ຂ່າວຫຼ້າສຸດ

ສິງກະໂປ​ຍັງ​ຮັກສາ​ອັນ​ດັບ​ທີ​ສອງ​ຂອງ​ໂລກ ກ່ຽວ​ກັບ​ການ​ດຶງ​ດູດ​ເອົາ​ຄົນ​ສະຫຼາດ

225 28 ມ.ກ. 2019 ຂ່າວຕ່າງປະເທດ
ສິງກະໂປ​ຍັງ​ຮັກສາ​ອັນ​ດັບ​ທີ​ສອງ​ຂອງ​ໂລກ ກ່ຽວ​ກັບ​ການ​ດຶງ​ດູດ​ເອົາ​ຄົນ​ສະຫຼາດ

    ບົດ​ລາຍ​ງານ​ການ​ສຳ​ຫຼວດ​ສັງຄົມ​ສະບັບ​ໜຶ່ງ ທີ່​ນຳ​ອອກ​ມາ​ເປີດເຜີຍ​ເມື່ອ​ວັນ​ທີ 21 ມັງກອນ​ທີ່​ຜ່ານ​ມາ ໃຫ້​ຮູ້​ວ່າ ສິງກະໂປ​ຍັງ​ຄົງ​ຮັກສາ​ການ​ຄອງ​ອັນ​ດັບ​ສອງ​ຂອງ​ໂລກ​ໄວ້​ໄດ້ ກ່ຽວ​ກັບ​ການ​ດຶງ​ດູດ ເອົາ​ຄົນ​ທີ່​ມີ​ຄວາມ​ສະຫຼາດ ແລະ​ ກໍ​ເປັນ​ປະເທດ​ດຽວ​ຢູ່​ໃນ​ພາກ​ພື້ນ ອາຊີ-ປາ​ຊີ​ຟິກ ທີ່​ນອນ​ຢູ່​ໃນ​ບັນຊີ 10 ປະເທດ​ແຖວ​ໜ້າ​ຂອງ​ການ​ຈັດ​ອັນ​ດັບ​ກ່ຽວ​ກັບ​ເລື່ອງ​ດັ່ງກ່າວ.

    ສະ​ຖາ​ບັນ​ບໍລິຫານ​ຄຸ້ມ​ຄອງ​ທຸລະ​ກິດ​ເອີ​ຣົບ (INSEAD) ໄດ້​ສົມທົບ​ກັບ​ກຸ່ມ​ບໍລິສັດ Adecco Group ຜູ້​ສະໜອງ​ການ​ບໍລິການ​ກຳລັງ​ຄົນ ແລະ​ກຸ່ມ​ບໍລິສັດ Tata ຂອງ​ອິນ​ເດຍ ປະກາດ​ບົດ​ລາຍ​ງານ​ດັ່ງກ່າວ ກ່ຽວ​ກັບ​ດັດ​ສະ​ນີ​ການ​ແກ້ງ​ແຍ່ງ​ຄົນ​ສະຫຼາດ​ທົ່ວ​ໂລກ​ປີ 2019 ບົນ​ພື້ນຖານ​ການ​ໄຈ້​ແຍກ ແລະ ​ການ​ໃຫ້​ຄະແນນ ກ່ຽວ​ກັບ​ການ​ແກ້ງ​ແຍ່ງ​ດັ່ງກ່າວ ຂອງ 125 ປະເທດ ໃນ​ໂລກ.

    ບົດ​ລາຍ​ງານ​ດັ່ງກ່າວ ລະບຸ​ວ່າ ສິງກະໂປ ໄດ້ 77,2 ຄະແນນ ຕ່ຳ​ກວ່າ 1,15 ຄະແນນ ເມື່ອ​ທຽບໃສ່​ປີ​ກ່ອນ ແຕ່​ຍັງ​ຄົງ​ຮັກສາ​ອັນ​ດັບ​ທີ​ສອງ​ຢູ່​ໃນ​ຕາຕະລາງ​ຈັດ​ອັນ​ດັບ​ໄວ້​ໄດ້ ໂດຍ​ເປັນ​ຮອງ ປະເທດ​ສະ​ວິດ.

ຂ່າວທີ່ກ່ຽວຂ້ອງ