ຂ່າວຫຼ້າສຸດ

ນາຍົກລັດຖະມົນຕີ​ຫວຽດນາມ ຮັບຮອງ​ແຜນການ​ປະຕິບັດ​ສັນຍາ CPTPP

509 31 ມ.ກ. 2019 ຂ່າວຕ່າງປະເທດ
ນາຍົກລັດຖະມົນຕີ​ຫວຽດນາມ ຮັບຮອງ​ແຜນການ​ປະຕິບັດ​ສັນຍາ CPTPP

     ຂ່າວສານ​ຫວຽດນາມ ລາຍ​ງານ​ວ່າ ເມື່ອ​ບໍ່​ດົນ​ມາ​ນີ້ ທ່ານ ຫງວ​​ຽນ​ຊວນ​ຟຸກ ນາຍົກລັດຖະມົນຕີ​ຫວຽດນາມ ຮັບຮອງ​ແຜນການ​ປະຕິບັດ​ສັນຍາ​ການ​ເປັນ​ຄູ່​ຮ່ວມ​ຮອບດ້ານ ແລະ​ກ້າວໜ້າ ຂ້າມ​ມະຫາ​ສະໝຸດ​ປາ​ຊີ​ຟິກ (CPTPP).

   ຕາມ​ແຜນການ​ແລ້ວ ກໍ​ແມ່ນ​ໜ່ວຍ​ງານ​ຕ່າງໆ ໃຫ້​ຄວາມ​ສຳຄັນ ຕໍ່​ການ​ຝຶກ​ອົບຮົມ ໃຫ້​ແກ່​ພະນັກງານ​ທີ່​ຂຶ້ນ​ກັບ​ບັນດາ​ອົງການ​ຄຸ້ມ​ຄອງ​ລັດ ໃນ​ຂົງເຂດ​ຈຳນວນ​ໜຶ່ງ ເຊັ່ນ ການ​ລົງທຶນ ການ​ບໍລິການ ດ່ານ​ພາສີ​ອາກອນ ການ​ຈັດ​ຊື້​ຂອງ​ລັດຖະບານ ການ​ປ້ອງ​ກັນ​ດ້ານ​ການ​ຄ້າ ການ​ຄອບ​ຄອງ​ຊັບ​ສິນ​ທາງ​ປັນຍາ ກະສິກຳ ການ​ປະມົງ ແຮງ​ງານ ສິ່ງແວດລ້ອມ ແລະ​ອື່ນໆ ກ່ຽວ​ກັບ​ຄຳ​ສັນຍາ​ຕົວ​ຈິງ ທີ່​ກ່ຽວຂ້ອງ​ຢູ່​ໃນ​ສັນຍາ CPTPP ເພື່ອ​ຮັບປະກັນ​ໃຫ້​ມີ​ຄວາມ​ເຂົ້າໃຈ ຢ່າງ​ຈະແຈ້ງ ແລະ​ເຂົ້າໃຈ​ຢ່າງ​ຖືກຕ້ອງ ຈາກ​ນັ້ນ​ກໍ​ຊ່ວຍ​ເຂົ້າ​ໃນ​ການ​ປະຕິບັດ​ສັນຍາ​ໃຫ້​ຄົບ​ຖ້ວນ ແລະ​ມີ​ປະສິດທິພາບ.

    ໜ້າທີ່​ສຳຄັນ​ອື່ນໆ​ອີກ​ຂອງ​ແຜນການ ກໍ​ແມ່ນ​ການ​ຍົກ​ສູງ​ກຳລັງ​ຄວາມ​ສາມາດ ໃນ​ການ ແກ້ງ​ແຍ່ງ ແລະ ​ການ​ພັດທະນາ ຊັບພະຍາກອນ​ມະນຸດ. ໃນ​ນັ້ນ​ກໍ​ມີ ການ​ສ້າງ​ບັນດາ​ໂຄງການ ໜູນ​ຊ່ວຍ ຍົກ​ສູງ​ກຳລັງ​ຄວາມ​ສາມາດ​ໃນ​ການ​ແກ້ງ​ແຍ່ງ ໃຫ້​ແກ່​ບັນດາ​ຂະແໜງການ​ສິນຄ້າ ວິ​ສາ​ຫະ​ກິດ ໂດຍ​ສະເພາະ​ກໍ​ແມ່ນ​ວິ​ສາ​ຫະ​ກິດ​ຂະໜາດ​ກາງ ຂະໜາດ​ນ້ອຍ ແລະ​ຂະໜາດ​ໜ້ອຍ​ທີ່​ສຸດ ຕະຫຼອດ​ຮອດ​ກະສິກອນ ໃຫ້​ແທດເໝາະ​ກັບ​ຄຳ​ສັນຍາ​ສາກົນ; ພ້ອມ​ກັນ​ນັ້ນ​ກໍ​ກະກຽມ​ວິທີ​ການ​ແກ້​ໄຂ ໃນ​ການ​ຮອງ​ຮັບ ຊ່ວຍເຫຼືອ​ຕໍ່​ບັນດາ​ຂະແໜງການ​ສິນຄ້າ ບັນດາ​ສິນຄ້າ​ທີ່​ໄດ້​ຮັບ​ຜົນ​ກະທົບ​ຫຼາຍ ແລະ​ໂດຍ​ກົງ​ຈາກ​ການ​ຜັນ​ຜວນ​ໃນ​ຕະຫຼາດ​ສາກົນ ແລ ະ​ອື່ນໆ.

ຂ່າວທີ່ກ່ຽວຂ້ອງ