ເຫດການ​ຮຸນ​ແຮງ​ຢູ່​ໃນ​ອາ​ຟະ​ກາ​ນິດ​ສະຖານ

433 23 ມ.ກ. 2019 ຂ່າວຕ່າງປະເທດ
ເຫດການ​ຮຸນ​ແຮງ​ຢູ່​ໃນ​ອາ​ຟະ​ກາ​ນິດ​ສະຖານ

    ຂ່າວສານ​ຊິນ​ຮວາ ລາຍ​ງານ​ວ່າ ເຈົ້າ​ໜ້າທີ່​ໃນ​ທ້ອງຖິ່ນ ແຈ້ງ​ໃຫ້​ຮູ້​ວ່າ ມີ​ຜູ້​ເສຍ​ຊີວິດ​ຢ່າງ​ໜ້ອຍ 18 ຄົນ ແລະ ​ບາດເຈັບ 27 ຄົນ ຢູ່​ໃນ​ເຫດການ​ວາງ​ລະເບີດ ຂອງ​ກຸ່ມ​ມື​ປືນ ຕາ​ລີ​ບັນ ໂດຍ​ໃຊ້​ລົດ​ເປັນ​ພາຫະນະ.

    ການ​ວາງ​ລະເບີດ​ດັ່ງກ່າວ ແມ່ນ​ແນໃສ່​ຮາກ​ຖານ​ຂອງ​ກອງ​ກຳລັງ​ປະຕິບັດ​ງານ​ພິເສດ ຂອງ​ອາ​ຟະ​ກາ​ນິດ​ສະຖານ ຢູ່​ໃນ​ເມືອງ ມາຍ​ດານ ຊາ ຊຶ່ງ​ເປັນ​ເມືອງ​ເອກ​ຂອງ​ແຂວງ ວາ​ດັກ (ພາກ​ຕາເວັນ​ອອກ​ຂອງ​ອາ​ຟະ​ກາ​ນິດ​ສະຖານ).

    ກ່ອນ​ໜ້າ​ນີ້ ຂ່າວສານ​ຣອຍ​ເຕີ ລາຍ​ງານ​ວ່າ ກຸ່ມ​ມື​ປືນ​ຕາ​ລີ​ບັນ ໄດ້​ປະຕິເສດ​ຂໍ້​ມູນ ຢູ່​ໃນ​ສື່ສານ​ຂອງ​ປາ​ກິດ​ສະຖານ ທີ່​ເວົ້າ​ວ່າ​ເຂົາເຈົ້າ (ຕາ​ລີ​ບັນ) ພວມ​ກະກຽມ​ກັບ​ມາ​ເຊື່ອມ​ຕໍ່​ການ​ພົບ​ປະ​ກັບ​ທູດ​ພິເສດ​ຂອງ ສ ອາ​ເມ​ຣິ​ກາ ຢູ່​ໃນ ອິ​ສລາ​ມາ​ບັດ (ປາ​ກິດ​ສະຖານ) ພ້ອມ​ກັນ​ນັ້ນ​ກໍ​ກ່າວ​ຢ້ຳ​ເຖິງ​ການ​ທີ່​ກຸ່ມ​ນີ້​ປະຕິເສດ ທີ່​ຈະ​ເຈລະຈາ​ໂດຍ​ກົງ ກັບ​ລັດຖະບານ​ອາ​ຟະ​ກາ​ນິດ​ສະຖານ.

ຂ່າວທີ່ກ່ຽວຂ້ອງ