ຂ່າວຫຼ້າສຸດ

ເກີດ​ອຸບັດເຫດ​ເຮືອ​ຂ້າມ​ຟາກ​ພິກ​ຂວ້ຳ​ຢູ່​ໃນ​ເຂດ​ພາກ​ໃຕ້​ອິນ​ເດຍ

818 23 ມ.ກ. 2019 ຂ່າວຕ່າງປະເທດ
ເກີດ​ອຸບັດເຫດ​ເຮືອ​ຂ້າມ​ຟາກ​ພິກ​ຂວ້ຳ​ຢູ່​ໃນ​ເຂດ​ພາກ​ໃຕ້​ອິນ​ເດຍ

       ເຈົ້າ​ໜ້າທີ່​ອິນ​ເດຍ ແຈ້ງ​ໃຫ້​ຮູ້ເມື່ອ​ວັນ​ທີ 21 ມັງກອນ​ນີ້​ວ່າ ກອງ​ກຳລັງ​ກູ້​ໄພ ໄດ້​ຄົ້ນ​ພົບ​ຮ່າງ​ຜູ້​ເສຍ​ຊີວິດ 16 ສົບ ຫຼັງ​ຈາກ​ທີ່​ເຮືອ​ຂ້າມ​ຟາກ​ລຳ​ໜຶ່ງ ຊຶ່ງ​ບັນທຸກ​ຜູ້ໂດຍສານ 24 ຄົນ ໄດ້​ເກີດ​ພິກ​ຂວ້ຳ​ຢູ່​ໃນ​ແມ່ນ້ຳ​ສາຍ​ໜຶ່ງ ໃນ​ພື້ນ​ທີ່​ລັດ ກາ​ນາ​ຕາ​ກາ (ພາກ​ໃຕ້​ອິນ​ເດຍ).

    ໃນ​ຂະນະ​ດຽວ​ກັນ ແຫຼ່ງ​ຂ່າວ​ຈາກ​ຕຳຫຼວດ ໃຫ້​ຮູ້​ວ່າ ເຮືອ​ຂ້າມ​ຟາກ​ດັ່ງກ່າວ ບັນທຸກ​ຜູ້ໂດຍສານ 30 ຄົນ ແລະ ​ມີ​ຜູ້​ເສຍ​ຊີວິດ​ຢ່າງ​ໜ້ອຍ 8 ຄົນ ໃນ​ຂະນະ​ທີ່​ກອງ​ກຳລັງ​ກູ້​ໄພ ຊ່ວຍ​ຊີວິດ​ຜູ້​ປະສົບ​ໄພ​ຂຶ້ນ​ມາ​ໄດ້ 18 ຄົນ ແລະ​ຍັງ​ມີ​ຜູ້​ຫາຍ​ສາບ​ສູນ​ອີກ 5-6 ຄົນ

    ຢ້ອນ​ຄືນ​ຫຼັງ ເມື່ອ​ຕົ້ນ​ເດືອນ​ມັງກອນ​ນີ້ ກໍ​ມີ​ຜູ້​ເສຍ​ຊີວິດ​ຢ່າງ​ໜ້ອຍ 10 ຄົນ ຢູ່​ທາງ​ພາກ​ຕາເວັນ​ອອກ​ຂອງ​ອິນ​ເດຍ ເມື່ອ​ເຮືອ​ລຳ​ໜຶ່ງ ບັນທຸກ​ຜູ້ໂດຍສານ​ເກີນ​ກຳນົດ ເກີດ​ພິກ​ຂວ້ຳ ຢູ່​ໃກ້​ກັບ​ເກາະ​ແຫ່ງ​ໜຶ່ງ ທີ່​ເປັນ​ແຫຼ່ງ​ທ່ອງ​ທ່ຽວ​ທີ່​ລື​ຊື່​ໃນ​ທ້ອງຖິ່ນ.

ຂ່າວທີ່ກ່ຽວຂ້ອງ