ຂ່າວຫຼ້າສຸດ

ອູ​ແກຣນ-ອິດ​ສະ​ຣາ​ແອນ ລົງ​ນາມ​ຂໍ້​ຕົກລົງ​ການ​ຄ້າ​ເສລີ

534 24 ມ.ກ. 2019 ຂ່າວຕ່າງປະເທດ
ອູ​ແກຣນ-ອິດ​ສະ​ຣາ​ແອນ ລົງ​ນາມ​ຂໍ້​ຕົກລົງ​ການ​ຄ້າ​ເສລີ

     ຫ້ອງການ​ດ້ານ​ສື່​ມວນ​ຊົນ​ຂອງ​ປະທານາທິບໍດີ​ອູ​ແກຣນ ແຈ້ງ​ໃຫ້​ຮູ້​ຜ່ານ​ຖະແຫຼງການ​ສະບັບ​ໜຶ່ງ​ວ່າ ອູ​ແກຣນ ແລະ ​ອິດ​ສະ​ຣາ​ແອນ ໄດ້​ລົງ​ນາມ​ຂໍ້​ຕົກລົງ​ການ​ຄ້າ​ເສລີ (FTA) ແລ້ວ ຫຼັງ​ຈາກ​ທີ່​ໄດ້​ເຈລະຈາ​ມາ​ເປັນ​ເວລາ 5 ປີ (ເລີ່ມ​ມາ​ແຕ່​ປີ 2013). ຂໍ້​ຕົກລົງ​ດັ່ງກ່າວ ໄດ້​ຮັບ​ການ​ລົງ​ນາມ​ຢູ່​ທີ່​ນະຄອນ ເຈ​ຣູ​ຊາ​ແລມ ເມື່ອ​ວັນ​ທີ 21 ມັງກອນ​ນີ້ ພາຍ​ໃຕ້​ການ​ເປັນ​ສັກຂີ​ພິຍານ ຂອງ​ປະທານາທິບໍດີ​ອູ​ແກຣນ ເປ​ໂຕຣ ໂປ​ໂຣ​ເຊນ​ໂກ ແລະ​ນາຍົກລັດຖະມົນຕີ​ອິດ​ສະ​ຣາ​ແອນ ເບນ​ຈາ​ມິນ ເນ​ຕັນ​ຢາ​ຮູ.

    ເອກະສານ​ຂອງ​ຂໍ້​ຕົກລົງ​ນັ້ນ ຍັງ​ບໍ່​ທັນ​ໄດ້​ຮັບ​ການ​ປະກາດ ແຕ່​ວ່າ​ບັນດາ​ພາຫະນະ​ສື່​ມວນ​ຊົນ​ໃນ​ທ້ອງຖິ່ນ ໄດ້​ອອກ​ຂ່າວ​ວ່າ ຂໍ້​ຕົກລົງ​ນີ້​ໄດ້​ກຳນົດ​ວ່າ ອູ​ແກຣນ ແລະ ​ອິດ​ສະ​ຣາ​ແອນ ຈະ​ຍົກເລີກ​ການ​ເກັບ​ພາສີ​ທັນທີ ສຳລັບ 70-80% ຂອງ​ປະລິມານ​ສິນຄ້າ​ອຸດສາຫະກຳ​ນຳ​ເຂົ້າ​ທີ່​ເທົ່າໆ​ກັນ​ຂອງ​ແຕ່​ລະ​ປະເທດ ແລະ​ຫຼຸດ​ພາສີ​ນຳ​ເຂົ້າ​ສິນຄ້າ​ກະສິກຳ ແຕ່ 6,8-9,2%. ໃນ​ຮອບ​ເວລາ 3 ປີ ລະດັບ​ພາສີ​ສຳລັບ​ສິນຄ້າ​ຕັດຫຍິບ ເຄື່ອງໃຊ້ ແລະ​ເຄື່ອງ​ແກ້ວ​ຂອງ​ອູ​ແກຣນ ທີ່​ສົ່ງ​ອອກ​ໄປ​ຍັງ​ອິດ​ສະ​ຣາ​ແອນ ກໍ​ຈະ​ໄດ້​ຍົກເລີກ​ບາງ​ສວນ.

    ມູນ​ຄ່າ​ການ​ຄ້າ​ລະຫວ່າງ​ອູ​ແກຣນ ກັບ​ອິດ​ສະ​ຣາ​ແອນ ບັນລຸ 761,4 ລ້ານ​ໂດ​ລາ​ສະຫະລັດ ໃນ​ປີ 2018 ໃນ​ນັ້ນ​ການ​ສົ່ງ​ອອກ​ສິນຄ້າ​ຂອງ​ອູ​ແກຣນ ໄປ​ຍັງ​ອິດ​ສະ​ຣາ​ແອນ ບັນລຸ 580 ລ້ານ​ໂດ​ລາ​ສະຫະລັດ.

ຂ່າວທີ່ກ່ຽວຂ້ອງ