ໂອຊາກະ ຍີ່ປຸ່ນຄົນທຳອິດ ຄອງຂັນອັອສເຕຣລ້ຽນໂອເພັນ

104 30 ມ.ກ. 2019 ວົງຈອນກີລາ
ໂອຊາກະ ຍີ່ປຸ່ນຄົນທຳອິດ ຄອງຂັນອັອສເຕຣລ້ຽນໂອເພັນ

    ການ​ແຂ່ງ­ຂັນ​ເທັນ​ນິ​ສ​ແກນ​ສະ​ແລມ​ທຳ​ອິດ​ຂອງ​ປີ ອັອສ​ເຕຣ​ລ້ຽນ ໂອ​ເພັນ 2019 ທີ່​ເມວ​ເບິນ ປະ­ເທດ​ອົດ​ສະ​ຕຣາ​ລີ ຊີງ​ເງິນ​ລາ­ງວັນ​ລວມ​ສູງ​ສຸດ​ເປັນ​ປະ­ຫວັດ­ສາດ​ຂອງ​ການ​ແຂ່ງ­ຂັນ​ປະ­ມານ 400 ຕື້​ກີບ ຫຼື 62,5 ລ້ານ​ໂດ​ລາ​ອົດ​ສະ​ຕຣາ​ລີ.

    ຮອບ​ຊີງ​ຊະ­ນະ​ເລີດ ປະ­ເພດ​ຍິງ​ດ່ຽວ ໃນ​ວັນ​ທີ 26 ມັງ­ກອນ 2019 ເປ​ຕຣ້າ ຄີ​ໂຕ້​ວ້າ ມື 8 ຂອງ​ລາຍ­ການ ຈາກ​ສາ­ທາ­ລະ­ນະ​ລັດ​ເຊັກ ທີ່​ສາ­ມາດ​ເຂົ້າ​ເຖິງ​ຮອບ​ຊີງ​ຊະ­ນະ​ເລີດ ລາຍ­ການ​ນີ້​ເປັນ​ຄັ້ງ​ທຳ​ອິດ ໄປ​ພົບ​ກັບ​ນາ​ໂອ​ມິ ໂອ­ຊາ​ກະ ມື 4 ຂອງ​ລາຍ­ການ ຈາກ​ຍີ່­ປຸ່ນ ແຊັມ ຢູ​ເອ​ັສ ໂອ​ເພັນ ຄົນ​ຫຼ້າ​ສຸດ ປີ 2018 ເຖິງ​ຮອບ​ຊີງ​ລາຍ­ການ​ນີ້​ເປັນ​ຄັ້ງ​ທຳ​ອິດ​ເຊັ່ນ​ກັນ ແລະ ເປັນ​ນັກ​ເທັນ​ນິ​ສ​ຍີ່­ປຸ່ນ​ຄົນ​ທຳ​ອິດ.

    ຄູ່​ນີ້​ພົບ​ກັນ​ເປັນ​ຄົ້ງ​ທຳ​ອິດ ເຊັດ​ທີ 1 ດວນ​ກັນ​ເຖິງ​ໄທ​ເບຣກ ກ່ອນ​ເປັນ ໂອ­ຊາ​ກະ ເອົາ​ຊະ­ນະ 7–6 (7–2) ມາ​ເຊັດ​ທີ 2 ໂອ­ຊາ​ກະ ອອກ​ນຳ 5-3 ແລະ ໄດ້ 3 ແຊ້ມ​ປ້ຽນ​ຊິບ 40-0 ແຕ່​ຖືກ ຄີ​ໂຕ​ວ້າ ຮຶດ​ສູ້​ແຊງ​ຊະ­ນະ 7-5 ຕ້ອງ​ຕັດ­ສິນ​ແຊັມ​ໃນ​ເຊັດ​ທີ 3 ເຊິ່ງ ໂອ­ຊາ​ກະ ສາ­ມາດ​ເກັບ​ຄະ­ແນນ​ສຳ­ຄັນ​ໄດ້​ດີ​ກວ່າ ຄີ​ໂຕ​ວ້າ ກັບ​ມາ​ຊະ­ນະ 6–4 ຊະ­ນະ 2-1 ເຊັດ 7–6 (7–2) 5–7 6–4 ສ້າງ​ປະ­ຫວັດ­ສາດ​ກາຍ­ເປັນ​ນັກ​ເທັນ​ນິ​ສ​ຍີ່­ປຸ່ນ​ຄົນ​ທຳ​ອິດ ສາ­ມາດ​ຄອງ​ຂັນ​ແກຣນ​ສະ​ແລມ ອັອສ​ເຕຣ​ລ້ຽນ ໂອ​ເພັນ ຮັບ​ຂັນ+ພ້ອມ​ເງິນ​ລາ­ງວັນ​ປະ­ມານ 25 ຕື້​ກີບ ຫຼື 4.100.000 ໂດ​ລາ​ອົດ​ສະ​ຕຣາ​ລີ ຫຼື ພ້ອມ​ຄະ­ແນນ​ສະ​ສົມ 2.000 ຄະ­ແນນ ຂຶ້ນ​ເປັນ​ມື 1 ຂອງ​ໂລກ ສ່ວນ​ຮອງ​ຊະ­ນະ​ເລີດ ໄດ້​ຮັບ​ເງິນ​ລາ­ງວັນ​ປອບ​ໃຈ​ປະ­ມານ 12 ຕື້​ກີບ ຫຼື 2.050.000 ໂດ​ລາ​ອົດ​ສະ​ຕຣາ​ລີ.

ຂ່າວທີ່ກ່ຽວຂ້ອງ