ຂ່າວຫຼ້າສຸດ

ພໍ່​ຕູ້​ຊາວ​ຍີ່ປຸ່ນ​ທີ່​ມີ​ອາຍຸ​ສູງ​ສຸດ​ໃນ​ໂລກ ເຖິງ​ແກ່​ກຳ​ໃນ​ໄວ 113 ປີ

585 24 ມ.ກ. 2019 ຂ່າວຕ່າງປະເທດ
ພໍ່​ຕູ້​ຊາວ​ຍີ່ປຸ່ນ​ທີ່​ມີ​ອາຍຸ​ສູງ​ສຸດ​ໃນ​ໂລກ ເຖິງ​ແກ່​ກຳ​ໃນ​ໄວ 113 ປີ

       ພໍ່​ຕູ້ ມາ​ຊາ​ໂຊ ໂນ​ນາ​ກາ (ຊາວ​ຍີ່ປຸ່ນ) ຜູ້​ທີ່​ມີ​ອາ​ຍະ​ສູງ​ສຸດ​ໃນ​ໂລກ ໄດ້​ເຖິງ​ແກ່​ກຳ​ໃນ​ວັນ​ທີ 20 ມັງກອນ​ນີ້ ຢູ່​ທີ່​ເຮືອນ​ພັກ​ຂອງ​ຕົນ ໃນ​ນະຄອນ ອາ​ໂຊ​ໂຣ. ພໍ່​ຕູ້​ຄົນ​ນີ້ ເກີດ​ເມື່ອ​ວັນ​ທີ 25 ກໍລະກົດ ປີ 1905 ຢູ່​ທີ່​ນະຄອນ ອາ​ໂຊ​ໂຣ ໃນ​ແຂວງ​ຮອກ​ໄກ​ໂດ ຂອງ​ຍີ່ປຸ່ນ ແລະ​ ມາ​ໃນ​ວັນ​ທີ 10 ເມສາ ປີ 2018 ຊື່​ສຽງ​ຮຽງ​ນາມ​ຂອງ​ພໍ່​ຕູ້ ໂນ​ນາ​ກາ ໄດ້​ຖືກ​ບັນທຶກ​ໄວ້​ໃນ​ປຶ້ມ​ສະຖິຕິ​ໂລກ Guiness ວ່າ​ເປັນ​ຜູ້​ທີ່​ມີ​ອາຍຸ​ສູງ​ສຸດ​ໃນ​ໂລກ ໃນ​ໄວ 113 ປີ.

    ພໍ່​ຕູ້ ໂນ​ນາ​ກາ ດຳລົງ​ຊີວິດ​ກັບ​ຄອບຄົວ​ຢູ່​ໃນ​ນະຄອນ ອາ​ໂຊ​ໂຣ ຈົນ​ເຖິງ​ເວລາ​ສິ້ນ​ລົມ​ຫາຍໃຈ ຊຶ່ງ​ຢູ່​ທີ່​ນີ້ ພໍ່​ຕູ້​ເປັນ​ເຈົ້າ​ຂອງ​ເຮືອ​ພັກ​ຫຼັງ​ໜຶ່ງ​ທີ່​ມີ​ຫ້ວຍ​ນ້ຳ​ອຸ່ນ ທີ່​ມີ​ອາຍຸ​ມາ​ໄດ້ 100 ກວ່າ​ປີ.

    ສະຖິຕິ Guinness ໄດ້​ບັນທຶກ​ຊື່​ຜູ້​ທີ່​ມີ​ອາຍຸ​ຍືນ​ທີ່​ສຸດ​ໃນ​ໂລກ ກໍ​ແມ່ນ​ແມ່ຕູ້ ເຈນ ກາ​​ລ​ເມນ (ຊາວ​ຝຣັ່ງ) ຊຶ່ງ​ໄດ້​ເຖິງ​ແກ່​ກຳ​ເມື່ອ​ປີ 1997 ລວມ​ອາຍຸ​ໄດ້ 122 ປີ ກັບ 164 ວັນ.

ຂ່າວທີ່ກ່ຽວຂ້ອງ