ຂ່າວຫຼ້າສຸດ

ເກີດ​ເຫດ​ລະເບີດ​ຢູ່​ໃນ​ເຂດ​ພາກ​ໃຕ້​ຟີ​ລິບ​ປິນ

429 31 ມ.ກ. 2019 ຂ່າວຕ່າງປະເທດ
ເກີດ​ເຫດ​ລະເບີດ​ຢູ່​ໃນ​ເຂດ​ພາກ​ໃຕ້​ຟີ​ລິບ​ປິນ

      ແຫຼ່ງ​ຂ່າວ Philstar ລາຍ​ງານ​ວ່າ ເຫດການ​ລະເບີດ​ແຕກ​ຮ້າຍ​ແຮງ ໄດ້​ເກີດ​ຂຶ້ນ​ໃນ​ວັນ​ທີ 30 ມັງກອນ​ນີ້ ທີ່​ສະຖານທີ່​ທາງ​ສາສະໜາ​ແຫ່ງ​ໜຶ່ງ​ຂອງ​ຊາວ​ມຸ​ສລິມ ຢູ່​ໃນ​ນະຄອນ ຊຳ​ບວານ​ກາ (ພາກ​ໃຕ້​ຟີ​ລິບ​ປິນ) ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 2 ຄົນ ແລະ​ບາດເຈັບ 4 ຄົນ.

    ໃນ​ຂະນະ​ດຽວ​ກັນ ໂທລະພາບ​ຊ່ອງ News5 ໃຫ້​ຮູ້​ວ່າ ເຫດການ​ລະເບີດ​ດັ່ງກ່າວ​ເກີດ​ຂຶ້ນ ຢູ່​ໃນ​ສະຖານທີ່​ສາສະໜາ​ມຸ​ສລິມ ບາ​ຣັງ​ເກ ທາ​ລອນ-ທາ​ລອນ ໃນ​ເວລາ 1 ໂມງ​ເຊົ້າ​ຂອງ​ວັນ​ທີ 30 ມັງກອນ​ນີ້ ຊຶ່ງ​ເກີດ​ຂຶ້ນ​ໃນ​ຂະນະ​ທີ່​ຜູ້​ໄດ້​ຮັບ​ເຄາະ​ຮ້າຍ​ຍັງ​ພວມ​ນອນ​ຫຼັບ.

    ກ່ອນ​ໜ້າ​ນີ້ ເມື່ອ​ວັນ​ທີ 27 ມັງກອນ ກໍ​ໄດ້​ເກີດ​ເຫດການ​ລະເບີດ​ຂຶ້ນ​ສອງ​ລາຍ ຢູ່​ດ້ານ​ນອກ​ໂບດ ຄຣິ​​ສ​ຕຽນ ຢູ່​ໃນ​ນະຄອນ​ໂຈ​ໂລ ໃນ​ແຂວງ​ຊູ​ລູ (ພາກ​ໃຕ້​ຟີ​ລິບ​ປິນ) ເປັນ​ເຫດ​ໃຫ້ ມີ​ຜູ້​ເສຍ​ຊີວິດ 27 ຄົນ ແລະ ​ບາດເຈັບ​ອີກ 77 ຄົນ.

ຂ່າວທີ່ກ່ຽວຂ້ອງ