ຂ່າວຫຼ້າສຸດ

ສະ​ວິດ ເປັນ “ປະເທດ​ທີ່​ດີ​ທີ່​ສຸດ” ໃນ​ໂລກ

260 28 ມ.ກ. 2019 ຂ່າວຕ່າງປະເທດ
ສະ​ວິດ ເປັນ “ປະເທດ​ທີ່​ດີ​ທີ່​ສຸດ” ໃນ​ໂລກ

      ວາລະສານ US News & World Report ໄດ້​ປະກາດ​ບັນຊີ​ລາຍ​ຊື່​ການ​ຄັດ​ເລືອກ​ບັນດາ​ປະເທດ​ທີ່​ດີ​ທີ່​ສຸດ​ໃນ​ໂລກ ປະຈຳ​ປີ​ນີ້​ອອກ​ມາ ເມື່ອ​ວັນ​ທີ 23 ມັງກອນ​ນີ້.

    ຢູ່​ໃນ​ການ​ຈັດ​ອັນ​ດັບ​ດັ່ງກ່າວ ມີ 80 ປະເທດ ໄດ້​ຮັບ​ການ​ຕີ​ລາຄາ​ຕາມ 9 ມາດຖານ ໄດ້ແກ່ ການ​ພັດທະນາ​ການທ່ອງທ່ຽວ ການ​ປ່ຽນແປງ​ໃໝ່​ດ້ານ​ເຕັກ​ໂນ​ໂລ​ຊີ ຂົງເຂດ​ສັງຄົມ ວັດທະນະທຳ ຈັງຫວະ​ຄວາມ​ເຕີບ​ໂຕ​ດ້ານ​ເສດຖະກິດ ຄວາມ​ເປີດ​ອົກ​ເປີດ​ໃຈ​ກັບ​ທຸລະ​ກິດ ລະດັບ​ການ​ດຳລົງ​ຊີວິດ​ລວມ​ຂອງ​ປະຊາຊົນ ຕະຫຼອດ​ຮອດ​ອິດ​ທິ​ພົນ​ຂອງ​ປະເທດ​ນັ້ນ​ຢູ່​ໃນ​ເວທີ​ສາກົນ ແລະ ​ມໍລະດົກ​ດ້ານ​ປະຫວັດສາດ.

    ປະເທດ​ສະ​ວິດ ຖືກ​ຈັດ​ຢູ່​ໃນ​ແຖວ​ໜ້າ​ຂອງ​ການ​ຈັດ​ອັນ​ດັບ​ດັ່ງກ່າວ ຮອງ​ລົງ​ມາ​ຕາມ​ລຳດັບ​ກໍ​ແມ່ນ​ຍີ່ປຸ່ນ (ເພີ່ມ​ຂຶ້ນ 3 ຂັ້ນ) ກາ​ນາ​ດາ (ຫຼຸດ​ລົງ 1 ຂັ້ນ) ເຢຍ​ລະ​ມັນ (ຫຼຸດ​ລົງ 1 ຂັ້ນ) ອັງກິດ (ຫຼຸດ​ລົງ 1 ຂັ້ນ) ຊູ​ແອດ ອົດ​ສະ​ຕຣາ​ລີ ແລະ ສ ອາ​ເມ​ຣິ​ກາ. ຖືກ​ຈັດ​ຢູ່​ໃນ​ອັນ​ດັບ​ທ້າຍໆ​ຂອງ​ຕາຕະລາງ ກໍ​ແມ່ນ​ອັງ​ໂກ​ລາ (ອັນ​ດັບ​ທີ 78) ອີ​ຣານ (ອັນ​ດັບ​ທີ 79) ແລະ ​ອີ​ຣັກ (ອັນ​ດັບ​ທີ 80). ສ່ວນ​ຣັດ​ເຊຍ ຖືກ​ຈັດ​ຢູ່​ໃນ​ອັນ​ດັບ​ທີ 24 (ເພີ່ມ​ຂຶ້ນ 2 ຂັ້ນ ເມື່ອ​ທຽບໃສ່​ປີ​ກາຍ).

ຂ່າວທີ່ກ່ຽວຂ້ອງ