ແຫຼ່ງ​ແກ​​ັສ​ຂອງ​ເອີ​ຣົບ ຍັງ​ຮັບປະກັນ​ໃນ​ລະດູ​ໜາວ​ນີ້

507 24 ມ.ກ. 2019 ຂ່າວຕ່າງປະເທດ
ແຫຼ່ງ​ແກ​​ັສ​ຂອງ​ເອີ​ຣົບ ຍັງ​ຮັບປະກັນ​ໃນ​ລະດູ​ໜາວ​ນີ້

     ວັນ​ທີ 21 ມັງກອນ​ນີ້ ສະຫະພາບ​ເອີ​ຣົບ (EU) ໄດ້​ນຳ​ສະເໜີ​ສັນຍາ​ສະບັບ​ໃໝ່ ເພື່ອ​ໃຫ້​ຣັດ​ເຊຍ​ສືບຕໍ່​ສົ່ງ​ອອກ​ແກ​​ັສ​ໄປ​ຍັງ​ເອີ​ຣົບ ໂດຍ​ຜ່ານ​ລະບົບ​ທໍ່​ສົ່ງ​ແກ​​ັສ​ທີ່​ແລ່ນ​ຜ່ານ​ອູ​ແກຣນ ນັບ​ແຕ່​ປີ 2020 ເປັນຕົ້ນ​ໄປ ພ້ອມ​ທັງ​ໃຫ້​ຂໍ້​ສັງເກດ​ວ່າ ແຫຼ່ງ​ສະໜອງ​ແກ​​ັສ ໃນ​ລະດູ​ໜາວ​ປີ​ນີ້ ບໍ່​ພົບ​ກັບ​ບັນຫາ​ໃຫຍ່​ແຕ່​ຢ່າງໃດ.

    ທ່ານ ມາ​​ຣົສ ເຊ​​ຟ​ໂກ​ວິກ ຮອງ​ປະທານ​ຄະນະ​ກຳມະການ​ເອີ​ຣົບ (EC) ກ່າວ​ຕໍ່​ຜູ້​ສື່​ຂ່າວ ຫຼັງ​ຈາກ​ເປັນ​ປະທານ​ການ​ເຈລະຈາ​ຢູ່​ທີ່​ນະຄອນຫຼວງ​ບຣຸກ​ແຊນ (ປະເທດ​ແບນ​ຊິກ) ກັບ​ບັນດາ​ລັດຖະມົນຕີ​ຈາກ​ຣັດ​ເຊຍ ແລະ ອູ​ແກຣນ ກໍ​ຄື​ຕົວ​ແທນ​ຂອງ​ບັນດາ​ວິ​ສາ​ຫະ​ກິດ ດ້ານ​ພະລັງງານ​ທີ່​ກ່ຽວຂ້ອງ ວ່າ​ໃນ​ການ​ເຮັດ​ວຽກ​ນັ້ນ ສາມ​ຝ່າຍ​ໄດ້​ປະກອບ​ຄວາມ​ເຫັນ​ກ່ຽວ​ກັບ​ຂອບ​ດ້ານ​ນິຕິ​ກຳ ໃຫ້​ແກ່​ຂໍ້​ຕົກລົງ​ວ່າ​ດ້ວຍ​ການ​ຂົນສົ່ງ​ແກ​​ັສ​ຈາກ​ຣັດ​ເຊຍ ຜ່ານ​ອູ​ແກຣນ ໄປ​ຍັງ​ເອີ​ຣົບ ຕະຫຼອດ​ຮອດ​ພາສີ​ປະເພດ​ຕ່າງໆ ແລະ ​ຄວາມ​ຕ້ອງການ​ຂອງ EU ໃນ​ອະນາຄົດ. ໃນ​ຂະນະ​ດຽວ​ກັນ ສາມ​ຝ່າຍ​ກໍ​ໄດ້​ປຶກສາ​ຫາລື​ກ່ຽວ​ກັບ​ຄວາມ​ສະຫງົບ​ດ້ານ​ແກ​​ັສ ໃນ​ລະດູ​ໜາວ​ປີ 2019.

    ທ່ານ ເຊ​​ຟ​ໂກ​ວິກ ຍັງ​ໃຫ້​ຮູ້​ຕື່ມ​ວ່າ ໄດ້​ນຳ​ສະເໜີ​ອອກ​ມາ​ຢ່າງ​ສົມ​ເຫດ​ສົມ​ຜົນ ອັນ​ປະກອບ​ດ້ວຍ​ຂໍ້ຄວາມ​ກ່ຽວ​ກັບ​ກຳນົດ​ເວລາ ບໍ​ລິ​ມາດ ແລະ ​ລະດັບ​ພາສີ ທີ່​ໃຊ້​ຢູ່​ໃນ​ສັນຍາ​ວ່າ​ດ້ວຍ​ການ​ຂົນສົ່ງ​ແກ​​ັສ ພ້ອມ​ກັນ​ນັ້ນ​ກໍ​ມີ​ບັນດາ​ຂໍ້ຄວາມ​ວ່າ​ດ້ວຍ​ການ​ລົງທຶນ ແລະ ​ການ​ບຳລຸງ​ຮັກສາ​ລະບົບ​ທໍ່​ສົ່ງ​ແກ​​ັສ. ສັນຍາ​ດັ່ງກ່າວ​ໄດ້​ຖືກ​ສົ່ງ​ໄປ​ໃຫ້​ລັດຖະມົນຕີ​ພະລັງງານ​ຣັດ​ເຊຍ ອາ​ເລັກ​ຊານ​ເດີ​​ຣ ໂນ​ວັກ ແລະ​ ລັດຖະມົນຕີ​ການ​ຕ່າງປະເທດ​ອູ​ແກຣນ ປາບ​ໂລ ກລິມ​ກິນ ຕະຫຼອດ​ຮອດ​ການ​ນຳ​ຂອງ​ບໍລິສັດ Gazprom (ຣັດ​ເຊຍ) ແລະ Naftogaz (ຂອງ​ອູ​ແກຣນ).

ຂ່າວທີ່ກ່ຽວຂ້ອງ