ທໍ່​ສົ່ງ​ນ້ຳມັນ​ເຊື້ອ​ໄຟ​ເກີດ​ລະເບີດ​ຢູ່​ໃນ​ລັດ ຮີ​ດາ​​ລ​ໂກ ຂອງ​ເມັກ​ຊິກ

552 31 ມ.ກ. 2019 ຂ່າວຕ່າງປະເທດ
ທໍ່​ສົ່ງ​ນ້ຳມັນ​ເຊື້ອ​ໄຟ​ເກີດ​ລະເບີດ​ຢູ່​ໃນ​ລັດ ຮີ​ດາ​​ລ​ໂກ ຂອງ​ເມັກ​ຊິກ

     ເຈົ້າ​ໜ້າທີ່​ເມັກ​ຊິກ ແຈ້ງ​ໃຫ້​ຮູ້​ວ່າ ທໍ່​ສົ່ງ​ນ້ຳມັນ​ເຊື້ອ​ໄຟ​ເກີດ​ລະເບີດ​ຂຶ້ນ ໃນ​ຂະນະ​ທີ່​ມີ​ຫຼາຍ​ຄົນ ພາກັນ​ຂີ້ລັກ​ນ້ຳມັນ​ເຊື້ອ​ໄຟ​ຢູ່​ໃນ​ທໍ່​ສົ່ງ​ນ້ຳມັນ​ສາຍ​ດັ່ງກ່າວ ຢູ່​ໃນ​ເຂດ​ໃກ້​ກັບ​ສະຖານທີ່​ເກີດ​ເຫດ ທໍ່​ສົ່ງ​ນ້ຳມັນ​ແຕກ ທີ່​ຄ້າຍຄື​ກັນ​ນີ້ ຊຶ່ງ​ເກີດ​ຂຶ້ນ​ກ່ອນ​ໜ້າ​ນີ້​ບໍ່​ດົນ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 115 ຄົນ.

    ໃນ​ຂະນະ​ນີ້ ຍັງ​ບໍ່​ທັນ​ມີ​ລາຍ​ງານ​ເຖິງ​ຜູ້​ເສຍ​ຊີວິດ ຫຼື​ບາດເຈັບ ຈາກ​ເຫດການ ທໍ່​ສົ່ງ​ນ້ຳມັນ​ລະເບີດ​ເທື່ອ​ຫຼ້າ​ສຸດ ໃນ​ວັນ​ທີ 28 ມັງກອນ​ນີ້ ຊຶ່ງ​ເກີດ​ຂຶ້ນ​ຢູ່​ໃນ​ພື້ນ​ທີ່​ລັດ ຮີ​ດາ​​ລ​ໂກ ຫ່າງ​ຈາກ​ເຫດການ​ລະເບີດ ເມື່ອ​ວັນ​ທີ 18 ມັງກອນ ປະມານ 50​ກມ.

ຂ່າວທີ່ກ່ຽວຂ້ອງ