບ​ສ​ບອນ​ທີມ​ຊາດ​ລາວ ໄດ້​ມີ​ໂອ­ກາດ​ເຝິກ­ຝົນ​ເສີມ​ສ້າງ​ທັກ​ສະ­ການ​ຫຼິ້ນ​ກີ­ລາ​ເບ​ສ​ບອນ ແລະ ແລກ­ປ່ຽນ​ບົດ­ຮຽນ​ກັບ​ບັນ­ດາ​ປະ­ເທດ​ທີ່​ມີ​ຄວາມ​ກ້າວ­ໜ້າ ທາງ​ດ້ານ​ກີ­ລາ​ເບ​ສ​ບອນ​ອັນ​ດັບ​ຕົ້ນໆ​ຂອງ​ໂລກ ເປັນ​ການ​ສ້າງ​ມິດ­ຕະ­ພາບ ແລະ ຄວາມ​ຮ່ວມ​ມື​ກັບ​ບັນ­ດາ​ທີມ​ກີ­ລາ​ເບ​ສ​ບອນ​ປະ­ເທດ​ອື່ນໆ ເພື່ອ​ກ້າວ​ສູ່​ການ​ຮ່ວມ​ມື ແລະ ການ​ຊ່ວຍ­ເຫຼືອ​ຊຶ່ງ​ກັນ ແລະ ກັນ​ໃນ​ອະ­ນາ­ຄົດ.

ຂ່າວທີ່ກ່ຽວຂ້ອງ