ຂ່າວຫຼ້າສຸດ

ນີ​ເຊຣີ ມີ​ຄົນ​ທຸກ​ຍາກ​ຫຼາຍ​ທີ່​ສຸດ​ໃນ​ໂລກ

282 28 ມ.ກ. 2019 ຂ່າວຕ່າງປະເທດ
ນີ​ເຊຣີ ມີ​ຄົນ​ທຸກ​ຍາກ​ຫຼາຍ​ທີ່​ສຸດ​ໃນ​ໂລກ

    ຜົນ​ການ​ສ້າງ​ສະຖິຕິ​ຂອງ​ອົງການ The World Poverty Clock ຊີ້​ໃຫ້​ເຫັນ​ວ່າ ນີ​ເຊຣີ ໄດ້​ລ້ຳ​ໜ້າ​ອິນ​ເດຍ ແລະ ​ກາຍເປັນ​ປະເທດ​ທີ່​ມີ​ຄົນ​ທີ່​ດຳລົງ​ຊີວິດ ຢູ່​ໃນ​ເງື່ອນໄຂ​ທຸກ​ຍາກ​ຫຼາຍ​ທີ່​ສຸດ​ໃນ​ໂລກ.

    ທີ່​ກ່າວ​ມາ​ນັ້ນ​ແມ່ນ​ຍ້ອນ​ຜົນ​ຕາມ​ມາ​ຂອງ​ແນວທາງ ນະໂຍບາຍ​ທີ່​ດ້ອຍ​ປະສິດທິພາບ​ຂອງ​ລັດຖະບານ ແລະ​ອັດຕາ​ສ່ວນ​ການ​ສໍ້​ລາດ​ບັງ​ຫຼວງ​ນັບ​ມື້​ນັບ​ເພີ່ມ​ຂຶ້ນ ໄດ້​ເຮັດ​ໃຫ້​ຫຼຸດຜ່ອນ​ຜົນ​ປະໂຫຍດ ທາງ​ດ້ານ​ເສດຖະກິດ ຈາກ​ນ້ຳມັນ ທີ່​ເປັນ​ຊັບພະຍາກອນ​ທີ່​ສຳຄັນ​ທີ່​ສຸດ​ຂອງ​ນີ​ເຊຣີ.

    ປັດຈຸບັນ​ນີ້ ໃນ​ຈຳນວນ​ປະຊາກອນ​ທັງ​ໝົດ 180 ລ້ານ​ຄົນ​ນັ້ນ ຄາດ​ວ່າ​ມີ​ຜູ້​ທີ່​ດຳລົງ​ຊີວິດ​ຢູ່​ໃນ​ສະພາບ​ທຸກ​ຍາກ​ເປັນ​ທີ່​ສຸດ​ເຖິງ 86,9 ລ້ານ​ຄົນ ຫຼື​ເທົ່າ​ກັບ​ເກືອບ 50% ຂອງ​ຈຳນວນ​ປະຊາກອນ ນີ​ເຊຣີ. ຈາກ​ການ​ທີ່​ອັດຕາ​ສ່ວນ​ການ​ເກີດ​ເພີ່ມ​ຂຶ້ນ​ໃນ​ໄລຍະ​ຫຼັງໆ​ມາ​ນີ້ ກໍ​ອາດ​ເປັນ​ໄປ​ໄດ້​ຫຼາຍ ທີ່​ນີ​ເຊຣີ ຈະ​ກາຍເປັນ​ປະເທດ​ທີ່​ມີ​ປະຊາກອນ​ຫຼາຍ​ເປັນ​ອັນ​ດັບ​ທີ 3 ໃນ​ໂລກ ພາຍ​ໃນ​ປີ 2050 ຊຶ່ງ​ເລື່ອງ​ນີ້ ອາດ​ຈະ​ເຮັດ​ໃຫ້​ສະພາບ​ຄວາມທຸກ​ຍາກ​ຢູ່​ໃນ​ນີ​ເຊຣີ ຂີ້ຮ້າຍ​ລົງ​ໄປ​ຕື່ມ​ອີກ.

ຂ່າວທີ່ກ່ຽວຂ້ອງ