ບ້ານຫີນຕິດ ຄອງຂັນເຈົ້າເມືອງຫີນເຫີບ ບານເຕະສະຫຼອງວັນສ້າງຕັ້ງກອງທັບ

231 23 ມ.ກ. 2019 ວົງຈອນກີລາ
ບ້ານຫີນຕິດ ຄອງຂັນເຈົ້າເມືອງຫີນເຫີບ ບານເຕະສະຫຼອງວັນສ້າງຕັ້ງກອງທັບ

    ພິ­ທີ​ປິດ​ການ​ແຂ່ງ­ຂັນ​ກີ­ລາ​ບານ­ເຕະ​ຮຸ່ນ​ຊາວ​ໜຸ່ມ​ທົ່ວ​ໄປ ຊີງ​ຂັນ​ທ່ານ​ເຈົ້າ­ເມືອງ​ຫີນ​ເຫີບ ແຂວງ​ວຽງ​ຈັນ ປະ­ຈຳ​ປີ 2018 ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ລາວ ຄົບ­ຮອບ 70 ປີ ຈັດ​ຂຶ້ນ​ວັນ​ທີ 18 ມັງ­ກອນ 2019 ພາຍ­ຫຼັງ​ໄດ້​ດຳ­ເນີນ​ມາ​ແຕ່​ຕົ້ນ​ເດືອນ​ທັນ­ວາ 2018 ໂດຍ​ມີ​ທ່ານ ອຸ­ດົມ ວົງ​ສະ​ຫວັດ ເຈົ້າ­ເມືອງ​ຫີນ​ເຫີບ ພ້ອມ​ດ້ວຍ​ຮອງ​ເຈົ້າ­ເມືອງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ສຳ­ລັບ​ພິ­ທີ​ແມ່ນ​ມີ​ການ​ແຂ່ງ­ຂັນ​ນັດ​ຊີງ​ຊະ­ນະ​ເລີດ ລະ­ຫວ່າງ​ທີມ​ຊາວ​ໜຸ່ມ​ບ້ານ​ຫີນ​ຕິດ ຮອງ​ແຊັມ​ເກົ່າ ພົບ​ທີມ​ຫ້ອງ­ການ​ຢູ​ນິ​ເທວ ສາ­ຂາ​ປະ­ຈຳ­ເມືອງ​ຫີນ​ເຫີບ (ແຊັມ​ເກົ່າ) ເຊິ່ງ​ຜ່ານ​ການ​ແຂ່ງ­ຂັນ​ບ້ານ​ຫີນ​ຕິດ ເປັນ​ຝ່າຍ​ເອົາ​ຊະ­ນະ​ໄປ​ແບບ​ຫວຸດ​ຫວິດ 3-2 ປະ­ຕູ ຄອງ​ຂັນ​ເປັນ​ສະ­ໄໝ​ທີ 2 ຕໍ່​ຈາກ​ປີ 2016 ພ້ອມ​ເງິນ​ລາ­ງວັນ 3 ລ້ານ​ກີບ ສ່ວນ​ຮອງ​ແຊັມ ໄດ້​ຮັບ​ເງິນ​ລາ­ງວັນ 2 ລ້ານ​ກີບ ອັນ​ດັບ​ທີ 3 ທີມ​ຫ້ອງ­ການ​ການ​ເງິນ​ເມືອງ ໄດ້​ຮັບ​ເງິນ​ລາ­ງວັນ 1 ລ້ານ​ກີບ ທີ 4 ທີມ​ບ້ານ​ຫີນ​ເຫີບ​ເໜືອ ໄດ້​ຮັບ​ເງິນ​ລາ­ງວັນ 500.000 ກີບ.

    ການ​ແຂ່ງ­ຂັນ​ດັ່ງ­ກ່າວ ມີ 12 ທີມ ເຂົ້າ​ຮ່ວມ​ແບ່ງ​ເປັນ 4 ກຸ່ມ ຄື: A, B, C, D ແຕ່​ລະ​ກຸ່ມ​ແຂ່ງ­ຂັນ​ພົບ​ກັນ​ໝົດ ຄັດ​ເອົາ​ທີ 1-2 ຜ່ານ​ເຂົ້າ​ໄປ​ຫຼິ້ນ​ໃນ​ຮອບ​ຕໍ່​ໄປ.

ຂ່າວທີ່ກ່ຽວຂ້ອງ