ຫົວພັນ ສຳເລັດການແຂ່ງຂັນກີລາ ສະຫຼອງວັນສ້າງຕັ້ງກອງທັບ

196 23 ມ.ກ. 2019 ວົງຈອນກີລາ
ຫົວພັນ ສຳເລັດການແຂ່ງຂັນກີລາ ສະຫຼອງວັນສ້າງຕັ້ງກອງທັບ

    ການ​ແຂ່ງ­ຂັນ​ກີ­ລາ​ຊີງ​ຂັນ​ທ່ານ​ເຈົ້າ­ແຂວງ​ຫົວ­ພັນ ເພື່ອ​ສະ­ຫຼອງ​ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ລາວ ຄົບ­ຮອບ 70 ປີ ສຳ­ເລັດ​ລົງ​ວັນ​ທີ 18 ມັງ­ກອນ 2019 ຢູ່​ສະ­ໜາມ​ກີ­ລາ​ແຂວງ​ດັ່ງ­ກ່າວ ໂດຍ​ມີ​ທ່ານ ວັນ​ໄຊ ແພງ​ຊຸມ​ມາ ເຈົ້າ­ແຂວງ​ຫົວ­ພັນ ມີ​ທ່ານ ມົນ​ທອງ ລຽນ​ຕິ​ຄຸນ ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ​ແຂວງ ແລະ ພາກ­ສ່ວນ​ເຂົ້າ​ຮ່ວມ.

    ການ​ແຂ່ງ­ຂັນ​ຄັ້ງ​ນີ້ ມີ​ບານ­ເຕະ​ຍິງ-ຊາຍ ເປ​ຕັງ​ຍິງ-ຊາຍ ແລະ ໝາກ​ແລ້​ຍິງ-ຊາຍ ໄດ້​ເລີ່ມ​ການ​ແຂ່ງ­ຂັນ​ແຕ່​ວັນ​ທີ 7 ທັນ­ວາ 2018-ວັນ​ທີ 18 ມັງ­ກອນ 2019 ເຊິ່ງ​ຜ່ານ​ການ​ແຂ່ງ­ຂັນ​ປະ­ເພດ​ບານ­ເຕະ​ຊາຍ ທີ 1 ລັດ​ວິ​ສາ​ຫະ​ກິດ​ໄຟ­ຟ້າ​ລາວ​ສາ­ຂາ​ແຂວງ​ຫົວ­ພັນ ທີ 2 ພະ​ແນກ​ໂຍ­ທາ​ທິ​ການ ແລະ ຂົນ­ສົ່ງ​ແຂວງ ທີ 3 ພະ​ແນກ​ສຶກ​ສາ​ທິ​ການ ແລະ ກີ­ລາ​ແຂວງ ບານ­ເຕະ​ຍິງ ທີ 1 ພະ​ແນກ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ​ແຂວງ ທີ 2 ຫ້ອງ​ວ່າ­ການ​ປົກ­ຄອງ​ແຂວງ ທີ 3 ທີມ​ໂຮງ­ຮຽນ ມ ປາຍ ຕົວ​ແບບ​ແຂວງ ສ່ວນ​ລາ­ງວັນ​ແມ່ນ​ໄດ້​ຮັບ​ເທົ່າ​ກັນ​ຄື: ທີ 1 ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 5 ລ້ານ​ກີບ ທີ 2 ເງິນ​ລາ­ງວັນ 3 ລ້ານ​ກີບ ທີ 3 ເງິນ​ລາ­ງວັນ 2 ລ້ານ​ກີບ.

    ສຳ­ລັບ​ເປ​ຕັງ​ທີມ​ຍິງ ທີ 1 ບ້ານ​ເດັກ SOS ທີ 2 ພະ​ແນກ​ອຸດ­ສາ­ຫະ­ກຳ ແລະ ການ​ຄ້າ​ແຂວງ ທີ 3 ສະ­ພາ​ປະ­ຊາ­ຊົນ​ແຂວງ ເປ​ຕັງ​ທີມ​ຊາຍ ທີ 1 ສຳ­ພັນ​ໄມ­ຕີ ທີ 2 ກອງ­ຮ້ອຍ ຄ16 ທີ 3 ທີມ​ໂຮງ­ຮຽນ ມສ ພັນ​ຊຳ ໝາກ​ແລ້​ຊາຍ ທີ 1 ໂຮງ­ງານ​ນ້ຳ​ດື່ມ​ຍອດ​ຊຳ ທີ 2 ບ້ານ​ຫົວ​ຄັງ ທີ 3 ໂຮງ­ຮຽນ ມສ ພັນ​ລາ ເຊິ່ງ​ທັງ 3 ປະ­ເພດ ໄດ້​ຮັບ​ລາ­ງວັນ​ເທົ່າ​ກັນ​ຄື: ທີ 1 ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 1 ລ້ານ​ກີບ ທີ 2 ເງິນ​ລາ­ງວັນ 700.000 ກີບ ທີ 3 ເງິນ​ລາ­ງວັນ 500.000 ກີບ.

ຂ່າວທີ່ກ່ຽວຂ້ອງ