ຍີ່ປຸ່ນ ຊະນະ ອີຣານ 3-0 ຜ່ານເຂົ້າຊີງ ເອຊຽນຄັບ 2019

102 30 ມ.ກ. 2019 ວົງຈອນກີລາ
ຍີ່ປຸ່ນ ຊະນະ ອີຣານ 3-0 ຜ່ານເຂົ້າຊີງ ເອຊຽນຄັບ 2019

    ການ​ແຂ່ງ­ຂັນ​ເຕະ­ບານ​ຊາຍ​ຊີງ​ແຊັມ​ອາ­ຊີ ຫຼື ເອ​ຊຽນ​ຄັບ 2019 ຢູ່​ສະ­ຫະ­ລັດ​ອາ​ຣັບ​ເອ​ມີ​ເຣດ ຮອບ​ຮອງ​ຊະ­ນະ​ເລີດ ໃນ​ວັນ​ທີ 28 ມັງ­ກອນ 2019 ທີມ​ຊາດ​ອີ​ຣານ ແຊັມ 3 ສະ­ໄໝ ທີ່​ຕ້ອງ­ການ​ຄວ້າ​ແຊັມ​ອີກ​ຄັ້ງ ໃນ​ຮອບ 43 ປີ ພົບ​ກັບ ທີມ​ຊາດ​ຍີ່­ປຸ່ນ ແຊັມ​ສູງ​ສຸດ 4 ສະ­ໄໝ ໂດຍ​ເປັນ​ແຊັມ​ຫຼ້າ​ສຸດ​ປີ 2011.

    ຄູ່​ນີ້​ເຄີຍ​ພົບ​ກັນ​ໃນ​ເອ​ຊຽນ​ຄັບ 3 ຄັ້ງ​ຜ່ານ​ມາ ໃນ​ຮອບ​ແບ່ງ​ກຸ່ມ ອີ​ຣານ ບໍ່​ຊະ­ນະ ຍີ່­ປຸ່ນ ຄື: ສະ­ເໝີ 2 ນັດ ແບບ​ບໍ່​ມີ​ປະ­ຕູ​ເສຍ 1 ນັດ 0-1 ປະ­ຕູ ໃນ​ປີ 1992 ຫຼ້າ​ສຸດ​ພົບ​ກັນ​ໃນ​ເອ​ຊຽນ​ຄັບ ປີ 2004 ສະ­ເໝີ​ກັນ 0-0 ປະ­ຕູ ໂດຍ​ນັດ​ນີ້ ເຄິ່ງ​ເວ­ລາ​ທີ 1 ທັງ​ສອງ​ທີມ​ຫຼິ້ນ​ແບບ​ລະ­ມັດ­ລະ­ວັງ ເນັ້ນ​ເກມ​ຮັບ​ແບບ​ຮັດ­ກຸມ ເຮັດ​ໃຫ້​ເຄິ່ງ​ເວ­ລາ​ທີ 1 ຈົບ​ແບບ​ບໍ່​ມີ​ປະ­ຕູ ສຳ­ລັບ​ເຄິ່ງ​ຫຼັງ ຍີ່­ປຸ່ນ​ສວຍ­ໂອ­ກາດ​ໄດ້​ດີ​ກວ່າ ແລະ ສາ­ມາດ​ອອກ​ນຳ 1-0 ປະ­ຕູ ຈາກ​ການ​ຍິງ​ຂອງ ຢູ​ຢະ ໂອ­ຊາ​ໂກະ ນາ­ທີ 56 ປະ­ຕູ​ທີ 2 ນາ­ທີ 67 ຈາກ​ຈຸດ​ໂທດ​ຂອງ ຢູ​ຢະ ໂອ­ຊາ​ໂກະ ແລະ ມາ​ໄດ້​ປະ­ຕູ​ທີ 3 ໄລ­ຍະ​ຕໍ່​ເວ­ລາ​ບາດ­ເຈັບ ນາ­ທີ 90+1 ຈາກ ເກັນ​ກິ ຮາ​ຣາ​ກູ​ຊິ ຈົບ​ເກມ​ທີມ​ຊາດ​ຍີ່­ປຸ່ນ ຊະ­ນະ ອີ​ຣານ 3-0 ຜ່ານ​ເຂົ້າ​ຊີງ​ຊະ­ນະ​ເລີດ ລໍ­ຖ້າ​ຜູ້​ຊະ­ນະ​ລະ­ຫວ່າງ ເຈົ້າ­ພາບ ສະ­ຫະ­ລັດ​ອາ​ຣັບ​ເອ​ມີ​ເຣດ ຫຼື ກາ​ຕ້າ ທີ່​ຈະ​ແຂ່ງ­ຂັນ​ວັນ​ທີ 29 ມັງ­ກອນ 2019.

    ອີ​ຣານ ເຂົ້າ​ຮອບ 4 ທີມ​ສຸດ​ທ້າຍ ເອ​ຊຽນ​ຄັບ 6 ຄັ້ງ​ຫຼັງ​ສຸດ​ຕົກ​ຮອບ​ໝົດ ຂະ­ນະ​ທີ່ ຍີ່­ປຸ່ນ ເຂົ້າ​ຮອບ 4 ທີມ​ສຸດ​ທ້າຍ 5 ຄັ້ງ​ຫຼັງ​ສຸດ ເປັນ​ແຊັມ 4 ສະ­ໄໝ ຕົກ​ຮອບ​ພຽງ​ຄັ້ງ​ດຽວ.

    ຫຼ້າ​ສຸດ​ໄດ້​ຄູ່​ຊີງ​ຊະ­ນະ​ເລີດ​ແລ້ວ ລະ­ຫວ່າງ ຍີ່­ປຸ່ນ ພົບ​ກັບ ກາ​ຕ້າ (ກາ​ຕ້າ ເອົາ​ຊະ­ນະ​ເຈົ້າ­ພາບ ສະ­ຫະ­ລັດ​ອາ​ຣັບ​ເອ​ມິ​ເຣດ 4-0).

ຂ່າວທີ່ກ່ຽວຂ້ອງ