ຈັດ ທຣຳ ຄວ້າຂັນແຊັມຄັ້ງທຳອິດ ສະນຸກເກີ ເດີ ມາສເຕີ

161 23 ມ.ກ. 2019 ວົງຈອນກີລາ
ຈັດ ທຣຳ ຄວ້າຂັນແຊັມຄັ້ງທຳອິດ ສະນຸກເກີ ເດີ ມາສເຕີ

    ການ​ແຂ່ງ­ຂັນ​ກີ­ລາ​ສະ­ນຸກ​ເກີ ລາຍ­ການ ເດີ ມາ​ສ​ເຕີ້ 2019 ຢູ່​ອາ​ເລັກ​ຊັນ​ດຣ້າ ຟາ​ເລດ ລອນ​ດອນ ປະ­ເທດ​ອັງ­ກິດ ຄັດ​ເອົາ​ນັກ​ສະ­ນຸກ​ເກີ​ອັນ​ດັບ 1-16 ຂອງ​ໂລກ ຊີງ​ເງິນ​ລາ­ງວັນ​ລວມ 600.000 ປອນ ຫຼື ປະ­ມານ 6 ຕື້​ກີບ ລະ­ຫວ່າງ 13-20 ມັງ­ກອນ 2019.

    ສຳ­ລັບ​ການ​ແຂ່ງ­ຂັນ​ຮອບ​ຊີງ​ຊະ­ນະ​ເລີດ ຈັດ ທຣຳ ມື 6 ຂອງ​ລາຍ­ການ ຈາກ​ອັງ­ກິດ ຊະ­ນະ ຣອນ​ນີ້ ໂອ​ຊຸນ​ລີ​ແວນ ແຊັມ​ໂລກ 5 ສະ­ໄໝ ແຊັມ​ລາຍ­ການ​ນີ້ 7 ສະ­ໄໝ ມື 3 ຂອງ​ໂລກ ມື 4 ຂອງ​ລາຍ­ການ ເພື່ອນ​ຮ່ວມ​ຊາດ 10-4 ເຟຣມ.

    ຈັດ ທຣຳ ສ້າງ​ສະ­ຖິ­ຕິ​ເຂົ້າ​ຊີງ​ຊະ­ນະ​ເລີດ​ເປັນ​ຄັ້ງ​ທຳ​ອິດ ແລະ ຍາດ​ໄດ້​ຂັນ​ແຊັມ​ມາ​ຄອງ ພ້ອມ​ເງິນ​ລາ­ງວັນ 200.000 ປອນ ຫຼື ປະ­ມານ 2 ຕື້​ກີບ ສ່ວນ ຣອນ​ນີ້ ໂອ​ຊຸນ​ລີ​ແວນ ຮອງ​ແຊັມ ໄດ້​ຮັບ​ເງິນ​ລາ­ງວັນ 90.000 ປອນ ຫຼື ປະ­ມານ 900 ລ້ານ​ກີບ ສຳ­ລັບ​ຜູ້​ທີ່​ຕີ​ໄດ້​ຄະ­ແນນ​ສູງ​ສຸດ​ໃນ 1 ເຟຣມ ຫຼື (Century breaks) ແມ່ນ ລູ​ກ້າ ເບຣ​ເຊລ ຈາກ​ແບນ​ຊິກ ມື 14 ຂອງ​ໂລກ ໄດ້​ເງິນ​ລາ­ງວັນ 10.000 ປອນ ຫຼື ປະ­ມານ 100 ລ້ານ​ກີບ ຕີ​ໄດ້ 140 ຄະ­ແນນ ໃນ​ຮອບ​ທຳ​ອິດ ເຟຣມ​ທີ 7 ທີ່​ເອົາ​ຊະ­ນະ ມາກ ອາ​ເລັນ ມື 1 ຂອງ​ລາຍ­ການ ແຊັມ​ປີ 2018 (6-5 ເຟຣມ).

ຂ່າວທີ່ກ່ຽວຂ້ອງ