ຣັດ​ເຊຍ​ຫວັງ​ຢາກ​ຍົກ​ມູນ​ຄ່າ​ການ​ຄ້າ​ກັບ​ຍີ່ປຸ່ນ​ຂຶ້ນ​ເປັນ 30 ຕື້​ໂດ​ລາ

546 24 ມ.ກ. 2019 ຂ່າວຕ່າງປະເທດ
ຣັດ​ເຊຍ​ຫວັງ​ຢາກ​ຍົກ​ມູນ​ຄ່າ​ການ​ຄ້າ​ກັບ​ຍີ່ປຸ່ນ​ຂຶ້ນ​ເປັນ 30 ຕື້​ໂດ​ລາ

      ປະທານາທິບໍດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ກ່າວ​ຢູ່​ໃນ​ກອງ​ປະຊຸມ​ຖະແຫຼງ​ຂ່າວ ຮ່ວມ​ກັບ​ນາຍົກລັດຖະມົນຕີ​ຍີ່ປຸ່ນ ຊິນ​ໂຊ ອາ​ເບ ເມື່ອ​ວັນ​ທີ 22 ມັງກອນ​ນີ້​ວ່າ ຣັດ​ເຊຍ ແລະ​ຍີ່ປຸ່ນ ຄວນ​ເພີ່ມ​ມູນ​ຄ່າ​ການ​ຄ້າ​ລະຫວ່າງ​ສອງ​ຝ່າຍ​ຂຶ້ນ​ອີກ 1,5 ເທົ່າ​ຕົວ ໂດຍ​ໃຫ້​ບັນລຸ​ລະດັບ 30 ຕື້​ໂດ​ລາ​ສະຫະລັດ.

    ໃນ​ຂະນະ​ດຽວ​ກັນ ທ່ານ ດີ​ມີ​ຕຣີ ເປ​​ສ​ກອບ ໂຄສົກ​ຂອງ​ວັງ​ແກຣມ​ແລັງ ເວົ້າ​ວ່າ ຄວນ​ປັບປຸງ​ບັນຍາກາດ​ຄວາມ​ເຊື່ອ​ຖື​ຊຶ່ງ​ກັນ​ແລະ​ກັນ ຢູ່​ໃນ​ການ​ພົວພັນ ຣັດ​ເຊຍ - ຍີ່ປຸ່ນ ໂດຍ​ຜ່ານ​ການ​ພັດທະນາ​ການ​ຮ່ວມ​ມື​ທາງ​ດ້ານ​ເສດຖະກິດ - ການ​ຄ້າ.

    ມູນ​ຄ່າ​ການ​ຄ້າ​ສອງ​ສົ້ນ ລະຫວ່າງ​ຣັດ​ເຊຍ ກັບ​ຍີ່ປຸ່ນ ພາຍ​ໃນ 11 ເດືອນ​ຕົ້ນ​ປີ 2018 ເພີ່ມ​ຂຶ້ນ 18% ແລະ ​ບັນລຸ​ທີ່​ປະມານ 20 ຕື້​ໂດ​ລາ​ສະຫະລັດ.

ຂ່າວທີ່ກ່ຽວຂ້ອງ