ໄລຍະ​ຂົນສົ່ງ​ຜູ້ໂດຍສານ​ຍາມ​ບຸນ​ກຸດ​ຈີນ 2019 ເລີ່ມ​ເປີດ​ສາກ​ຂຶ້ນ​ແລ້ວ

670 23 ມ.ກ. 2019 ຂ່າວຕ່າງປະເທດ
ໄລຍະ​ຂົນສົ່ງ​ຜູ້ໂດຍສານ​ຍາມ​ບຸນ​ກຸດ​ຈີນ 2019 ເລີ່ມ​ເປີດ​ສາກ​ຂຶ້ນ​ແລ້ວ

     ໄລຍະ​ຂົນສົ່ງ​ຜູ້ໂດຍສານ​ຍາມ​ບຸນ​ປະເພນີ​ຂອງ​ຊາວ​ຈີນ (ບຸນ​ກຸດ​ຈີນ) ປະຈຳ​ປີ 2019 ໄດ້​ເລີ່ມ​ເປີດ​ສາກ​ຂຶ້ນ​ຢ່າງ​ເປັນ​ທາງ​ການ ໃນ​ວັນ​ທີ 21 ມັງກອນ​ນີ້ ແລະ ​ຈະ​ດຳເນີນ​ເປັນ​ໄປ​ເວລາ 40 ວັນ ໂດຍ​ຄາດ​ວ່າ​ຈະ​ຂົນສົ່ງ​ຜູ້ໂດຍສານ​ປະມານ 3 ຕື້​ເທື່ອ​ຄົນ. ທາງ​ລົດໄຟ ບໍລິສັດ​ການບິນ ທາງ​ຫຼວງ​ແລະ​ການ​ຂົນສົ່ງ​ທາງນ້ຳ​ຂອງ​ຈີນ ຈະ​ອອກແຮງ​ຢ່າງ​ເຕັມ​ກຳລັງ ເພື່ອ​ບໍລິການ​ຜູ້ໂດຍສານ​ໃຫ້​ດີ ແລະ​ສ້າງ​ຄວາມ​ອົບ​ອຸ່ນ​ໃຫ້​ເຂົາເຈົ້າ​ລະຫວ່າງ​ທາງ​ກັບ​ໄປ​ບ້ານ​ເກີດ​ເມືອງ​ນອນ.

    ບໍລິສັດ​ໃຫຍ່​ທາງ​ລົດໄຟ​ຈີນ ເປີດເຜີຍ​ວ່າ ໃນ​ໄລຍະ​ຂົນສົ່ງ​ຜູ້ໂດຍສານ​ຍາມ​ບຸນ​ກຸດ​ຈີນ​ປີ​ນີ້ ທາງ​ລົດໄຟ​ທົ່ວ​ປະເທດ​ຈີນ ຄາດ​ວ່າ​ຈະ​ຂົນສົ່ງ​ຜູ້ໂດຍສານ 413,3 ລ້ານ​ເທື່ອ​ຄົນ ເພີ່ມ​ຂຶ້ນ 3,176 ລ້ານ​ເທື່ອ​ຄົນ ຫຼື 8,3% ເມື່ອ​ທຽບໃສ່​ໄລຍະ​ດຽວ​ກັນ​ຂອງ​ປີ 2018 ແລະ ​ຈະ​ຂົນສົ່ງ​ຜູ້ໂດຍສານ 10,33 ລ້ານ​ເທື່ອ​ຄົນ​ຕໍ່​ມື້. ພາກສ່ວນ​ທາງ​ລົດໄຟ ຈະ​ປະຕິບັດ​ມາດ​ຕະການ 10 ກວ່າ​ຂໍ້ ເພື່ອ​ສ້າງ​ຄວາມ​ສະດວກ​ໃຫ້​ແກ່​ຜູ້ໂດຍສານ ແລະ ​ສຸມ​ທຸກໆ​ຄວາມ​ພະຍາຍາມ​ໃຫ້​ບັນລຸ​ແຜນການ​ທີ່​ວ່າ “ໄລຍະ​ຂົນສົ່ງ​ຜູ້ໂດຍສານ​ຍາມ​ບຸນ​ກຸດ​ຈີນ​ທີ່​ປອດ​ໄພ ເປັນ​ລະບຽບ​ຮຽບ​ຮ້ອຍ ອົບ​ອຸ່ນ ແລະ​ຜູ້ໂດຍສານ​ມີ​ຄວາມ​ປະ​ທັບ​ໃຈ​ເປັນ​ຢ່າງ​ດີ”. 

ຂ່າວທີ່ກ່ຽວຂ້ອງ