ຂ່າວຫຼ້າສຸດ

ຮ່ວມນ້ຳໃຈ ມອບປັດໃຈຊ່ວຍເຫຼືອສັງຄົມ

455 24 ມ.ກ. 2019 ວົງຈອນກີລາ
ຮ່ວມນ້ຳໃຈ ມອບປັດໃຈຊ່ວຍເຫຼືອສັງຄົມ

    ທ່ານ ເພັດ​ສະ­ຫຼາດ ສິມ​ພະ­ລີ​ວົງ ພ້ອມ​ດ້ວຍ​ຄອບ­ຄົວ ຍາດ​ພີ່­ນ້ອງ ເພື່ອນ​ມິດ​ສະ­ຫາຍ ແລະ ປະ­ຊາ­ຊົນ​ບ້ານ​ສຸ­ນັນ­ທາ ນະ­ຄອນ​ໄກ­ສອນ ພົມ­ວິ­ຫານ ແຂວງ​ສະ­ຫວັນ​ນະ​ເຂດ ໄດ້​ຮ່ວມ​ກັນ​ນຳ​ເອົາ​ເຄື່ອງ​ອຸ­ປະ­ໂພກ-ບໍ­ລິ­ໂພກ​ໄປ​ບໍ­ລິ­ຈາກ​ໃນ​ງານ​ບຸນ​ນະ­ມັດ­ສະ­ການ​ຮອຍ​ພະ​ບາດ ດານ​ຂັນ ແລະ ດານ​ມົນ ວັນ​ທີ 19–20 ມັງ­ກອນ 2019 ຢູ່​ເມືອງ​ພະ​ລານ​ໄຊ ແຂວງ​ສະ­ຫວັນ​ນະ​ເຂດ.

    ທ່ານ ເພັດ​ສະ­ຫຼາດ ສິມ​ພະ­ລີ​ວົງ ກ່າວ​ວ່າ: ນອກ­ຈາກ​ໄດ້​ເຄື່ອງ​ອຸ­ປະ­ໂພກ-ບໍ­ລິ­ໂພກ​ມາ​ບໍ­ລິ­ຈາກ​ແລ້ວ ພວກ​ເຮົາ​ຍັງ​ໄດ້​ປຸງ​ແຕ່ງ​ເຂົ້າ­ປຽກ ເຝີ 250 ກິ​ໂລ ແລະ ເຄື່ອງ​ດື່ມ ໄປ​ແຈກ​ຢາຍ​ໃຫ້​ປະ­ຊາ­ຊົນ​ທີ່​ມາ​ຮ່ວມ​ງານ​ບຸນ​ໃນ​ຄັ້ງ​ນີ້ ລວມ​ມູນ​ຄ່າ 12 ລ້ານ​ກີບ ເຊິ່ງ​ປີ​ນີ້​ເປັນ​ປີ​ທີ 9 ທີ່​ໄດ້​ນຳ­ພາ​ຄອບ­ຄົວ ແລະ ຍາດ­ຕິ​ພີ່­ນ້ອງ ຈັດ​ກິດ­ຈະ­ກຳ​ດັ່ງ­ກ່າວ ເພື່ອ​ເປັນ​ການ​ປະ­ກອບ­ສ່ວນ​ສ້າງ​ສີ­ສັນ​ໃນ​ງານ​ບຸນ​ພິ­ເສດ ຍັງ​ເປັນ​ການ​ຊ່ວຍ­ເຫຼືອ​ປະ­ຊາ­ຊົນ​ຢູ່​ເຂດ​ຫ່າງ​ໄກ​ສອກ­ຫຼີກ ທີ່​ເດີນ­ທາງ​ມາ​ຮ່ວມ ເຮັດ​ໃຫ້​ເຂົາ­ເຈົ້າ​ໄດ້​ຮັບ​ຄວາມ​ອົບ​ອຸ່ນ ອີ່ມ​ກາຍ-ອີ່ມ​ໃຈ​ພ້ອມ​ກັນ​ປະ­ກອບ­ສ່ວນ​ສ້າງ­ສາ ແລະ ພັດ­ທະ­ນາ​ປະ­ເທດ​ຊາດ​ໃຫ້​ຈະ­ເລີນ​ຮຸ່ງ­ເຮືອງ.

ຂ່າວທີ່ກ່ຽວຂ້ອງ